เยเรมี 9:22 - Northern Pwo Karen Thai Bible

²² เกม๊า ไคล้ บี่อี้ง, “กแช่ยาเว ไจ้ะเว๊ บี่อี้ง กโพล้ง อ จู ม ลี่งแล่ อ ซ้ะ บี่ซุ้ดี๊ ทพูแฆ่ อ อี ลู่ง ญ้าง พ้า บี่ซุ้ดี๊ บืงโพ่ พี่ อ ล้างเทะ โพะ โพล้ง เก้า บืง อ ไค๊ ดี๊ โพล้ง ล โอ ฆี๊ นี่ เว๊ น่างแฌ้ แบ”

เยเรมี 9:22 Referans Kwoze

เยเรมี 8:2

ดี๊ อ เว๊ ม ลีงแล่ ทาง ทฆีง ลแพ นอ, ลู่ง มื่ง ดี๊ แล้ อ เมะแซ พ้า, ดี๊ กเย่ ท พี่ อ โอ ลู่ง มุ้คู ลแพ นอ เลาพะ, พี่ อ ซื๊งเว๊ เอ ดี๊ โบงทางแบ้ทาง เว๊, พี่ อ นี่ โพะตไล่ เว๊ อ ไค๊, พี่ อ เว๊ นี่ อางฆื๊ง เว๊ ดี๊ โบงทางแบ้ทาง เว๊, โพล้ง ม ล โอ อางกีซยอง ทฆีง-อ้า, เคิงล้างบ้า ทฆีง ลแพ อี้ง-อ้า น่างแฌ้ แบ, แบเด้าะ ม เก บี่ซุ้ดี๊ ทพูแฆ่ อ อี ลู่ง ฌางคู คู ล้อ

เยเรมี 25:33

ดี๊ กเย่ โพล้ง พี่ กแช่ยาเว แม้ซี๊ง เว๊ ล นี้ง แย๊ นอ, ม โอ นี่ ลู่ง ฌางคูโคล๊งคู อ คี๊งทุ้ อี้ง แพ้ อี้ง, ลี้ท้อง ฌางคูโคล๊งคู อ คี๊งทุ้ อู้ง แพ้ อู้ง, อ ซื๊งเว๊ ลแพ นอ, โพล้ง ม ล โอ ฌางล้างย้าล้าง แบ-อ้ะ-อ้า, อางกีซยอง-อ้ะ-อ้า, เคิงล้างบ้า-อ้ะ-อ้า, น่างแฌ้ แบ, แบเด้าะ ม เก บี่ซุ้ดี๊ ทพูแฆ่ อ อี โอ ฌางคูคู

เซฟางยา 1:17

ก ม เกม๊า ทน้ะทอ้า เฌ๊ฌูง กโพล้ง อ ซื๊งเว๊ ม ไจ ด้องซุ้ โพล้ง เมะโบล เป๊งนี่ อ เว๊ นี่ แม้ ทเด้บ้ะ แบ กแช่ยาเว อ เว๊ อ ซวีง ม แบ ท ลู๊งล้าง บี่ซุ้ดี๊ ท อ มูง ดี๊ อ แย ม แบ ท ลู๊งล้าง บี่ซุ้ ดี๊ ทพูแฆ่ อ อี

เยเรมี 16:4

อ ซื๊งเว๊ ลแพ นอ, ม ซี๊ง ดี๊ ทแช๊ อ้า, ม ล โอ ดี๊ ท ฌางล้างย้าล้าง มองแบ-อ้ะ แบ, ดี๊ โพล้ง ม ล โอ เคิงล้างบ้า-อ้ะ น่างแฌ้ แบ, อ เว๊ ม เก บี่ซุ้ดี๊ ทพูแฆ่ อี, พี่ โอ ลู่ง ฌางคูคู, อ ซื๊งเว๊ ลแพ นอ, ม เซงทื่งเฌ๊ฌ้อง ดี๊ น้ะ, ดี๊ ท ซ้ะวี่งล้างดุ้ ทอาง, ดี๊ อ จู นอ, ม เก ทู ลู่ง ทพุ้พ๊าง อ ทอาง, ดี๊ ทพูแฆ่ ลู่ง ฌางคูคู อ ทอาง ล้อ

อีซยา 5:25

ทบี่นอ, กแช่ยาเว อ ท ซ้ะทาง พ้ะดู ซยุ้ทาง แบ อพูอลี้ง ดี๊ กแช่แยว้ เยาฆ้าง อ จูง แม้เทะแม้ท้าง-อ้ะ ดี๊ ดึ้ซึ้-อ้ะ ฌ้อง ทลู่ง ลแพ นอ ว้ะโทะ เทาทื้ง ดี๊ อ ซื๊งเว๊ อ จู นอ บี่ซุ้ดี๊ ทโซยะทซย้าง อ โป้ง โอ ลู่ง เกล้ ลู่ง พ้า ทึเมะ บี่นอ ฌี้, กแช่แยว้ อ ท ซ้ะทาง ล ล้างแม่ แบ ดี๊ กแช่แยว้ อ จูง นอ เยาฆ้าง อ ซ้ะ ได้ะ

ทอางปฆ้า 83:10

โพล้ง พี่ แบ ทแม้ เฌ๊ฌ้อง, ลู่ง เว่ง เองโด โพล้ง พี่ เกทางก้ะ ทจูอืง, ลู่ง ฌางคูคู

เยเรมี 7:33

ดี๊ โพล้งเฌงพูฆ๊างพู อี้ง อ จู, ม เก ทู ลู่ง ทพุ้พ๊าง อ ทอาง, ดี๊ ทพูแฆ่ ลู่ง ฌางคูโคล๊งคู อ ทอาง, ดี๊ โพล้ง ล โอ น่างแฌ้ แบ, ม โฌ๊ ไจไฆวะ เว๊ ซี

2​กจุ้แฆว้ 9:37

ดี๊ น่าง เยเซเบง อ จู นอ, ม เก ด้องซุ้ ทพูแฆ่ อ อี ลู่ง ญ้าง พ้า, ลู่ง ค่างช๊า ยีซเรเอง พ้า, บี่ซุ้ โพล้ง ม ไจ้ะเว๊ ล ซี น่าง แฌ้ แบ, ‘อ อี้ง นอ เก น่าง เยเซเบง’, ”

เยเรมี 6:21

อกย้องบี่นอ, กแช่ยาเว ไจ้ะเว๊ บี่อี้ง แคว่เซ้อ, ลู่ง โพล้ง ล ชื้อ อี้ง อ เมะแซ พ้า ก ม อางกีล้าง ทะ ท แบท้า, เกม๊า อ เว๊ แบท้า เลา ดี๊ แพ่ ดี๊ พู ปะ เลา ดี๊ ฌุ้พาง, ดี๊ ฌุ้พาง เท่ง ซ้ะ ม เซงทื่งเฌ๊ฌ้อง ล้อ”

โล้​ล้างที๊ง​ทอางแม้เลา 8:17

เกม๊า ปโล่ เท่อ เมะ ฌี้, ไค๊ไก้ะ น ม ช๊องมอง เท่อ ลู่ง ซ้ะ พ้า บี่อี้ง, ‘จไฌ่จแบ้, ดี๊ จชองจไคล๊, เฌ๊โชะ เอะ แย้ คองแซย้, โอ ดี๊ อ ลื่งดูฆวี้แค้ อี้ง ล้อ’

2​กจุ้แฆว้ 20:13

ดี๊ เฮเซคียา ตองช๊า อ ซื๊งเว๊, ดี๊ ไจฌ้า อ ซื๊งเว๊ แคว่ดุ้ ทล่างอางกีซยอง อคองอแซย้ นอ เลาพะ, เกม๊า เว๊ อ แคว่ดุ้ จี้, ท๊อง, ทน๊าม๊า, ดี๊ ทซู ลู่ง อ ฌี้, ดี๊ อ ทล่างอางกีซยอง นางดึ้นางชาง, ดี๊ ทกุ้เม้ง พี่ อ โอ ลู่ง ทล่างอางกีซยอง เท่อ อ พ้า นอ, ทกุ้เม้ง ลู่ง อ บลาง พ้า, ดี๊ ลู่ง อ มื่ง อ บ้าง พ้า เลาพะ นอ, ท ล โอ น่าง เม้ง แบ พี่ เฮเซคียา ล เนโพลทาง เอะ-อ้ะ-แบ

2​กจุ้แฆว้ 20:15

อีซยา อางจ้ะ-อ้ะ ไจ้ะเว๊, “อ ซื๊งเว๊ แด ทเม้งเล้?, ลู่ง น บลาง พ้า”, เฮเซคียา ไคล้ช๊า-อ้ะ ไจ้ะเว๊, “อ ซื๊ง แด ทกุ้ อ เม้ง ลู่ง จ บลาง พ้า, ท ล โอ น่างเม้ง แบ ลู่ง จ ทล่างอางกีซยองเท่อ อ พ้า พี่ จ ล เนโพล เอะ-อ้ะ แบ นอ”

โยบา 5:13

กแช่แยว้ พองนี่ โพล้ง พี่ โอ ดี๊ อ ทโกงซีมองแบ นอ ดี๊ อ กแช่ อ ทโกงทแกย แด เว๊ ล้อ ดี๊ โพล้ง อางโล๊ไละ เท่อ อ ทช๊องมองเว้ ทแม้ นอ, แม้ โอโท๊ไฆวะ เว๊ ล ทีงฆ่าง

ทอางปฆ้า 49:7

เต้ๆ, ล้อ, โพล้ง เทะนี่ไท้ อพื่งอวี่-อ้า เทว๊ ทเทะนี่ไท้ อ กแช่ ฆวี๊ เอะ กแช่แยว้-อ้า, ล โอ น่างแฌ้ แบ

ทอางด้อง 18:11

โพล้ง ทโอทช๊อง อคองอแซย้ นอ, เก อ เว่ง พี่ อเฌิ่งอค๊า ดี๊ เก ด้องซุ้ กางแป พ้ะโท๊, บี่ซุ้ดี๊ อ ท ช๊องมอง นอ ล้อ

ทอางด้อง 23:4

เฌา แม้เท่อไพ้ะเท่อ, ท๊อง ล้างเพาล้างแช่, บี่ซุ้ ม เก โพล้ง ทโอทช๊อง ล ฌี้ เกม๊า ไพ่แซย๊, แอ เมาะ พี่ ม โอไปว้ะโอแซ

ฮาบากุ้ 1:11

ฌ้อง อ เว๊ กว้ะ ลี้แพ๊ เท่อ, บี่ซุ้ดี๊ ลี้งอูง เท่อ ลี้ พะไฆวะ อ เว๊ เก โพล้ง โอ ดี๊ อ คูอวีงมี๊งบะ ลู่ง ออ้าอซ๊าง, อ เว๊ อไฌ่อแบ้ นอ, เมะเว๊ อ กแช่แยว้ ล้อ