ท​ฌางล้างย้าล้าง 2:22 - Northern Pwo Karen Thai Bible

²² กแช่แยว้ กุ้ นี่ โพล้ง พี่ จ ซ้ะเม-อ้ะ, เฌ๊ นี่ กุ้ แพ้ วะชวะ เฌ๊ ด้องซุ้ ทไฌ่ แม้มึอางอวีง อ มื่งนี้ง พ้า ท่อง ท้อง กแช่ยาเว อ ท ซ้ะทาง พ้ะดู อ มื่งนี้ง นอ โพล้ง ไจ พ้องพลิ้ไฆวะ ซี ล โอ น่างแฌ้ แบ โพล้ง พี่ จ นี่ โชะ-อ้ะ, ดี๊ ลื่ง-อ้ะ แคว่-อ้ะ นอ จดีงจแด้ นี่ แม้ เฌ๊ฌ้อง-อ้ะ เย้า

ท​ฌางล้างย้าล้าง 2:22 Referans Kwoze

เยเรมี 6:25

ไจทาง ลี้ ลู่ง ไชะ พ้า-อ้า ไจ ลู่ง เกล้-อ้า ล ฌี้ เมะเว๊ ดีงแด้ โอ ดี๊ อ น้ะ โอ ดี๊ ท ไพ้ะฆิ้โค๊ฆิ้ กุ้ แพ้ ล้อ

ทอางปฆ้า 31:13

เป๊งนี่ จ แน่ฌ๊า โพล้ง, แอฌี่งแอฌ้อง อ ลู่ง ไคล้ กโช้ เท่อ โอ ดี๊ ทซ้ะเมซ้ะไพล้ กุ้ อ แพ้ พี่ อซื๊งเว๊ ช๊องมอง ซกุ้ เว้ ทแม้ ม ดึ้ซึ้ แย้ โอทาง อ ซ้ะ ม แม้ นี่ จ ท โอม๊า

เยเรมี 46:5

แบทเล้ ก แด อ ซื๊งเว๊ ซ้ะเมซ้ะไพล้ เท่อ ดี๊ แกยโด้งโคล๊ง ไท้ อ ซ้ะ อ ซื๊งเว๊ อ โพล้ง ดึ้ซึ้ เท่อ พู, แบ ท ท่าง ล้างเทะเค้า, ดี๊ ปชื่ง ไจคุ้ซูงไฆวะ อ ซื๊งเว๊ ล แกยไท้ อ ซ้ะ แบ ท ไพ้ะฆิ้โค๊ฆิ้ โอ กุ้ แพ้ กแช่ยาเว โล้ เว๊ บี่อี้ง ล้อ

เยเรมี 20:3

ท่อง ทพ้าง ทาง โฌ้โค๊, พี่ ปาเฮอ เบ้าะล้าง ไท้ เยเรมี ลู่ง นางซุ้เซง ล้อง นอ, เยเรมี ไคล้ ดี๊-อ้ะ ไจ้ะเว๊, “กแช่ยาเว ล นี่ กุ้ น เม้ง ปาเฮอ แบ, แบเด้าะ กุ้ เว๊ มาโกมีซาบี

โล้​ล้างที๊ง​ทอางแม้เลา 28:18

นชื้อนชะ แด เว๊, ม แบ ทชูอ้า, เลา ดี๊ น ทซูงทแซ ทดุ้ทแล, น งู้ น๊างมู๊ง อ พูไช้ะ, น แมะ น แกะ น๊างมู๊ง อ พูไช้ะ, ม แบ ทชูอ้า ล้อ

อีซยา 28:19

อ แยว้ล้าง พ้องไฆวะ ไค๊คื๊ง ชี่ แอ เล้ นอ, อ ม ลี้ฌ้า แน้ ไค๊คื๊ง บี่นอ ล้อ เมะเว๊ อ ม ลี้ แยว้ล้าง พ้องไฆวะ โฌ้ๆ, เย้า โฌ้ๆ, เด้าะ เลา ดี๊ มแช๊แค๊ ดี๊ มแน้แค๊ ดี๊ ม โอ ที่ ท ไพ้ะฆิ้โค๊ฆิ้, ท่อง แน ทอไฌ่อกย้อง ซี นอ

เยเรมี 11:11

อกย้องบี่นอ, กแช่ยาเว ไจ้ะเว๊ บี่อี้ง, อี้งเซ้อ, ก ม ดึ้ เกม๊า ท กึทาง อ ซ้ะ ลู่ง ออ้าอซ๊าง นอ, เฌ๊ ล้างแบ-อ้ะ, พี่ อ เว๊ ไจคุ้ซูงไฆวะ ล พ้อง แบ, ทึเมะ อ เว๊ ม โล้ล้าง ทน้ะทโน๊ง ดี๊ เฆ้อ ฌี้ นอ, ก ล คุ้ช๊องแน-อ้ะ แบ

เยเรมี 44:7

ดี๊ ค๊องเนงอี้ง กแช่ยาเว, กแช่แยว้ ซึ้คู ดูทึชองทึ, กแช่แยว้ ลู่ง อีซลาเอง ไจ้ะเว๊ บี่อี้ง, แม้ทเล้ น ซื๊ง แม้อ้าแม้ซ๊าง ล้าง น ซ้ะ บี่อี้ง, ดี๊ แม้ไฆวะ กแคว๊, กมืง, เลา ดี๊ พืงแซ โอซ๊าง, ดี๊ พืงแซ ลู่ง ยูดา อซุ้อแกล้ พ้า, ท๊อง โพล้ง ล โอ ล้างลื๊อ เอะ แน้ น่างแฌ้ ล้า แบ

2ทกวิ้ไน 36:17

เป๊งนี่ อ นอ, กแช่แยว้ เกม๊า กจุ้แฆว้ โพล้ง เคลเดีย เฌ๊ ดึ้ โละซ้ะ ดี๊ อ ซื๊งเว๊ซีง, กจุ้แฆว้ นอ แม้ซี๊ง อ ซื๊งเว๊ อ โพล้ง พืงแซ แคว๊ ดี๊ น้ะ, ลู่ง กแช่แยว้อล่างโอ พ้า, พี่ อ เก อ ซื๊งเว๊ อ ทแบ้แยว้ล่าง ลู่ง อฌี้ นอ, ดี๊ อ ซื๊งเว๊ ล ย๊างซ้ะ แบ โพล้ง น่างบางซ้ะบาง แคว๊, ดี๊ โพล้งมืงน้าง เช๊งเกล้ง, ดี๊ โพล้ง ซ้ะแซย่ น่าง เม้ง แบ, กแช่แยว้ อางกีล้าง อ ซื๊งเว๊ กุ้ แฌ้ ลู่ง กจุ้แฆว้ นอ อ จูง พ้า

เยเรมี 14:19

กแช่แยว้ ซม๊า เท่อ, ล ฮะนี่ ยูดา ล้า แบ เลาพะ ล้อ โบ่? กแช่แยว้ ทไฌ๊ อ ซ้ะ ดี๊ ซีโยง เย้า โบ่? แบทเล้ กแช่แยว้ พลี ท่าง ก ซื๊งเว๊ ซีง ลแพ น้ะกชุ้, ท้อง ลู่ง ม แม้ ก้องแย่ไท้ แย้ ล ซี ล้า แบ? ก ซื๊งเว๊ ซีง ลแพ, ก อางฆื๊ง แคว่ ทมึทพ้า, แบเด้าะ ล แด ท อ ฌี้ น่างเม้ง แบ เฆาะ ก อางฆื๊ง แคว่ อช๊าอโท่ แม้แบลไท้, แบเด้าะ, แคว่เซ้อ, โอ ที่ ท ไพ้ะฆิ้โค๊ฆิ้ ล้อ

เยเรมี 21:7

กแช่ยาเว ไจ้ะเว๊, ลู่ง ไค๊ ก ม อางกีล้าง ยูดา อ กจุ้แฆว้ เซเดคียา, ดี๊ อ กดูกแซย่ ซีง ลแพ, ดี๊ เว่ง อี้ง อ โพล้ง เฌงพูฆ๊างพู, พี่ อ พ้องพลิ้ ซี๊ง ดี๊ ทแช๊ แบฌะ, น้ะ ดี๊ ท ซ้ะวี่งล้างดุ้ ทอาง นอ, ลู่ง บาบีโลง อ กจุ้แฆว้ เนบูคาเนซา อ จูง พ้า, ดี๊ อางกีล้าง-อ้ะ ลู่ง อดีงอแด้ ลแพ นอ อ จูง พ้า, ลู่ง โพล้ง อางฆื๊ง แม้ซี๊ง-อ้ะ ลแพ นอ อ จูง พ้า, อ เว๊ ม กล้าง-อ้ะ ดี๊ น้ะไอ, อ เว๊ ม ล ย๊างซ้ะ-อ้ะ-อ้า, อางกี ม๊า-อ้ะ-อ้า, โอ ดี๊ ท เซิงช้าซ้ะช้า ดี๊-อ้ะ -อ้า แบ’