อีซยา 59:6 - Northern Pwo Karen Thai Bible

⁶ อ ซื๊งเว๊ อ เย้ นอ, เจ่ แม้ เก ไช๊ช้าง ล ซี แบ อ เว๊ แม้ นี่ อ ทไพ้ะทแม้ อซูงอแซ คลึไบ้ะ ล้าง อ ซ้ะ ล ซี แบ อ ซื๊งเว๊ อ จูงล่างคางคู นอ, เก ทอ้าทซ๊าง ดี๊ ท แม้ชองแม้จุ้ นอ, โอ อ จูง พ้า

อีซยา 59:6 Referans Kwoze

เยเรมี 6:7

ที๊งน๊างโบ้ ดึ้ เกม๊า ที๊ง เคลง ครึๆ, บี่จะเล้ นอ อ เว๊ ดึ้ เกม๊า ทอ้าทซ๊าง กึทาง ครึๆ, บี่นอ ล้อ ท แม้ชองแม้จุ้, ดี๊ ทแม้ เฌ๊ฌ้อง นอ, โอ เกม๊า แน่ฌ๊า แบ-อ้ะ ลู่ง อ พ้า ครึๆ ทแช๊ทคลี, ดี๊ ท แบเจ้าแบแช๊ นอ, โพลทาง ลู่ง ก เมะแซ พ้า ครึๆ

อีซยา 57:12

ก ม โล้ แบฆ้ะ ดี๊ น ทแบกแช่แยว้อซ้ะ ดี๊ น ทไพ้ะทแม้ แบเด้าะ นอ, อ ล ล้างเปิ่ง ดี๊ แน้ แบ

เซฟางยา 1:9

ล นี้ง แย๊ นอ, ก ม แม้เตาแม้แต๊ โพล้ง กุ้แฌ้ พี่ พื๊งซยุ้ ค๊างพะ ป้ะตู๊ง เคิง ดี๊ โพล้ง ลแพ นอ, พี่ ดึ้ เกม๊า อคูอแน่ อ เด้า โอ ฆวี้ ดี๊ ท แม้ชองแม้จุ้, ดี๊ ท อางโล๊ไละ”

มีคา 6:12

กเย่ เว่ง อ โพล้ง ทโอทช๊อง นอ, โอ ฆวี้ ดี๊ ทดู้งทลู่ ดี๊ โพล้ง ลู่ง เว่ง พ้า นอ, ไคล้ คีงอูง เท่อ ดี๊ พลี้ ลู่ง ท อางโล๊ไละ นอ, โอ ลู่ง อ ซื๊งเว๊ อ นุ้ พ้า

มีคา 2:8

แบเด้าะ น เฌ้เทิงทาง ดึ้ซึ้ กพูกลี้ง ด้องซุ้ ดี๊ อ เกดีงเกแด้ น ลู่นี่ก้ะ โพล้ง พี่ อ เอ ทฆู๊งทพุ้ อ ไช๊แค่ พ้ะโท๊ เมะเว๊ ลู่นี่ก้ะ กเย่ โพล้ง พี่ อ ลี้ แพ๊ไฆวะ เท่อ ดี๊ ท อางกีล้าง ซ้ะ พี่ ล ช๊องมอง เว๊ แบ, ม โอ ดี๊ ทดึ้ทชาง นอ

อาโม 6:3

โอ้, แน้ โพล้ง พี่ แบซ้ะ ซึ้นี้งซึ้ซ๊าง ท เซงทื่งเฌ๊ฌ้อง, เกม๊า อ ไยะทางน่างทาง แบเด้าะ แม้นี่ ก้ะ ลู่ง ท โพะคอง พี่ อชองอจุ้ เฌ๊ เบ้าทาง

อาโม 3:10

กแช่ยาเว ไจ้ะเว๊, “โพล้ง พี่ อางกีซยอง นี่ ท แม้ชองแม้จุ้ ดี๊ ท อางฌูงอางแบล ลู่ง อ ทล่างแคว่จู้เท่อ อ พ้า นอ ล ซีงแฌ๊ ท พี่ ม แม้โพะ เกล้ ลู่ง อโต้อล้อง อ ไค๊ แบ”

เอเซเคียง 7:23

เกม๊า แม้ พลี้งท้ะ เมะเว๊ ที๊งล่างค่างพ้า โอ ฆวี้ ดี๊ ทซวีง อบ้าอคว่าง ดี๊ เฌงฆ๊าง นอ, โอ ฆวี้ ดี๊ ทชองทจุ้

เอเซเคียง 7:11

ทชองทจุ้ นี่ ดูทางโท๊ทาง เก ทอ้าทซ๊าง อ นางทุ้บ้อง โพล้ง ล โอ ล้างลื๊อ น่างแฌ้ ล้า แบ เฆาะ อ ซื๊งเว๊ อ ทโอทช๊อง ล โอ ล้างลื๊อ น่างเม้ง ล้า แบ, ท อ ลู่ง เซ๊ ตทูงเซ๊ล้างคล้าง ล โอ อ ซื๊งเว๊ อซุ้อแกล้ แบ โพล้ง ล้างเปิ่ง ล โอ อ ซื๊งเว๊ อซุ้อแกล้ แบ

อีซยา 64:6

เฆ้อ กุ้แฌ้ ก เกทางก้ะ บี่ซุ้ดี๊ ท พี่ อ แบอ้า ดี๊ ก ซื๊งเว๊ ก ทแบกแช่แยว้อซ้ะ เลาพะ นอ, เก บี่ซุ้ดี๊ ไช๊ช้าง แบอ้าแบซ๊าง ก ซื๊งเว๊ กุ้แฌ้ ล้างไย้ะ บี่ซุ้ดี๊ เซงแล ดี๊ ก ทไพ้ะทแม อูงพลุ้ไฆวะ เฆ้อ บี่ซุ้ดี๊ ลี้ง

อีซยา 58:4

อี้งเซ้อ, น ดืงอาง ทอาง, ลู่ง ท ติ้โละไอโละ ดี๊ ทดึ้ทชาง ดี๊ บี่ซุ้ มิ้ เท่อ ดี๊ จูง ช่องดูง พี่ ออ้าอซ๊าง อ ฌ่าง เฆาะ ล้อ ท ดืงอาง ทอาง, ด้องซุ้ แน้ ล นี้ง แย๊ อี้ง นอ ล ดึ้ เกม๊า น ลู่ง แน่ฌ๊า ลี้ ท้อง ทล่าง พ้ะโท๊ แบ

อีซยา 30:1

“ท เซงทื่งเฌ๊ฌ้อง แบ พู ลี้ง พี่ กไบล้ะกแบล”, กแช่ยาเว ไจ้ะเว๊ บี่อี้ง “โพล้ง พี่ ช๊องมองเว้ทแม้, แบเด้าะ ล เมะ ก เท่อ แบ โพล้ง แม้ ทเอิ้งล้าง, แบเด้าะ ล เมะ ก ท แบซ้ะ แบ บี่ซุ้ แม้ แอทาง ทเด้บ้ะ คี๊งโทะ

อีซยา 5:7

เมะเว๊ กแช่ยาเว ซึ้คู ดูทึชองทึ อ โซ๊ง ซไบ้ะแซ เมะเว๊ อีซลาเอง อชื้ออชะ ดี๊ โพล้ง ยูดา เก เซง มื่งเทิง พี่ กแช่แยว้ แบ อ ซ้ะ ดี๊ กแช่แยว้ มื้งแล่ ท อเกิ้งอแบ แบเด้าะ แคว่เซ้อ โอ ดี๊ ท ซวีงล้างบุ้ล้าง มื้งแล่ ทฌี้ทแอว้ แบเด้าะ แคว่เซ้อ โอ ดี๊ ท อ ลู่ง กุ้ซย้ะ เกม๊า แม้ช้า-อ้ะ

ทอางปฆ้า 58:2

ลเมะแบ, น ซ้ะ นอ ช๊องมองเว้ ทแม้อ้าแม้ซ๊าง เท่อ น จูง นอ, แม้ชองแม้จุ้ เท่อ ลู่ง ฌางคูโคล๊งคู

ทอคางไท้ะ 6:11

กเย่ โพล้ง ฌางคูโคล๊งคู นอ, อ้าทางซ๊างทาง ลู่ง กแช่แยว้ อ เมะแซ พ้า, ดี๊ ฌางคูโคล๊งคู นอ, โอ ฆวี้ทะ ดี๊ ทดู้งทลู่ นอ ล้อ

โยบา 16:17

ทึเมะ จ จูง พ้า ล โอ ดี๊ ทแม้ชองแม้จุ้ แบ เฆาะ ดี๊ จ ทชูแพ อางท่าง เท่อ นอ, อฌี้อแอว้ เมะ ฌี้

เอเซเคียง 18:12

อ เว๊ แคแนแคแก้ โพล้งซยาง ดี๊ โพล้ง ลกู้งลล๊า แบ, เลา ดี๊ ตมละ คองแซย้, ล ญ่อง เกม๊า ไท้ ท อางกีล้างทะ แบ, อ เว๊ บุ้ทาง อ เมะ ดี๊ ทเค่งทฌ้าง, ดี๊ แม้ ท ล้าง ซ้ะลูซ้ะไล้ะ ล เม้ง แบ ล เม้ง

มาลาคี 2:16

อีซลาเอง อ กแช่แยว้ กแช่ยาเว ไจ้ะเว๊, “อไฌ่บี่อี้ง, ก แช๊เมะไฌ๊ซ้ะ ดี๊ ท ไจแดไฆวะ โละซ้ะ, ดี๊ ท แม้ชองแม้จุ้ ล้อ”, กแช่ยาเว ซึ้คู ดูทึชองทึ โล้ เว๊ บี่อี้ง ล้อ, อกย้องบี่นอ, เกม๊า ปโล่ล้างซ้ะ เมะ ฌี้, เก โพล้ง กไบล้ะกแบล ล ฌี้

ทอางปฆ้า 55:11

ทแม้เฌ๊ฌ้อง โอ ลู่ง เว่ง แกล้ พ้า นอ ทแม้น้ะแม้โน๊ง, ดี๊ ท กไบล้ะ ล ล้างแม่ไฆวะ ลู่ง เว่ง อ คว้าง พ้า พ้ะเล่ นอ แบ

เอเซเคียง 9:9

ฌ้อง นอ กแช่แยว้ ไคล้ ดี๊ แย้ ไจ้ะเว๊, “อีซลาเอง ดี๊ ยูดา อชื้ออชะ อ ทเด้บ้ะ โอ แอ น้ะมะ, ที๊งล่างค่างพ้า นอ โอ ฆวี้ ดี๊ ทซวีง, ดี๊ ท ลเกิ้งลแบ แบ โอ ฆวี้ เว่ง, เป๊งนี่ อ ซื๊งเว๊ ไจ้ะเว๊ ‘กแช่ยาเว ญ๊องไฆวะ ค่าง อี้ง เย้า, ดี๊ กแช่ยาเว ล แคว่ เว๊ ล้า แบ’

เซฟางยา 3:1

ท เซงทื่งเฌ๊ฌ้อง แบ เว่ง พี่ อ กไบล้ะกแบล, ดี๊ เก ทแบอ้า เว่ง พี่ แม้น้ะแม้โน๊ง โพล้ง อ แฌ้แพ