อีซยา 59:18 - Northern Pwo Karen Thai Bible

¹⁸ กแช่แยว้ ม แม้ช๊าไท้-อ้ะ, บี่ซุ้ดี๊ อ ทไพ้ะทแม้ นอ เมะเว๊ ซ้ะทาง พ้ะดู ดี๊ โพล้ง พี่ โอเว้งโอก๊าง ดี๊-อ้ะ, ดี๊ แม้แกไท้ อดีงอแด้ กแช่แยว้ ม แม้แกแม้ช๊าไท้ ที๊งล่างค่างพ้า ลู่ง ปางเล พ้าไท้ะ

อีซยา 59:18 Referans Kwoze

เยเรมี 17:10

“เฆ้อ, เมะเว๊ กแช่ยาเว แคว่ที๊งแคว่โต้ ซ้ะ ดี๊ ลอง แม้แคว่ดุ้ ซ้ะ ล้อ บี่ซุ้ เกล๊าง เอะ โพล้ง กุ้แฌ้ บี่ ซุ้ ดี๊ อ กแช่ ท แม้ ทอาง บี่ซุ้ดี๊ อ ทไพ้ะทแม้ พี่ แม้ เว๊ ล เม้งๆ, นอ”

อีซยา 63:6

ก ไย่ล้าง โพล้ง กุ้ชื้อกุ้ชะ ลแพ นอ, ดี๊ ก ท ซ้ะทาง ก ดึ้ เกม๊า อ เว๊ ม้า เท่อ ดี๊ ก ท ซ้ะทาง พ้ะดู ดี๊ ก ลู๊งล้าง อ ซื๊งเว๊ อ ซวีง ลู่ง ฌางคูโคล๊งคู”

โรมา 2:6

อ ไฌ่ บี่ อี้ง อ เว๊ ม เกล๊าง เอะ โพล้ง กุ้ แฌ้ อ เท่อ, พี่ อ เกิ้ง ดี๊ อ ท ไพ้ะ ท แม้

ม้ะทู 16:27

พี่ จ โล้ เท่อ อี้ง นอ, อ ไฌ่ บี่ อี้ง, โม่โคะ เด้าะ โพล้ง ฌางคู พู ม เฌ๊ ไท้ ดี๊ อ แพ่ อ ฆี๊ง อ แล้ อ โฌ่ง อ พ้าง ดี๊ อ มุ้คู พู, ล พ๊า แย๊ นอ โคะ, อ เว๊ ม เกล๊าง เอะ โพล้ง กุ้ อ แฌ้ อ บลึ้ อ บลาง-อ้า, อ เตา อ แต๊-อ้า, ฆวี๊ อ เกิ้ง ดี๊ ล แฌ้ๆ, อ ท แม้ นอ ล้อ

นาฮูง 1:2

กแช่ยาเว เก กแช่แยว้, พี่ ล๊องก้องไท้ เท่อ, แม้แกแม้ช๊า เท่อ กแช่ยาเว แม้แกไท้ เท่อ, ดี๊ ซ้ะทาง พ้ะดู กแช่ยาเว แม้แกไท้ อดีงอแด้ ดี๊ อางกี เว้ ทซ้ะทาง เอะ อดีงอแด้

ลูกา 21:22

อ ไฌ่ บี่ อี้ง, ล นี้ง แย๊ อี้ง นอ เก มื่ง นี้ง แม้ เตา แม้ แต๊ เท่อ พี่ ม เกม๊า ท กุ้ อ เม้ง ลู่ง ไละ ฌี้ ไละ แอว้ โล้ เว้ เว๊ นอ ชิ้เทา

ท​ฌางล้างย้าล้าง 4:11

กแช่ยาเว ดึ้ เกม๊า ท ซ้ะทาง ไจทาง เย้า อ เว๊ นี่ ลู๊งล้าง ท ซ้ะทาง พ้ะดู ดี๊ นี่ เช้าทาง มี ลู่ง ซีโยง พ้า พี่ อาง เฌ๊ฌ้องไฆวะ เท่อ, ท้อง ล้าง เว่ง อ เทิง คางไท้ะ นอ

อีซยา 66:15

เมะเว๊ แคว่เซ้อ, กแช่ยาเว ม เฌ๊ ดี๊ มี ดี๊ อ เลาะ ดึ้ซึ้ บี่ซุ้ดี๊ ลี้งเฌ๊ พ้ะดู บี่ซุ้ เนโพลทาง อ ท ซ้ะทาง พ้ะดู ดี๊ เนโพลทาง อ ท แม้น้าแม้ฆ่าง ดี๊ มี

อีซยา 63:3

“ก ไย่ ซไบ้ะแซ อ โบ้ ยื่งเย้ง ล แฌ้ เฆาะ ดี๊ โพล้ง เฌ๊นี่ ลู่ง ชื้อ โพล้ง กุ้ชื้อ ซีง ลแพ นอ, ล โอ ดี๊ เฆ้อ น่างแฌ้ แบ เฆาะ ก ท๊าเท่ง-อ้ะ ดี๊ ก ท ซ้ะทาง พ้ะดู ก ไย่-อ้ะ ดี๊ ก ท เอ้งไน๊ อ เว๊ อ ซวีง บึ้ ลู่ง กไช๊กช้าง อ ล้อง ดี๊ ก ดึ้ เกม๊า กฆ้ากโฆ่ แบอ้า เลาพะ

อีซยา 1:24

ทบี่นอ, ทอดูทึโท๊ทึ กแช่, เมะเว๊ กแช่ยาเว ซึ้คู ดูทึชองทึ อีซลาเอง อ กแช่แยว้, พี่ โอ ดี๊ อดู้งอยางอซยื๊งอซย้อง แอทึ ไจ้ะเว๊ บี่อี้ง “แคว่เซ้อ, ก ม ทูแพล่ ทาง ก ท ซ้ะทาง ล้างแบ โพล้ง โอเว้งโอก๊าง ดี๊ เฆ้อ ดี๊ ก ม แม้แกไท้ กดีงกแด้ แด กแช่ เว๊ ล้อ

ทอางปฆ้า 62:12

ทอดูทึโท๊ทึ จ กแช่แยว้-เอ้อ, ทเอทกวี้ง พี่ อเฌิ่งอค๊า นอ, เก กแช่แยว้ อ เท่อ เมะเว๊ กแช่แยว้ ล้อ, แม้ช๊าไท้ เอะ โพล้ง ล แฌ้ๆ บี่ซุดี๊ อ กแช่ อ ทไพ้ะทแม้ นอ ล้อ

โยบา 34:11

เมะเว๊ กแช่แยว้ นอ แม้ช๊าไท้ กโพล้ง, บี่ซุ้ดี๊ อ ทไพ้ะทแม้ นอ ล้อ ดี๊ เกม๊า ทกึทาง เอะ-อ้ะ, บี่ซุ้ดี๊ อเกล้อพ้า นอ ล้อ

ท​เน​โพล​ทาง 19:15

น้ะ อ แน่ ไอ บึ้ชึ ล เบง โอ ลู่ง อ เว๊ อ นุ้ พ้า ไจ ทาง, บี่ ซุ้ ม แม้ น้า โพล้ง ล ชื้อๆ, อ เว๊ ม ยู่แคว่ เว๊ ดี๊ อ ดู้ง ดู ยาง ดู, ม ไย่ เท่อ ลู่ง ท ล่าง ไย่ นี่ ซไบ้ะ แซ นอ อ พ้า, อ นอ เมะ เว๊ ท ล่าง พี่ กแช่ แยว้ ลู่ง อ โอ ดี๊ อ ซยื๊ง อ ซย้อง ดู ทึ ล แฌ้ นอ ปล้ะ ล้าง อ ท ซ้ะทาง พ้ะดู

ท​เน​โพล​ทาง 16:19

เว่ง พ้ะดู อางน้าง พ้ะ อ ซ้ะ ซ๊า โป้ง, เว่ง กุ้ อ ที๊ง อ ค่าง แบ ท แม้ เฌ๊ฌ้อง ไฆวะ-อ้ะ, กแช่ แยว้ นาง แบ ไท้ เว่ง บาบีโลง ดี๊ เกม๊า โอ้ เว๊ ซไบ้ะ แซ ที๊ง ลู่ง อ โล๊ง พ้า, ซไบ้ะ แซ ที๊ง นอ เมะ เว๊ กแช่ แยว้ อ ท ซ้ะทาง พ้ะดู

ลูกา 19:27

เมะ โพล้ง แช๊เมะ ไฌ๊ซ้ะ ดี๊ แย้, พี่ ล แบ ซ้ะ เกม๊า จ ยู่แคว่-อ้ะ แบ นอ เฌ๊ ฌ้า-อ้ะ ลู่ง อี้ง, ฌ้อง แม้ ซี๊ง-อ้ะ ลู่ง จ เมะแซ พ้า’, ”

เอเซเคียง 38:18

ทอดูทึโท๊ทึกแช่ยาเว ไจ้ะเว๊, ดี๊ ล นี้ง แย๊ นอ, พี่ โกะ เฌ๊ ดึ้ซึ้ โละซ้ะ ดี๊ ค่าง อีซลาเอง นอ, ก ท ซ้ะทาง พ้ะดู ม ซยุ้ทาง

เอเซเคียง 6:12

โพล้ง พี่ อ โอ ช้างชื้ง ไย้ นอ ม ซี๊ง ดี๊ ทแช๊ แบฌะ, โพล้ง พี่ อ โอ เบ้า นอ ม ซี๊ง ดี๊ น้ะ, ดี๊ โพล้ง พี่ อ โอ ล้างลื๊อก้ะ ดี๊ นี่แบ ท ยู่แคว่ ทะ นอ ม ซี๊ง ดี๊ ทซ้ะวี่ง อาง เท่อ, บี่ อี้ง ล้อ ก แม้ ไจทาง ก ท ซ้ะทาง ดี๊ อ ซื๊งเว๊ ซี เลาพะ

เอเซเคียง 5:13

“บี่อี้ง ล้อ, ก ท ซ้ะไฌ๊ ม ไจทาง ล้างซยืง ซี เลาพะ, ดี๊ ก ท ซ้ะทาง ดี๊ อ ซื๊งเว๊ ม ล้างแม่ไฆวะ, ก ม แซทาง นี่ ดี๊ ก ท ซ้ะทาง, ฌ้อง นอ อ ซื๊ง เว๊ ม ซีงแฌ๊ เฆ้อ, เมะเว๊ กแช่ยาเว พี่ โล้ เว๊ ดี๊ ท ล๊องก้องไท้ อ เท่อ, พี่ ก ท ซ้ะทาง ดี๊ อ ซื๊งเว๊ แบ ทแม้ ไจทาง เลา เย้า นอ

เยเรมี 50:29

“เกม๊า กุ้ นี่ กเย่ โพล้ง ค้ะ คลีง นอ, เฌ๊ ดึ้ โละซ้ะ ดี๊ บาบีโลง, เมะเว๊ กเย่ โพล้ง พี่ อ ไพทาง คลีง, เกม๊า ช๊างล้าง นี่ ทล่างโอซยอง วะชวะ อฆูอฆ้อง, เกม๊า โพล้ง ไจคุ้ซูง พ้องพลิ้ ซี น่าง แฌ้ ล ฌี้, เกม๊า แม้ช้า-อ้ะ บี่ซุ้ดี๊ อ ทแม้ นอ เกม๊า แม้ เอะ-อ้ะ ด้องซุ้ พี่ อ เว๊ นี่ แม้ เว๊ นอ, เป๊งนี่ อ เว๊ อางกีทางโท๊ อ ซ้ะ ดี๊ กแช่ยาเว, กแช่แยว้ พี่ อฌี้อแอว้ ลู่ง อีซลาเอง

เลวี​อ​ไฌ่ 26:28

ก ม แม้ ทคิ้คุ้ แน้ ดี๊ ท ซ้ะทาง, ดี๊ เฆ้อ อี้ง ล้อ, ก ม แม้เตาแม้แต๊ แน้, ลู่ง น ทเด้เทาเด้บ้ะ อกย้อง เนว๊โทะ

โล้​ล้างที๊ง​ทอางแม้เลา 7:10

ดี๊ แม้ช๊าไท้ โพล้ง พี่ แช๊เมะไฌ๊ซ้ะ ดี๊-อ้ะ, ดี๊ กแช่ แด เว๊, ลู่ง ทแม้ ซี๊งทู่งอูงเล้งไฆวะ ล้อ กแช่แยว้ ล แม้ล้างแซย้ไฆวะ โพล้ง พี่ อ แช๊เมะไฌ๊ซ้ะ ดี๊-อ้ะ ซีง ลแพ อเตาอแต๊ แบ, อ ม แม้ช๊าไท้ เว๊ ดี๊ อ กแช่ แด เว๊ ล้อ

อีซยา 35:4

เกม๊า ไคล้ ดี๊ โพล้ง พี่ โอ ดี๊ ท ซ้ะเม บี่อี้ง “เกม๊า แม้ชองซ้ะ ไช้ะ, ดี๊ ซ้ะเม เท่อ ล ฌี้ แคว่เซ้อ, น ซื๊ง ซีง ลแพ อ กแช่แยว้ กแช่แยว้ ม เฌ๊ ดี๊ ท แม้แกไท้ ดี๊ กแช่แยว้ อ ท แม้ช๊าไท้ กแช่แยว้ ม เฌ๊, ดี๊ ม แม้ช้า แน้ เกม๊า พ้องพลิ้”

อีซยา 40:10

แคว่เซ้อ, ทอดูทึโท๊ทึ กแช่ยาเว, เฌ๊ ดี๊ อชองอไคล๊ ดี๊ กแช่แยว้ อ จูง ยู่แคว่ เท่อ ลู่ง อ ฌ่าง อี้งเซ้อ, กแช่แยว้ อ รางวาง นอ, โอ ดี๊-อ้ะ ล้อ ดี๊ กแช่แยว้ อ จูงเล้งคางเล๊ นอ, โอ ลู่ง อ เมะแซ พ้า ล้อ

อีซยา 49:4

แบเด้าะ จ ไจ้ะ บี่อี้ง, “ทไปว้ะ จ ซ้ะ โปล้ๆ, ล้อ จ เลา ฌ้อง จไฌ่จแบ้ โปล้ๆ, ล้อ, ดี๊ ลเฌิ่งลค๊า แบ แบเด้าะ นอ ล้างเท่ง ล้อ, ท พี่ อ เกิ้ง เก จ เท่อ นอ, โอ ดี๊ กแช่ยาเว ล้อ ดี๊ จ คางเล้งคางเล๊ นอ, โอ ดี๊ จ กแช่แยว้”

อีซยา 65:6

แคว่เซ้อ, โอ ดี๊ ทกวิ้ล้างไน ลู่ง ก เมะแซ พ้า ก ล โอกโช้ ไก้ไม่ แบ, แบเด้าะ ก ม แม้ช๊า เท่อ เอิ้ง, ก ม แม้ช๊า เท่อ, ลู่ง อ ซื๊งเว๊ อ ซ้ะแน๊ พ้า

อีซยา 65:7

เลา ดี๊ อ ซื๊งเว๊ อ ทอ้าทซ๊าง, ดี๊ อ พี๊งชู้พู๊งชู้ ลู่ง แย๊ อู้งอ ทอ้าทซ๊าง, โอซยอง โละซ้ะ, กแช่ยาเว ไจ้ะเว๊ บี่อี้ง เป๊งนี่ อ ซื๊งเว๊ เช้า ทน๊าม๊า ลู่ง ทลู่ง คู ดี๊ ไคล้อ้าไคล้ซ๊าง แบ เฆ้อ ลู่ง ทจ้องม๊อง คู ก ม โตง อ ซื๊งเว๊ อ ทอ้าทซ๊าง, ลู่ง อ พ้องไฆวะ ลแพ นอ นึฆ้าง อ ซื๊งเว๊ ซีง ลแพ อ ซ้ะแน๊ พ้า

อีซยา 66:6

ท อ ลู่ง เซ๊ ล้างลื่ง เฌ๊นี่ ลู่ง เว่ง พ้า ท อ ลู่ง เซ๊ เฌ๊นี่ ลู่ง เว่งฮ๊าง กแช่ยาเว อ ลู่ง แม้ช๊าไท้ อดีงอแด้

เอเซเคียง 23:49

ดี๊ โพล้ง ม แม้เตาแม้แต๊ น ท ซ้ะกวี้งล๊องก้อง แอ ลู่ง ท มี๊งฆึ พ้า, ดี๊ น แบ โท่งไท้ ทเด้บ้ะ แบฆ้ะ ดี๊ ทลื่งทาง ทเค่งทฌ้าง, ฌ้อง น ม ซีงแฌ๊-อ้ะ, เฆ้อ เมะเว๊ ทอดูทึโท๊ทึกแช่ยาเว”

โยเอง 3:4

“น ซื๊ง ซีง ปะ, น ช๊องมอง เท่อ ดี๊ เฆ้อ บี่จะเล้?, โอ้, ไทระ ไซดอง ดี๊ ฟีลีเตีย อที๊งอค่าง กุ้จองกุ้ไจ้ น ซื๊ง ม แม้ช๊า เฆ้อ ดี๊ ท แม้แกไท้-อ้า?, น ซื๊งเว๊ เมะ แม้แกไท้ เฆ้อ นอ, ก ม เกม๊า น ทแม้ นอ, ไท้แบไท้ น คูล้อง ล ทีงฆ่าง, ดี๊ เพลเพล้าเด้า ล้อ

โล้​ล้างที๊ง​ทอางแม้เลา 32:41

จ เมะ ไกล้ จ น้ะ พี่ อ โฌ่ง ค้ะ ดี๊ จ จูง พองทะ ทต้ะเซ๊ง จ ม แม้แกไท้ จดีงจแด้ ดี๊ แม้ช๊าไท้ โพล้ง พี่ อ แช๊เมะไฌ๊ซ้ะ ดี๊ แย้

อีซยา 66:14

น ซื๊ง ม แด แบ เท่อ, ฌ้อง น ม ซ้ะอวีงซ้ะโทะ เท่อ น ฆีง ม เซิงฆวี๊งซ้ะคล้าง บี่ซุ้ดี๊ นางบาง โพล้ง ม ซีงแฌ๊ โละซ้ะ บี่อี้ง, กแช่ยาเว อ จูง โอ ดี๊ อเพล่อบาง ดี๊ อ ซ้ะทาง ดี๊ อดีงอแด้

เยเรมี 32:19

กแช่แยว้ อดูอโท๊ ลู่ง ท เนฌ้าโล้ฌ้า พ้า, อดู้งอยางอซยื๊งอซย้องแอทึ ลู่ง ทไพ้ะทแม้ พ้า, กแช่แยว้ อ เมะคลี๊ง แด กโพล้ง อเกล้อพ้า กุ้ บ้อง, เกล๊าง รางวาง เอะ โพล้ง กุ้แฌ้, บี่ซุ้ดี๊ อ กแช่ อ เกล้, ดี๊ บี่ซุ้ดี๊ อ ทไพ้ะทแม้ อซูงอแซ นอ ล้อ

เยเรมี 50:15

เกม๊า แม้ เซ๊ ลู่ง ซองลี้ เท่อ ดึ้-อ้ะ โอ วะชวะ อฆูอฆ้อง, อ เว๊ ญ่องล้าง อ ซ้ะ เย้า อ นางปด้าง ทะ ล้างแพล้ เย้า อ กางแป แบ ทแม้ ล้างฆ่อง เย้า เมะเว๊ อ อี้ง เก กแช่ยาเว อ ท แม้แกแม้ช๊าไท้ เกม๊า แม้แก ไท้-อ้ะ แม้ เอะ-อ้ะ ด้องซุ้ พี่ อ เว๊ นี่ แม้ เว๊ นอ