โยชูวา 6:22 - Northern Pwo Karen Thai Bible22 โยชูวา อางแบเลา โพล้ง แคว๊ คี๊ง แฌ้, พี่ อ ลี้ฆ้าง แคว่ฌูงดุ้ ที๊งล่างค่างพ้า นอ ไจ้ะเว๊, “เกม๊า ลี้ นึฆ้าง ลู่ง เค๊เซ๊มืง อ เด้า พ้า นอ, ดี๊ ไจทางฌ้าไฆวะ กมืง, ดี๊ โพล้ง กุ้ อ แฌ้ พี่ โอ ดี๊ อ เว๊ นอ, แม้-อ้ะ บี่ซุ้ดี๊ น ชูล้าง เว้ ซ้ะ ดี๊-อ้ะ นอ” Gade chapit la |
โยชูวา 6:22
13 Referans Kwoze
ทอดูทึโท๊ทึกแช่ยาเว ไจ้ะเว๊, ก โอม๊า ล้างเท่งล้างชิ้ ได้ะ บี่จะเล้ นอ, โพล้ง ล แฌ้ นอ, ม แบ ซี๊ง ลู่ง กจุ้แฆว้ อ ทล่าง พ้า, พี่ นี่ ต๊างทาง-อ้ะ เกม๊า อ เก กจุ้แฆว้, เมะเว๊ ซี๊ง ลู่ง กจุ้แฆว้ อ เว่ง บาบีโลง พ้า, พี่ โพล้ง ล แฌ้ นอ, นี่ ดึ้เดวทื่งแช้ ทไคล้ อืงล้างซ้ะ ดี๊ กจุ้แฆว้, ดี๊ นี่ แม้ เฌ๊ฌ้อง ทเอิ้งล้าง, พี่ แม้ เว๊ ดี๊ กจุ้แฆว้ นอ
กจุ้แฆว้ กุ้นี่ โพล้ง กีเบโอง เฌ๊ ไคล้ เว๊ ดี๊-อ้ะ, (โพล้ง กีเบโอง นอ, ล เมะ เก โพล้ง อีซลาเอง อ พู อ ลี้ง แบ แบเด้าะ, เก โพล้ง อาโมไร พี่ อ โอ ล้างลื๊อก้ะ, ทึเมะ โพล้ง อีซลาเอง นี่แม้ ทอืงล้าง ดี๊ อ ซื๊งเว๊ ฌี้ นอ, แบเด้าะ, ซาอู เฌาโละ อางฆื๊ง อ เกล้, พี่ ม แม้ซี๊งไฆวะ เว๊, เมะ เว๊ ทเฌาโละ ลู่ง โพล้ง อีซลาเอง, ดี๊ โพล้ง ยูดา อ พู อ ลี้ง อ ฌ่าง นอ ล้อ)
ทบี่นอ กแคว๊ น่างบางซ้ะบาง พี่ อ เก โพล้ง ลี้ แคว่ฌูงดุ้ เท่อ นอ, ลี้ฆ้าง แม้นี่ น่าง ราฮ้ะ ไจทางฌ้าไฆวะ เว๊, เลา ดี๊ อ มู่ อ แพ่, อ พื่ง แคว๊ วี่ แคว๊, ดี๊ ทกุ้เม้ง พี่ เก อ เว๊ อ เท่อ นอ, ดี๊ ไจทางฌ้าไฆวะ เว๊ อ น๊างเบ้าน๊างเท่ง นอ เลาพะ, เกม๊า เว๊ อ เฌ๊ โอก้ะ ลู่ง โพล้ง อีซลาเอง อ ทล่างโอซยอง นอ อ ฆ้อง
Piblisite