Biblia Todo Logo
Bib sou entènèt

- Piblisite -




โยชูวา 6:21 - Northern Pwo Karen Thai Bible

21 ฌ้อง อ ซื๊งเว๊ แม้ เฌ๊ฌ้อง ท กุ้ อ เม้ง ลู่ง เว่ง พ้า นอ ดี๊ น้ะ อ แน่, เลา ดี๊ อ มืง อ แคว๊, โพล้งน่างบางซ้ะบาง, ซ้ะเม้ง ซ้ะแซย่ ซี๊ง เลาพะ, ดี๊ งู้, แกะ, ดี๊ แลว้ ปะ

Gade chapit la Kopi




โยชูวา 6:21
20 Referans Kwoze  

“โพล้ง ลู่ง เว่ง พ้า, พี่ เปิ่งโอเปิ่งช๊อง ดีโบง พ้า-เอ้อ เกม๊า เฌ๊ล้าง นี่ ลู่ง นฆี๊งนแล้ ดี๊ ชี๊น้าง ฌางคู พี่ เท้มื่งเท้พ้ะ อ คู เมะเว๊ โพล้ง แม้เฌ๊ฌ้อง โมอา, นี่ เฌ๊ ดึ้ โละซ้ะ ดี๊ แน้ อ เว๊ แม้เฌ๊ฌ้อง น ทล่าง ทุ้กดื้ง ซ้ะ พี่ อเฌิ่งอค๊า นอ เย้า


ฌ้อง ท มุ้คู พู ล แฌ้ พี่ อ โอ ดี๊ อ ดู้ง อ ยาง แอ นอ, โชะ ทาง นี่ โล่ง พ้ะดู ล โพลง แบ ด้อง เชิงไนะ พ้ะดู, ฌ้อง จึ้ ล้าง เว๊ ปางเล พ้า ดี๊ ไจ้ะ เว๊ “เว่ง พ้ะดู บาบีโลง นอ ม แบ ท จึ้ ล้าง-อ้ะ ชองๆ, บี่ อี้ง, ฌ้อง โพล้ง ล แด แบ-อ้ะ น่าง พ๊า ล้า แบ ล้อ


อ เว๊ โล้ เอะ กจุ้แฆว้ ไจ้ะเว๊, “กแช่ยาเว ไจ้ะเว๊ บี่อี้ง, ‘เป๊งนี่ น ทูแพล่ไฆวะ กแคว๊ พี่ อ โอ น จูง พ้า, พี่ เก โพล้ง ลู่ง จ อางกีล้าง ม๊า น แม้เฌ๊ฌ้อง-อ้ะ นอ, อ กย้อง บี่นอ, น ทโอม๊า แบ เท่งก้ะ อ เว๊ อ ทโอม๊า ล้อ, ดี๊ น โพล้งเฌงพูฆ๊างพู แบ เท่งก้ะ อ เว๊ อ โพล้งเฌงพูฆ๊างพู’, ”


อ เว๊ พองนี่ ม๊า อาก้ะ โพล้ง อามาเละ อ กจุ้แฆว้, ดี๊ แม้ซี๊ง, กล้าง ซี๊ง, โพล้งเฌงพูฆ๊างพู ดี๊ น้ะ เลาพะ


ค๊องเนงอี้ง, เกม๊า น ลี้ ดึ้ซึ้ โพล้ง อามาเละ, ดี๊ แม้เฌ๊ฌ้อง ทกุ้ อ เม้ง ฆวี๊ อ ซื๊งเว๊ อ เท่อ โอ นอ, ย๊างซ้ะ แบ-อ้ะ ล ฌี้, แม้ซี๊ง-อ้ะ เลา ดี๊ อ มืง อ แคว๊, เลา ดี๊ พืงแซ ปี๊ ดี๊ พืงแซ พี่ อ อาง นู่ง ได้ะ, เลา ดี๊ งู้, แกะ, เอ้า, ดี๊ แลว’, ”


ทลู่นี่ ทฆ้าทโฆ่ เลาพะ พี่ นี่แบ เว๊ เว่ง พ้า ลแพ, เลา ดี๊ ทพูแฆ่ โด้ง น๊างมู๊ง นอ, โพล้ง อีซลาเอง แม้ เกก้ะ เว๊ อ กแช่ อ เท่อ, แบเด้าะ เมะ กโพล้ง นอ, อ ซื๊งเว๊ แม้ซี๊ง เว๊ ดี๊ น้ะ อ แน่ ท่อง อ เลา อ เช๊ง ล้อ, ทโอม๊า กุ้เม้ง พี่ อ แซทาง แซล้าง ซี นอ, ล อางกีล้างลื๊อ เว๊ น่าง เม้ง ล้าแบ


อ เว๊ ดึ้นี่ เว่ง นอ, เลา ดี๊ กจุ้แฆว้ ดี๊ เฌง พี่ อ โอ วะชวะ ลแพ นอ เลาพะ ปะ, ดี๊ แม้ซี๊ง โพล้ง ลแพ นอ ดี๊ น้ะ อ แน่, ดี๊ แม้ เฌ๊ฌ้อง โพล้ง กุ้ แฌ้ พี่ อ โอ เว่ง พ้า นอ เลาเช๊ง, ล เกม๊า เว๊ อ ล้างลื๊อ น่าง แฌ้ ล้าแบ, อ เว๊ แม้ เอะ เว่ง เฮโบรง บี่จะเล้ นอ, แม้ เอะ เว่ง เดบี ดี๊ อ กจุ้แฆว้ นอ บี่นอ ปะ ล้อ, แม้ เว๊ บี่ซุ้ดี๊ แม้ เอะ เว่ง ลิ้นา ดี๊ อ กจุ้แฆว้ ล เม้ง ฆ่าง นอ ล้อ


ล นี้ง แย๊ นอ, โยชูวา ดึ้นี่ เว่ง มาเคดา นี่ชึ ดี๊ แม้ซี๊ง โพล้ง เว่ง พ้า นอ ดี๊ น้ะ อ แน่, เลา ดี๊ กจุ้แฆว้ เว่ง พ้า นอ ปะ, อ เว๊ แม้ เฌ๊ฌ้อง โพล้ง ลแพ นอ เลาพะ, โพล้ง ล โอม๊า ลู่ง เว่ง พ้า นอ น่าง แฌ้ ล้าแบ, อ เว๊ แม้ เอะ กจุ้แฆว้ เว่ง มาเคดา, บี่ซุ้ดี๊ แม้ เอะ กจุ้แฆว้ เว่ง เยรีโค นอ ปะ ล้อ


เกม๊า น ซื๊ง แม้ เฌ๊ฌ้อง โพล้ง กุ้ชื้อกุ้ชะ เลาพะ, พี่ กแช่ยาเว น กแช่แยว้ อางกีล้าง เอะ แน้ นอ, เกม๊า น เมะคลี๊ง ย๊างซ้ะ แบ อ ซื๊งเว๊ ล ฌี้, แม้ เอะ กเย่ อ ซื๊งเว๊ อ ทกโช้งกแช่ นอ อ เท่อ ล ฌี้, เมะเว๊ อ ม เก พลี้ง ดุ้นี่ แน้ ล้อ


ล ว๊าง แย๊ นอ, ก นี่ แม้นี่ก้ะ อ เว่ง เลาพะ, ดี๊ ก นี่ แม้ ซี๊งทู่งอูงเล้ง โพล้ง แคว๊, โพล้ง มืง, ดี๊ พืงแซ, ลู่ง เว่ง พ้า กุ้ เว่ง, โพล้ง ล โอม๊า ล้างลื๊อ น่างแฌ้ แบ เฆาะ


เกม๊า น อางกี ทลู่นี่ก้ะ ลู่ง เว่ง พ้า นอ, ลี้ อางกีซยอง-อ้ะ ลู่ง เว่ง อ คว้าง พ้า, ดี๊ เช้าไฆวะ เว่ง, ดี๊ ทลู่นี่ก้ะ กุ้เม้ง ลู่ง เว่ง พ้า นอ ดี๊ มี, เทว๊ เอะ กแช่ยาเว น กแช่แยว้, เกม๊า อ เกก้ะ เว่ง โอโปล้ ล้างชู้ล้างแกย, ไต้ทางไท้ อ ซ๊าง ล ฌี้


เกม๊า น แม้ เอะ เว่ง ไอ ดี๊ อ กจุ้แฆว้ นอ, บี่ซุ้ น แม้ เอะ เว่ง เยรีโค ดี๊ อ กจุ้แฆว้ นอ ปะ, แบเด้าะ ทฆ้าทโฆ่ ดี๊ ทพูแฆ่ โด้ง น๊างมู๊ง, พี่ ลู่นี่-อ้ะ นอ น แม้ เกก้ะ น เท่อ ซี, แด้เว้ น ซ้ะ ลี้ ดึ้ เท่อ, โอคุ้ซูง-อ้ะ ลู่ง เว่ง โคล๊ง ล โค๊ นอ”


เมะ โพล้ง พี่ อ ดึ้นี่ เว่ง ลแพ นอ ไจทางไฆวะ เว่ง พ้า เฌ๊ ดึ้ อ ซื๊งเว๊, ดึ้ เกม๊า อ ซื๊งเว๊ โอ ลู่ง โพล้ง อีซลาเอง อ แกล้ พ้า, พี่ อโอ อี้ง โค๊ ล น้าง อู้ง โค๊ ล น้าง, โพล้ง อีซลาเอง ดึ้ซึ้ อ ซื๊งเว๊ พ้องพลิ้ไฆวะ ดี๊ ทซี๊ง น่าง แฌ้ เอะ ไจคุ้ซูงไฆวะ ซี น่าง แฌ้ เอะ


แบเด้าะ ท่อง โพล้ง กีเบโอง แน่ฌ๊า แบฆ้ะ ดี๊ เท่อ พี่ โยชูวา แม้ เอะ เว่ง เยรีโค, ดี๊ เว่ง ไอ บี่จะเล้ นอ


โพล้ง อีซลาเอง แม้ซี๊ง โพล้ง เว่ง พ้า นอ ดี๊ น้ะ อ แน่ กุ้ แฌ้, ดี๊ แม้ เฌ๊ฌ้อง เว๊ เลาเช๊ง, เท่อ พี่ โอ ดี๊ ทม๊า ลู่ง อ แซทาง แซล้าง ล ล้างลื๊อ น่าง เม้ง ล้าแบ, ดี๊ อ เว๊ เช้า เว่ง ฮาโซะ นอ ดี๊ มี เฆาะ


Swiv nou:

Piblisite


Piblisite