เยเรมี 51:20 - Northern Pwo Karen Thai Bible

²⁰ “น เก คีคู ดี๊ ก นางดึ้นางชาง ก เจ่ แน้ ท่าง กเย่ โพล้ง กุ้ชื้อกุ้ชะ เก ล ไก้ๆ ก เจ่ แน้ แม้เฌ๊ฌ้อง บ้างมื่ง ลแพ นอ ล้อ

เยเรมี 51:20 Referans Kwoze

มีคา 4:13

เกม๊า เฌ้เทิงทาง, ดี๊ เกม๊า ไย่ล้าง บืง แดเทา โอ้, ซีโยง อ พูมืง-เอ้อ เมะเว๊ ก ม แม้ น โน้ง, เกม๊า อ เก ท้ะ ดี๊ แม้ น คางมีงแท่, เกม๊า อ เก ท่องบ้าง ดี๊ น ม ไน้ะเน้า โพล้ง กุ้ชื้อกุ้ชะ แอฌี่งแอฌ้อง เก ทมูงทมวี๊ง ดี๊ ท พี่ อ ซื๊งเว๊ นี่ แบ เว๊ ลู่ง ออ้าอซ๊าง นอ, น ม อางกีล้าง เอะ กแช่ยาเว ดี๊ อ ซื๊งเว๊ อคองอแซย้ นอ, อางกีล้าง เอะ ทอดูทึโท๊ทึกแช่ ลู่ง ฌางคูโคล๊งคู เลาพะ

อีซยา 37:26

‘น ล แน่ฌ๊า แบ-อ้า ก เก้อะเร้อะ เว้ เท่อ ไยะเย้า? ก ช๊องมองเว๊ทแม้ โค๊ลู่ง เอะ อู้ง เย้า ดี๊ ค๊องเนงอี้ง ก ดึ้ เกม๊า อ เกทาง อ ซ้ะ เย้า เมะเว๊ น ม แม้ เกม๊า เว่ง พี่ อ โอ ดี๊ ทล่างคุ้แคว่เท่อ ล้างฆ่อง เกทางก้ะ ท ล้างฆ่อง แค่เทาแค่ไช้ะ อ โป้ง

ม้ะทู 22:7

กจุ้แฆว้ อ ซ้ะทาง ดู มะ, เจ่ ทาง อ ซึ้พู ลี้ แม้ ซี๊ง โพล้ง พี่ อ แม้ ซี๊ง เท่อ ล แพ นอ, ฌ้อง เช้า ไฆวะ เว๊ อ เว่ง อ ทะ นอ ล้อ

เยเรมี 50:23

คีคู ลู่ง ฌางคูโคล๊งคู เลาพะ นอ แบ ท กล้างเทะ ล้าง, ดี๊ แบ ท บุ้แค่ไฆวะ ซี บี่จะเล้ บาบีโลง เกทางก้ะ ท ซ้ะเมซ้ะไพล้ ลู่ง โพล้ง กุ้ชื้อกุ้ชะ อซุ้อแกล้ ซี บี่จะเล้

เยเรมี 25:9

กแช่ยาเว ไจ้ะเว๊, ‘อี้งเซ้อ, ก ม กุ้ นี่ โพล้ง อ ชื้อ เลาพะ ลู่ง มื่งเค๊ง, ดี๊ ก เพล่ เนบูคาเนซา, กจุ้แฆว้ บาบีโลง, ดี๊ ก ม เฌ๊ฌ้า อ ซื๊งเว๊ ซีง ลแพ เฌ๊ ดึ้ ค่าง อี้ง, ดี๊ โพล้ง ลู่ง เว่ง อี้ง, ดี๊ กเย่ โพล้ง กุ้ชื้อกุ้ชะ ลแพ อี้ง, พี่ โอ วะชวะ, ก ม แม้เฌ๊ฌ้อง อ ซื๊งเว๊ ลแพ นอ เลาพะ, ดี๊ ก ม ดึ้ เกม๊า อ เว๊ เก ท ล้าง ซ้ะเมซ้ะไพล้, ดี๊ เก ทไคล้ ไฌ๊ซ้ะ, ดี๊ เก ท ญ๊องไฆวะ โอโปล้ ก้ะ ล้างชู้ล้างแกย

อีซยา 10:5

ท เซงทื่งเฌ๊ฌ้อง แบ โพล้ง อะซีเรีย พี่ เก ก นางมื่งคืง ลู่ง ก ท ซ้ะทาง ดี๊ นางทุ้ ลู่ง อ ซื๊งเว๊ อ จูง พ้า เก ก ท ซ้ะทาง พ้ะดู

เยเรมี 25:11

ค่าง อี้ง เลาพะ นอ, ม แบ ท ญ๊องไฆวะ โอโปล้ ก้ะ, ดี๊ เก ท ล่าง โอโปล้ ก้ะ, ดี๊ กเย่ โพล้ง กุ้ชื้อกุ้ชะ ลแพ อี้ง นอ, ม แม้ เอะ กจุ้แฆว้ ลู่ง บาบีโลง อ เท่อ อ เนง เนว๊ชี๊ง

อีซยา 10:15

แกว้ ม ไคล้ เคิ่ง โพล้ง พี่ เจ่ เว๊ กล้าง เท่อ นอ-อ้า? ท้ะลว้ะ ม ทื่งล้าง อ ซ้ะ โท๊เละโพล้ง พี่ เจ่ เว๊ ลว้ะ เท่อ นอ-อ้า? บี่ซุ้ดี๊ นางมื่งคืง ม โชะทาง โพล้ง พี่ โชะ-อ้ะ นอ ซี-อ้า? นางทุ้ ม โชะทาง โพล้ง พี่ ล เมะ เซงกึ้ แบ ซี ชี่-อ้า?

อีซยา 13:5

อ ซื๊งเว๊ ซีง ลแพ, โอนี่ ลู่ง ที๊งไย้ค่างไย้ เฌ๊ เฌ๊นี่ ลู่ง มุ้คู ทึ ฌางคู ทึ กแช่ยาเว ดี๊ นางดึ้นางชาง ลู่ง อ ท ซ้ะทาง พ้ะดู บี่ซุ้ ม แม้ เฌ๊ฌ้อง ฌางคูโคล๊งคู เลาพะ

อีซยา 8:9

กโพล้ง กุ้ชื้อกุ้ชะ ลแพ ซีง-เอ้อ, เกม๊า ซีงแฌ๊ ดี๊ เกม๊า ซ้ะเมซ้ะไพล้ เท่อ กเย่ ค่าง ลู่ง อ ไย้ กุ้จอง-เอ้อ, เกม๊า ดุ้แน่ คุ้ช๊องแน เท่อ เกม๊า น ซื๊ง เราทะ ย่างเด้ง ดี๊ เกม๊า ซ้ะเมซ้ะไพล้ เท่อ เกม๊า น ซื๊ง เราทะ ย่างเด้ง ดี๊ เกม๊า ซ้ะเมซ้ะไพล้ เท่อ

อีซยา 45:1

กแช่ยาเว ไคล้ ดี๊ โพล้ง พี่ อ ต๊างทาง เว๊, เมะเว๊ ไซระ โพล้ง พี่ ก ดึ้ เกม๊า อ จูงฆุ้ ชองโฆะ บี่ซุ้ แม้น้า กเย่ โพล้ง กุ้ชื้อกุ้ชะ, พี่ โอ อ เมะแซ พ้า ดี๊ เบ้าะล้าง ตไก้ยะ เรา ย่างเด้ง ลู่ง กจุ้แฆว้ ซีง ลแพ, อ ย่างเด้ง ล้อง บี่ซุ้ เว่พ้ะ ป้ะตู๊ง พี่ โอ อ เมะแซ พ้า ดี๊ ป้ะตู๊ง ม ล แบ ท กาไบ้ะ ล้าแบ

เอเซเคียง 21:31

ก ม ลู๊งล้าง ก ท ซ้ะทาง พ้ะดู ลู่ง น คูด้าง ดี๊ ก ม อูงซยุ้ แบ นล้องนย่าง ดี๊ มี ลู่ง ก ท ซ้ะทาง พ้ะดู อกย้อง ดี๊ ก ม อางกีล้าง แน้ ลู่ง โพล้ง ซ้ะดู้งซ้ะลู่ อ จูง พ้า พี่ อ จูง ซี ลู่ง ทแม้ เฌ๊ฌ้อง พ้า

มีคา 4:12

แบเด้าะ อ ซื๊งเว๊ ลแพ นอ, ล ซีงแฌ๊ เท่อ แบฆ้ะ ดี๊ กแช่ยาเว อ ท ช๊องมอง แบ อ ซื๊งเว๊ ลแพ นอ, ล ซีงแฌ๊ กแช่แยว้ อ ท ช๊องมองเว้ทแม้ แบ พี่ กแช่แยว้ อางกีซยอง อ ซื๊งเว๊ เฌ๊ฆ้าง ด้องซุ้ อางกีซยอง เว้ บืงโพ่ ลู่ง ทล่าง เพา ล้าง บืง นอ

นาฮูง 2:1

โพล้ง ดึ้เท่อชางเท่อ เฌ๊ทาง ดึ้ซึ้ โละซ้ะ ดี๊ แน้ เย้า เกม๊า แฌแซกต้าง ทล่างทุ้กดื้งซ้ะ เกม๊า โอคุ้ทะ เกล้ เกม๊า เรา ย่างเด้ง เกม๊า อางกีซยอง นี่ ไฌ่แบ้ ท่อง อ เลา

เซคารียา 10:4

เฌ้เทิงโล่งลู่งอล้างเปิ่งทึ ม ไจทางนี่ ดี๊ อ เว๊ ล้ะกึ้พู เชิ่ง เด้ ม ไจทางนี่ ดี๊-อ้ะ คลีงบ้อง ดึ้ซึ้ ม ไจทางนี่ ดี๊ อ เว๊ ดี๊ โพล้ง โพะคอง เท่อ กุ้แฌ้, ม ไจทางนี่ ดี๊ อ เว๊ เลาพะ

เอเซเคียง 21:11

น้ะ แบ ท อางกีล้าง เกม๊า เท้าพลี๊ซู บี่ซุ้ ม โชะทะ เว๊ จูงย๊างซ้ะ พ้า น้ะ นอ แบ ทไกล้ เกม๊า อ ไอ, ดี๊ เท้าพลี๊ซู บี่ซุ้ ม อางกีล้าง ลู่ง โพล้ง แม้ซี๊ง เท่อ อ จูง พ้า