โยเอง 2:3 - Northern Pwo Karen Thai Bible

³ มี อาง เฌ๊ฌ้อง เท่อ, โอ ลู่ง อ เมะแซ พ้า ดี๊ มีแล อาง เท่อ โอ ลู่ง ล่างไค๊ ที๊งล่างค่างพ้า นอ, บี่ซุ้ดี๊ โซ๊ง เอเดง ลู่ง อ เมะแย๊ อู้ง แบเด้าะ ลู่ง อ ล่างไค๊ นอ, เก บี่ซุ้ดี๊ แพะคูทเคแกล้ พี่ โอโปล้ ก้ะ ท ล โอ พ้องพลิ้ไฆวะ ดี๊-อ้ะ น่างเม้ง แบ

โยเอง 2:3 Referans Kwoze

อีซยา 51:3

เมะเว๊ กแช่ยาเว ม แม้ ชองทาง ซีโยง อ ซ้ะ กแช่แยว้ ม แม้ ชองทาง อ ทล่าง ญ๊องไฆวะ โอโปล้ ก้ะ กุ้จอง ดี๊ ม ดึ้ เกม๊า เว๊ อ แพะคูทเคแกล้ บี่ซุ้ดี๊ โซ๊ง เอเดง ดี๊ อ ทล่าง ซู๊งไฆ๊ บี่ซุ้ดี๊ กแช่ยาเว อ โซ๊ง เซง ม แด ท เซิงฆวี๊งซ้ะโย้, ดี๊ ท ซ้ะอวีงซ้ะโทะ ดี๊ อ เว๊ เลา ดี๊ ท ไจ้ะบลึ้ไจ้ะบลาง, ดี๊ แท๊ ซ้ะอวีง อ ลู่ง

ทอคางไท้ะ 2:8

กแช่ยาเว กแช่แยว้, เซิงล้าง โซ๊ง ล จอง ลู่ง เอเดง พ้า, ลู่ง มื่งทาง ล โค๊, ดี๊ อางกีล้าง เกม๊า กโพล้ง พี่ อ ไต้ล้าง เว๊ นอ, โอ พี่ นอ ล้อ

เซคารียา 7:14

ดี๊ ก เกม๊า อ เว๊ ที่มื่งที่พ้ะไฆวะ ดี๊ ลี้ง ทแม้อ้า อ ซ้ะ, ลู่ง โพล้ง กุ้ที๊งกุ้ค่าง, พี่ อ เว๊ ล ซีงแฌ๊ เว๊ แบ นอ อซุ้อแกล้ พ้า, ทบี่นอ, ที๊งล่างค่างพ้า พี่ อ ญ๊องไฆวะ เว๊ นอ, โอโปล้ก้ะ ล้อ, ท๊อง โพล้ง ล โอ นึฆ้าง ไจทาง น่างแฌ้ ล้า แบ, ดี๊ ที๊งล่างค่างพ้า พี่ ล้าง โอ นอ, เก ทล่าง โอโปล้ก้ะ เว๊ แด ล้อ”

ทไจทางไฆวะ 10:15

ทวี่ นอ ช่องล้าง คลึไบ้ะ ที๊งล่างค่างพ้า, ท๊อง แคว่ เท่อ ไค้ะซ๊า เลาพะ อาง ทดุ้ทแล กุ้ อ เม้ง ลู่ง ฌางคู คู, ดี๊ ทแซ กุ้เม้ง พี่ มื่งแซ ล้างแบ เว๊ เฌ๊ฌ้อง โอก้ะ ลแพ นอ เลาพะ, เฆ้ง อีไย้ะ พ้า นอ, ท อ แล แล๊แค๊ ล ล้างลื๊อ น่าง เม้ง ล้าแบ, เซง ฌี้, ทดุ้ทแล ลู่ง ไชะ พ้า ฌี้

ทไจทางไฆวะ 10:5

ม เฌ๊ล้าง ฆวี้ทะ ท๊อง แคว่ เท่อ ล แด ฌางคู คู แบ, ดี๊ เท่อ พี่ มื่งแซ ล้างแบ เว๊ เฌ๊ฌ้อง โอก้ะ ลแพ นอ, ทวี่ ม อาง เว๊ เลาพะ, ดี๊ เซง กุ้ เทิง พี่ เกทาง เอะ แน้ ลู่ง ไชะ พ้า นอ ม อางไฆวะ เว๊ เลาพะ

อาโม 7:4

ทอดูทึโท๊ทึกแช่ยาเว, เนโพลทาง เอะ แย้, อี้งเซ้อ, ทอดูทึโท๊ทึกแช่ยาเว, กุ้นี่ เกม๊า โอ ดี๊ ท แม้เตาแม้แต๊ ดี๊ มี, ดี๊ มี อาง เฌ๊ฌ้องไฆวะ ทโยะคิ้ ลู่ง ฌางคู เช๊ละ ดี๊ อางไฆวะ ฌางคูโคล๊งคู

เยเรมี 5:17

อ เว๊ ม อาง ท พี่ น เก้า นี่-อ้ะ, ดี๊ อาง น ท อาง อ เว๊ ม อาง น พูแคว๊, ดี๊ น พูมืง อ เว๊ ม อาง น แกะ น งู้ น๊างมู๊ง อ เว๊ ม อาง น ซไบ้ะ มื่ง, ดี๊ น กูงเย้ มื่งเทิง อ เว๊ ม เจ่ น้ะ, แม้ เฌ๊ฌ้อง กเย่ น เว่ง พี่ โอ ดี๊ ทล่างคุ้แคว่ เท่อ พี่ น อางกีล้าง น ซ้ะ นอ”

ทอางปฆ้า 50:3

ก กแช่แยว้ เฌ๊, อเว๊ ล โอกโช้ ไก้ไม่ แบ มีเค้ อาง เซงทื่งเฌ๊ฌ้อง เท่อ, เฌ๊ ลู่ง อ เมะแซ พ้า ดี๊ วะ กแช่แยว้ อฆูอฆ้อง นอ, โอ ดี๊ ลี้งเฌ๊ พ้ะดู ชองโฆะ

ทอคางไท้ะ 13:10

โล้ะ บุ้ทาง อ เมะ, แคว่ ทแด้คู ลู่ง ที๊ง โจเด้ง กล้อง เลาพะ, แด เว๊ โอ ดี๊ ที๊ง กู้งๆ, ล๊าๆ, กุ้ จอง ล้อ, (อ อี้ง นอ เก ทแม้ อ ซ้ะ, พี่ กแช่ยาเว ล คลึ้ แม้ เฌ๊ฌ้อง เว่ง โซโดง ดี๊ เว่ง โกโมรา ได้ะ แบ อู้ง ล้อ), บี่ซุ้ดี๊ กแช่ยาเว อ โซ๊ง เซง บี่ซุ้ดี๊ ค่าง อีไย้ะ, ล แพ้ แย๊ พี่ ม ลี้ ลู่ง เว่ง โซอา ล โค๊ นอ

ทอางปฆ้า 97:3

มี เค้ทาง, โอ ลู่ง กแช่แยว้ อ เมะแซ พ้า ดี๊ อางไฆวะ กแช่แยว้ อดีงอแด้ พี่ โอ อฆูอฆ้อง นอ

อีซยา 9:18

เมะเว๊ ทอ้าทซ๊าง นอ อาง เท่อ บี่ซุ้ดี๊ มีอาง เท่อ อ อาง เท่อ เลา ดี๊ ทชูง พูปรี้ง ดี๊ ทชูง พ้ะดู อ เช้าฆ้าง มี ลู่ง ทเค ไบ้ะไทะ อ เซง มู่โท้ง แกล้ ฌ้อง เซง นอ ล้างแม่ไฆวะ เก ท อ คูง ดี้ง ทาง

อีซยา 9:19

เมะเว๊ ลู่ง กแช่ยาเว ซึ้คู ดูทึชองทึ อ ท ซ้ะทาง พ้ะดู อกย้องนอ ที๊งล่างค่างพ้า นอ แบ ท เช้า-อ้ะ ดี๊ โพล้ง เฌงพูฆ๊างพู นอ บี่ซุดี๊ มี อ แช โพล้ง ล โอ น่างแฌ้ แบ อางกี ม๊า อพื่งอวี่

อีซยา 14:17

พี่ ดึ้ เกม๊า ฌางคูโคล๊งคู เก บี่ซุ้ดี๊ แพะคูทเคแกล้ ดี๊ แม้เฌ๊ฌ้องไฆวะ เว่ง กุ้จอง ลู่ง ฌางคูโคล๊งคู อี้ง? โพล้ง พี่ ล ญ่อง ทูแพล่ อ ฆ่อง เกม๊า อ ไท้ไท้ ลู่ง อเด้าอล่าง แบ?’

อีซยา 15:6

ที๊งกล้อง ลู่ง นีงรีง นอ เกทาง ก้ะ ทล่าง โอโปล้ ก้ะ นาง นอ ไย้ะไฆ๊ ดี๊ นางบาง นอ ล เมทาง แบ ทดุ้ทแล แล๊แค๊ ล โอ ล้า แบ

เอเซเคียง 36:35

ดี๊ โพล้ง ลแพ นอ ม ไจ้ะเว๊ บี่อี้ง, ‘ที๊งล่างค่างพ้า อี้ง พี่ อ เคไบ้ะ โอโปล้ก้ะ นอ, นี่ เกทางก้ะ ด้องซุ้ โซ๊ง เอเดง, ดี๊ เว่ง ลแพ พี่ โอโปล้ก้ะ เคไบ้ะ ดี๊ แค่เทา ล้างฆ่อง นอ, ค๊องเนงอี้ง โพล้ง โอ เว๊, ดี๊ กางแป โอ ปะ’

อีซยา 33:4

น ซื๊ง ทฆ้าทโฆ่ พี่ ลู่นี่-อ้ะ นอ, ม แบ ท อางกีซยอง บี่ซุ้ดี๊ ทวี่ บางไพละ อางกีซยอง เท่อ โพล้ง ม พื๊งซยุ้ ซย่าง เท่อ, บี่ซุ้ดี๊ ทวี่ น๊างมู๊ง พื๊งซยุ้ ซย่าง เท่อ

ฮาบากุ้ 1:6

เมะเว๊ อี้งเซ้อ, ก บุ้แบ โพล้ง เคลเดีย อ ซ้ะ โพล้ง กุ้ชื้อกุ้ชะ พี่ อ เซิงชองซ้ะไคล้ ดู้งลู่ นอ โพล้ง พี่ เกม๊า ซึ้พู ลี้ เฆ้ง ฌางคูโคล๊งคู บี่ซุ้ แม้นี่ก้ะ เด้า พี่ ล เมะ อ กแช่ เว๊ แบ