อีซยา 9:19 - Northern Pwo Karen Thai Bible

¹⁹ เมะเว๊ ลู่ง กแช่ยาเว ซึ้คู ดูทึชองทึ อ ท ซ้ะทาง พ้ะดู อกย้องนอ ที๊งล่างค่างพ้า นอ แบ ท เช้า-อ้ะ ดี๊ โพล้ง เฌงพูฆ๊างพู นอ บี่ซุดี๊ มี อ แช โพล้ง ล โอ น่างแฌ้ แบ อางกี ม๊า อพื่งอวี่

อีซยา 9:19 Referans Kwoze

มีคา 7:2

โพล้ง เซิงเท่งซ้ะโต้ เลาเทาแดไฆวะ ฌางคูโคล๊งคู ม อางฆื๊ง โพล้งโต้โพล้งล้อง, ลู่ง กโพล้ง อซุ้อแกล้ ล แฌ้ ล โอ แบ อ เว๊ ล แฌ้ๆ, นอ, โอคุ้ล้างคุ้ซูง เท่อ, ม แม้ซี๊ง โละ อ ซ้ะ ล แฌ้ๆ, นอ, แม้ ทฆี ดุ้ อ น๊างพื่งวี่

มีคา 7:6

เมะเว๊ พูแคว๊ ทื่งแช้ แพ่ ดี๊ พูมืง เฌ้เทิงทาง ดึ้ อ มู่ เด ซู้ง อ มื้งแซย่ มืง โพล้ง แฌ้ ฌี้ๆ, อดีงอแด้ นอ, เมะเว๊ โพล้ง พี่ โอ อ เด้า พ้า นอ ล้อ

2​เปโต 2:4

ท มุ้คู พู พี่ อ แม้ ท เด้บ้ะ นอ, กแช่ แยว้ ล อางกี แบ, แบเด้าะ ไควะ ล้าง เว๊ มแนโฮะ พ้า, อซื๊งเว๊ แบ ท ซุ้ทะ-อ้ะ ลู่ง ท ไค้ะ ซ๊า แกล้, โอ คุ้แท๊ ท แม้ เตา แม้ แต๊-อ้ะ นอ ล้อ

ท​แม้ 2:20

ลู่ง กแช่ แยว้ อ มื่ง ล้างเปิ่ง ดู ทึ ล นี้ง ล คลึ้ ท้อง ได้ะ แบ นอ มื่ง ม ไค้ะ ล้าง ไชวะ แล้ ม โฌ้ จีลี บี่ ซุ้ ท ซวีง นอ ล้อ

ม้ะทู 27:45

พี่ มื่งเทิง นอ, ท ไค้ะ ล้าง เฆ้ง ค่าง ล เบง นอ, ท้อง ซ๊า โมง มื่งไฆ่ ล้าง โค๊

อาโม 5:18

ทเซงทื่งเฌ๊ฌ้อง แบ แน้, พี่ แบซ้ะ กแช่ยาเว อ มื่งนี้ง น แบซ้ะ กแช่ยาเว อ มื่งนี้ง แม้ ทเม้งเล้? มื่ง ล นี้ง แย๊ นอ, เก ทไค้ะซ๊า, ล เมะ ทโฌ่งทพ้าง แบ

โยเอง 2:2

เก มื่งนี้ง พี่ ไค้ะซ๊า ดี๊ ไค้ะเซยา เก มื่งนี้ง พี่ โอ ดี๊ ทเอิง, ดี๊ ทไค้ะซ๊า บี่ซุ้ดี๊ ลู่ง โฌ้ ล คึ, พี่ จแล่ คลึไบ้ะ ทลู่ง คู เมะเว๊ ซึ้พูมู๊ง พี่ อดูอโท๊, ดี๊ อ ไฌ่ชองแบ้ชอง ดูมะ ลู่ง อไยะอเช้ เละ นอ, ล โอ บี่อี้ง น่างชุ้ ได้ะ แบ ดี๊ ท๊อง อี้ง ลู่ง ไค๊ นอ, ม ล โอ ล้า แบ เพลา โพล้ง อ ชู้ กุ้ชู้ นอ ล้อ

เอเซเคียง 9:5

ดี๊ กแช่แยว้ ไคล้ ดี๊ กแคว๊ อ แฌ้แพ, เกม๊า จ แน่ฌ๊า ไจ้ะเว๊, “เกม๊า น ลี้ เฆ้ง เว่ง, โพะ กแคว๊ ล แฌ้ นอ อ ไค๊, ฌ้อง นอ กล้างซี๊งไฆวะ-อ้ะ, เกม๊า น ซื๊ง เมะคลี๊ง เอดู เท่อ, ดี๊ เนโพลทาง น ทย๊างซ้ะ ล ฌี้

เยเรมี 13:16

เกม๊า เทว๊ ทโฌ่งทพ้าง เอะ กแช่ยาเว, น ซื๊งเว๊ ซีง ลแพ อ กแช่แยว้ ซลื่อ กแช่แยว้ ม ดึ้ เกม๊า ทไค้ะซ๊า เฌ๊ ซลื่อ น คาง ม แบท้า ลู่ง ทลู่ง คู พี่ โอ ดี๊ ทพ้าง ซู๊งเล๊ ดี๊ พี่ น ซื๊ง อางฆื๊ง แคว่ ทโฌ่งทพ้าง อ แค๊ นอ กแช่แยว้ ดึ้ เกม๊า เว๊ เกก้ะ ทไค้ะ เซยา ดี๊ ดึ้ เกม๊า เว๊ เกก้ะ ทไค้ะ ซ๊าโนย๊ง

อีซยา 60:2

เมะเว๊ แคว่เซ้อ, ทไค้ะ ม คลึไบ้ะ ฌางคูโคล๊งคู ดี๊ ทไค้ะ ซ๊าโนย๊ง คลึไบ้ะ โพล้ง กุ้ชื้อกุ้ชะ แบเด้าะ กแช่ยาเว ม เฌ๊ทาง น เช๊คู ดี๊ กแช่แยว้ อโฌ่งอพ้าง ม โพลทาง ลู่ง น เช๊คู

อีซยา 24:6

อกย้องบี่นอ, ทชูอ้า อางยื่งคล่อง ฌางคูโคล๊งคู ดี๊ โพล้ง พี่ เปิ่งโอเปิ่งช๊อง เว๊ อ คู นอ, อวีงก้ะยุ้ก้ะ ทไพ้ะทแม อกย้องบี่นอ, โพล้ง เปิ่งโอเปิ่งช๊อง ฌางคูโคล๊งคู แบ ทเช้า เฌ๊ฌ้องไฆวะ ดี๊ โพล้ง โอ ล้างลื๊อ ก้ะ แซย้ มะ

อีซยา 13:18

อ ซื๊งเว๊ อ คลีงบ้อง ม แม้ซี๊ง กแคว๊ น่างบางซ้ะบาง อ เว๊ ล ย๊างซ้ะ แบ ฌู่โพ๊ง อ ด้า แบ อ ซื๊งเว๊ ซีง ลแพ อ เมะคลี๊ง ล ย๊างซ้ะ พืงแซ แบ

อีซยา 13:13

อกย้องบี่นอ ก ม ดึ้ เกม๊า ทมุ้คู ว้ะ ตทูง ดี๊ ฌางคูโคล๊งคู ม ว้ะ เทาทื้ง ซึ้ไฆวะ อ ซ้ะ ดี๊ กแช่ยาเว ซึ้คู ดูทึชองทึ อ ท ซ้ะทางพ้ะดู ลู่ง กแช่แยว้ อ ท ซ้ะทาง พ้ะดู อ มื่งนี้ง

อีซยา 13:9

อี้งเซ้อ, มื่งนี้ง ลู่ง กแช่ยาเว ม เฌ๊ ดู้งลู่ ดี๊ ท ซ้ะทาง พ้ะดู ดี๊ ท เซิงทางซ้ะไฌ๊ พ้ะดู บี่ซุ้ ม ดึ้ เกม๊า ที๊งล่างค่างพ้า เก ทล่าง โอโปล้ ก้ะ กูกิ้ บี่ซุ้ ม แม้เฌ๊ฌ้องไฆวะ โพล้ง ทเด้บ้ะ ลู่ง ฌางคูโคล๊งคู นอ

อีซยา 8:22

ดี๊ ท่อง อ แคว่ ฌางคูโคล๊งคู นอ, แคว่เซ้อ, โอ ที่ ทน้ะเซิงน้ะซ้ะ ดี๊ ทไค้ะซ๊า, ท ซ้ะ เฌ๊ฌ้อง น้ะ อ ท เมะมองแน๊อึ้, ดี๊ อ เว๊ ม แบ ท ชางพลุ้ฆ้าง ลู่ง ทไค้ะซ๊าโนย๊ง พ้า

อีซยา 5:30

ล นี้ง แย๊ นอ, อ เว๊ ม เคิ่ง อ แช อาง นอ บี่ซุ้ดี๊ ปางเล อ ลู่ง เซ๊ ดี๊ โพล้ง แฌ้ฌี้ๆ, เมะ แคว่ ฆ้าง ที๊งล่างค่างพ้า นอ แคว่เซ้อ, โอ ที่ ทไค้ะซ๊า ดี๊ ท น้ะเซิงน้ะซ้ะ ทึเมะ ทพ้าง นอ, แบ ทเอิง กดื้งทะ เว๊ ล้อ

อีซยา 1:31

ดี๊ โพล้ง พี่ อชองอไคล๊ นอ, ม เกทาง ก้ะ เย่ อเย้าอเย้ ดี๊ อ ทไพ้ะทแม้ เกทาง ก้ะ มีไพ่ ค้ะ ฌ้อง เท่อ คี๊งเม้ง นอ มี ม อาง ฆึ เว๊ ดี๊ โพล้ง แม้ ล้างไพะ เว๊ ล ซี น่างแฌ้ แบ

อีซยา 3:5

ดี๊ โพล้งเฌงพูฆ๊างพู ม แคแน โละ อ ซ้ะ ล แฌ้ๆ, ม แคแน โพล้ง อ แฌ้แพ ดี๊ ล แฌ้ๆ, ม แคแน อ ฌุ้พาง พืงดี้งพืงแซ ม ลือค๊างพะ โพล้ง เซิงแซย่ซ้ะกิ้ ดี๊ โพล้ง ม อ้า ม ซ๊าง ดี๊ โพล้ง พี่ โอ ดี๊ อฆี๊งอแล้

อีซยา 4:4

พี่ ทอดูทึโท๊ทึ กแช่ นี่ ซฌ้ะไฆวะ ซีโยง อ พูมืง ลแพ นอ อ ท แบอ้าแบซ๊าง, ดี๊ แม้เช๊งแม้เกล้ง เยรูซเลง อ ซวีง ล่าง ลู่ง เว่ง นอ อซุ้อแกล้, ดี๊ วีงแล้ ลู่ง ทต้ะเซ๊ง, ดี๊ วีงแล้ ลู่ง เช้า อางไฆวะ เท่อ

อีซยา 5:24

ทบี่นอ, มีแลเค้ อางไฆวะ โล่ทุ้ บี่จะเล้ ดี๊ นางไฆ๊ ล้างไซ้ะไน้ะ มีอ้า พ้า บี่จะเล้ นอ อ ซื๊งเว๊ อฌี่งอเฌ้ ม เก บี่ซุ้ดี๊ ทอืงทอ้อง ดี๊ อ โพ๊พ้ะ ม ดี้งทางดี้งล้างไฆวะ, บี่ซุ้ดี๊ ทมูงทมวี๊ง บี่นอ ล้อ เป๊งนี่ อ ซื๊งเว๊ ลแพ นอ, ญ๊องไฆวะ กแช่ยาเว ซึ้คู ดูทึชองทึ อ ทอางแม้เลา ดี๊ ดึ้เดวทื่งแช้ อีซลาเอง อ กแช่แยว้ พี่ อฌี้อแอว้ อลู่งอแท๊

อีซยา 10:6

ก เจ่ อ เว๊ ลี้ ดึ้ โพล้ง ล ค่าง พี่ ไจแดไฆวะ กแช่แยว้ ก อางแบเลา อ เว๊ เกม๊า อ ลี้ ดึ้ โพล้ง อ ชื้อ, พี่ ก ซ้ะทาง ดี๊-อ้ะ เกม๊า อ ลี้ แม้นี่ ท ลู่นี่ ดี๊ ซไบล้ะนี่ ท ตมละ นี่ ดี๊ เกม๊า อ ไย่เท่งไย่แพล้ ล้าง บี่ซุ้ดี๊ ไย่ กไพะ ลู่ง เกล้

อีซยา 26:11

จ กแช่ยาเว-เอ้อ, น จูง เยาทาง อ ซ้ะ แบเด้าะ อ ซื๊งเว๊ นอ, แคว่ เว๊ ล แด แบ อวีงซ้ะชู้, เกม๊า อ เว๊ แด กแช่แยว้ อ ท คู่เซิงโฌ้ซ้ะ ลู่ง นพูนลี้ง อ ฌ่าง, ดี๊ นี่แบ ท ฌางแช้ฌางเด เกม๊า มี อาง เฌ๊ฌ้องไฆวะ นดีงนแด้

อีซยา 33:14

โพล้ง ทเด้บ้ะ ซีง ลแพ ลู่ง ซีโยง พ้า นอ, ซ้ะเมซ้ะไพล้ เท่อ ท ตทูงตพล้าง นึ กลึ้ไบ้ะ โพล้ง พี่ อ กแช่แยว้ ล โอ แบ โพล้ง ลู่ง กซุ้กแกล้ โอ ดี๊ มี, พี่ อ อางล้างเทา เท่อ ซี โอ ล แฌ้ๆ, ชี่-อ้า? โพล้ง ลู่ง กซุ้กแกล้ โอ ดี๊ มี, อางเฌ๊ฌ้อง เท่อ ล้างชู้ล้างแกย ซี โอ ล แฌ้ๆ, ชี่-อ้า?

อีซยา 42:25

ทบี่นอ, กแช่แยว้ ดึ้ ลู๊งล้าง อ ท ซ้ะทาง พ้ะดู เฌ๊ล้าง แบ-อ้ะ เลา ดี๊ ทดึ้ทชาง อ ท ล้าง ซ้ะเมซ้ะไพล้ ดึ้ เกม๊า มีอาง อ เว๊ วะ อฆูอฆ้อง, แบเด้าะ อ เว๊ แน เท่อ ล ซี ได้ะแบ มีอาง-อ้ะ, แบเด้าะ อ เว๊ นอ, ล นี่ ควี๊งคูแกยแน่ เท่อ แบ

เอเซเคียง 20:47

เกม๊า โล้ เอะ เซง แกล้ ละโค๊ บี่อี้ง, เกม๊า คุ้ช๊องแน กแช่ยาเว อลู่งอแท๊, ทอดูทึโท๊ทึกแช่ยาเว ไจ้ะเว๊ บี่อี้ง, อี้งเซ้อ, ก ม เช้าทาง มี ดี๊ แน้, อ ม อาง เฌ๊ฌ้องไฆวะ เซง มื่งเทิง แล๊แค๊, ดี๊ เซง มื่งเทิง ไฆ๊ กุ้ เทิง พี่ โอ ดี๊ แน้ นอ, ดี๊ ม แม้ล้างไพะ มีเค้ พี่ เค้ทาง นอ ล ซีแบ, ดี๊ เมะ กุ้ เบง ล โค๊ ลู่ง มื่งแพ้ ท้อง มื่งเค๊ง นอ มี ม อางลิ้ เว๊

โยเอง 2:3

มี อาง เฌ๊ฌ้อง เท่อ, โอ ลู่ง อ เมะแซ พ้า ดี๊ มีแล อาง เท่อ โอ ลู่ง ล่างไค๊ ที๊งล่างค่างพ้า นอ, บี่ซุ้ดี๊ โซ๊ง เอเดง ลู่ง อ เมะแย๊ อู้ง แบเด้าะ ลู่ง อ ล่างไค๊ นอ, เก บี่ซุ้ดี๊ แพะคูทเคแกล้ พี่ โอโปล้ ก้ะ ท ล โอ พ้องพลิ้ไฆวะ ดี๊-อ้ะ น่างเม้ง แบ

โอบาดี 1:18

ยาคุ้ อชื้ออชะ ม เก มี โยซิ้ อชื้ออชะ ม เก มีแล เค้ ดี๊ เอโซ อชื้ออชะ ม เก โล่ทุ้ มี ดี๊ มีแลเค้ ม อาง เฌ๊ฌ้องไฆวะ โล่ทุ้ นอ เอโซ อชื้ออชะ ม ล พ้องพลิ้ไฆวะ น่างแฌ้ แบ เฆาะ, เมะเว๊ กแช่ยาเว โล้ เว๊ เย้า

เซคารียา 11:6

กแช่ยาเว ไจ้ะเว๊, “ก ล ย๊างซ้ะ โพล้ง ที๊งล่างค่างพ้า ล้า แบ, อี้งเซ้อ, ก ม ดึ้ เกม๊า อ เว๊ ล แฌ้ๆ, ล้าง แบ ลู่ง อ ฌุ้พาง อ จูง พ้า, ดี๊ อ กจุ้แฆว้ อ จูง พ้า, ดี๊ โพล้ง ลแพ นอ, ม แม้เฌ๊ฌ้อง ที๊งค่าง, ดี๊ ก ล แม้ช้า โพล้ง เกม๊า พ้องไฆวะ ดี๊ อ ซื๊งเว๊ ลแพ นอ อ จูง น่างแฌ้ แบ เฆาะ”

มาลาคี 4:1

“กแช่ยาเว ซึ้คู ดูทึชองทึ ไจ้ะเว๊, อี้งเซ้อ, ล นี้ง แย๊ นอ, ม เฌ๊ ท้อง, เมะเว๊ มื่งนี้ง พี่ ม อาง เฌ๊ฌ้อง เท่อ, บี่ซุ้ดี๊ มีอ้า ล่าง ฆู่ง เม้ง เท่อ, พี่ โพล้ง ทื่งดูล้างซ้ะ กุ้แฌ้, ดี๊ โพล้ง พี่ แม้ ทอ้าทซ๊าง เลาพะ นอ, ม เก บี่ซุ้ดี๊ โล่ทุ้, มื่งนี้ง พี่ ม เฌ๊ นอ, ม อางไฆวะ-อ้ะ เลาพะ, ท้อง ลู่ง อ ฌี่ง ฌี้, อได้อพ๊าง ฌี้ นอ, ล โอ ล้างลื๊อ ล้า แบ

เลวี​อ​ไฌ่ 26:26

ท่อง ก แม้ เฌ๊ฌ้อง น ทอาง พี่ น ซื๊ง อาง ลี้ง-อ้ะ นอ, ทล่าง ฆู่ง เม๊ง เท่อ ล ช๊อง นอ, แอ เมาะ พี่ ม เกม๊า โพล้ง มืง อ แฌ้ ล ชี๊ง, อางฆู น ซื๊ง ซีง ลแพ อ กู, ฌ้อง แม้นี่ กู เค๊ง เว๊, บี่ซุ้ อางน้าง เอะ น ซื๊ง ซีง ลแพ ล น้าง, น ซื๊ง ม อาง-อ้ะ, แบเด้าะ ล บลิ้อาง แบ

เซคารียา 11:9

จ ไจ้ะ บี่อี้ง, “จ ล ลื่ง เอะ แน้ แกะ แบ, ทเม้งเล้ พี่ ม แบ ซี๊ง นอ, เกม๊า อ ซี๊งไฆวะ, ทเม้งเล้ พี่ ม แบ ทแม้ เฌ๊ฌ้อง นอ, เกม๊า อ แบ ทแม้ เฌ๊ฌ้องไฆวะ, ดี๊ เกม๊า โพล้ง พี่ โอ ล้างลื๊อก้ะ นอ, อาง โละซ้ะ อไพ้ะอแย”