อีซยา 5:26 - Northern Pwo Karen Thai Bible

²⁶ กแช่แยว้ ม แม้ ซีงแฌ๊ เท่อ เอะ โพล้ง กุ้ที๊งกุ้ค่าง พี่ อ โอ ไย้ ดี๊ กแช่แยว้ ยู อ นุ้, กุ้-อ้ะ เฌ๊นี่ ลู่ง มุ้คูทึ ฌางคูทึ ดี๊ อี้ง เซ้อ, อ เว๊ ม เฌ๊ เพลเพล้าเด้า ดี๊ ปชื่งปตี้

อีซยา 5:26 Referans Kwoze

เซคารียา 10:8

“ก ม กุ้นี่-อ้ะ, ดี๊ อางกีซยอง-อ้ะ เฌ๊ฆ้าง อไฌ่บี่อี้ง, ก เทะนี่ไท้-อ้ะ เย้า ดี๊ อ เว๊ อ แฌ้ ม แอ บี่ซุ้ดี๊ อู้งว๊างอู้ง

อีซยา 7:18

“ล นี้ง แย๊ นอ, กแช่ยาเว ม ยู อ นุ้, กุ้ นี่ ปโคะ พี่ โอ ลู่ง ที๊ง อีไย้ะ กล้อง อ คี๊ง, ดี๊ กุ้ นี่ นี๊ พี่ โอ ค่าง อะซีเรีย พ้า

อีซยา 18:3

น ซื๊ง กุ้แฌ้ พี่ เก โพล้ง ฌางคูโคล๊งคู โพล้ง พี่ เปิ่งโอเปิ่งช๊อง ลู่ง ฌางคูโคล๊งคู ซีง ลแพ ท่อง ตไก้ยะ แม้ไน เท่อ, โชะทาง อ ซ้ะ ลู่ง ทลู่ง คู นอ, น ซื๊ง ม แด-อ้ะ ล้อ ท่อง โอ ดี๊ ท อูงเซ๊ ทาง ทพูแฆ่ อ โน้ง นอ, น ม แน่ฌ๊า-อ้ะ ล้อ

โล้​ล้างที๊ง​ทอางแม้เลา 28:49

กแช่ยาเว ม เฌ๊ฌ้า โพล้ง ล ค่าง, เฌ๊ ดึ้ โละซ้ะ ดี๊ แน้, เฌ๊นี่ ลู่ง เกล้ไย้พ้าไย้, เฌ๊นี่ ลู่ง มุ้คูทึ ฌางคูทึ, เพล บี่ซุ้ดี๊ ไละพ้ะดู เฌ๊ ยู้ง, เก โพล้ง อชื้ออชะ, พี่ น ล ซีงแฌ๊ อ คว่าง แบ

อีซยา 11:12

กแช่แยว้ ม โชะทาง ตไก้ยะ แม้ไน เท่อม เอะ โพล้ง กุ้ชื้อกุ้ชะ ลแพ นอ ดี๊ ม กุ้ซยอง อีซลาเอง พี่ อ ล้างมื่งล้างพะ ดี๊ อางกีซยอง ยูดา พี่ อ ที่มื่งที่พ้ะ โอนี่ ลู่ง ฌางคูโคล๊งคู อ โนง ลี่งโนง นอ

มาลาคี 1:11

กแช่ยาเว ซึ้คู ดูทึชองทึ ไจ้ะเว๊, ล โค๊ ลู่ง มื่งทาง ท้อง ลู่ง มื่ง ล้างนึ นอ, กเม้งกแซ ดูทึโท๊ทึ ลู่ง โพล้ง กุ้ชื้อกุ้ชะ ซีง ลแพ อซุ้อแกล้ พ้า ล้อ, ดี๊ อ เว๊ เทว๊ ทน๊าม๊า ดี๊ ทเทว๊ พี่ อฌี้อแอว้, เทว๊ เอะ กเม้งกแซ กุ้จองกุ้ไจ้, เมะเว๊ กเม้งกแซ นอ, อดูอโท๊ ลู่ง โพล้ง กุ้ชื้อกุ้ชะ อซุ้อแกล้ พ้า

ฮาบากุ้ 1:8

อ เว๊ อ กซี นอ, เพลเละ ซู๊งโพย่ ได้ะ ดี๊ อดู้งอลู่ น้ะเละ ทวีงเม้ง ลู่ง มื่งแฌล้างโค๊ ได้ะ อ ซึ้พู ปชื่ง เทาทาง กซี ลี้ เอ้อ, อ ซึ้พู เทา กซี เฌ๊นี่ ลู่ง ทล่าง พี่ อ ไย้ อ ซื๊งเว๊ บี่ซุ้ดี๊ ไละ พ้ะดู, พี่ ยู้งฆ้าง ช้อง อ แชอาง

โยเอง 2:7

อ ซื๊งเว๊ ซยู๊ บี่ซุ้ดี๊ โพล้ง ดึ้ซึ้ เท่อ พู ดี๊ ทาง กางแป ล้อง บี่ซุ้ดี๊ ซึ้พู ล แฌ้ๆ, นอ, ไจ โพะ อ กแช่ อ เกล้ อ ซื๊งเว๊ ล ไจ ฆีงแฆ อ เทว แบ

ท​ฌางล้างย้าล้าง 4:19

โพล้ง พี่ อ ล้อง พอง เฆ้อ นอ, เพล เละ ไละ พ้ะดู ลู่ง มุ้คู ได้ะ อ ซื๊งเว๊ ล้อง ช่อง เฆ้อ ลู่ง ทลู่ง คู อ เว๊ โอคุ้ล้างคุ้ซูง เท่อ, คุ้ พอง เฆ้อ ลู่ง แพะคูทเคแกล้

เยเรมี 51:27

“เกม๊า บุ้ทาง ตไก้ยะแม้ไนเท่อ ลู่ง ฌางคูโคล๊งคู เกม๊า อูง ทพูแฆ่ โน้ง ลู่ง โพล้งค่างพ้า ลแพ นอ อซุ้อแกล้ เกม๊า แด้เว้ โพล้งค่างพ้า ลแพ นอ, แม้ ทดึ้ทชาง โละซ้ะ ดี๊-อ้ะ เกม๊า กุ้ นี่ บ้างมื่ง ลแพ อี้ง เฌ๊ ดึ้ โละซ้ะ ดี๊-อ้ะ อาราร้ะ, มีงนี ดี๊ อะเคนะ เกม๊า ต๊างทาง ซึ้คูดู ดึ้ซึ้-อ้ะ เกม๊า เฌ๊ทางฌ้า กซี บี่ซุ้ดี๊ ทวี่ น๊างมู๊ง ลีงแล่ อ ซ้ะ

เยเรมี 5:15

แคว่เซ้อ, โพล้ง อีซลาเอง-เอ้อ ก ม เฌ๊ฌ้า โพล้ง อ ชื้อ ลู่ง ค่าง ไย้, เฌ๊ ดึ้ น ซื๊งเว๊ ซีง ลแพ ล้อ กแช่ยาเว โล้ เว๊ บี่อี้ง ล้อ เก โพล้ง อ ชื้อ พี่ อเฌิ่งอค๊า เก โพล้ง อ ชื้อ ลู่ง อไยะอเช้ เก โพล้ง อ ชื้อ พี่ น ล ซีงแฌ๊ อ คว่าง แบ อ เว๊ ม ไคล้ ท เม้งเล้ นอ, น แน ล ซี แบ

เยเรมี 4:13

“อี้งเซ้อ, อ เว๊ เฌ๊ทาง บี่ซุ้ดี๊ ทเอิง อ เลาะ ดึ้ซึ้ บี่ซุ้ดี๊ ทแม้อ้า พ้ะดู อ ซ้ะ อ เว๊ อ กซี ลแพ นอ, เพล เละ ไละ พ้ะดู ได้ะ ท เซงทื่งเฌ๊ฌ้อง แบ ก ซื๊งเว๊, อไฌ่บี่อี้ง, ก ม แบ เซงทื่งเฌ๊ฌ้อง ล้อ

อีซยา 39:3

ฌ้อง อีซยา โมไคล้คิ้กแช่แยว้ นอ, เฌ๊ฌูง เฮเซคียา ดี๊ อางจ้ะเว๊ บี่อี้ง, “โพล้ง ลแพ อี้ง โล้ ทเม้งเล้?, ดี๊ โพล้ง พี่ อ เฌ๊ฆ้างฌูง แน้ นอ, เฌ๊ นี่ พี่จองเล้?”, เฮเซคียา ไจ้ะเว๊ บี่อี้ง, “อ ซื๊งเว๊ โอ นี่ ลู่ง ค่าง ไย้ เฌ๊ฌูง เฆ้อ, เฌ๊ นี่ ลู่ง เว่ง บาบีโลง”

อีซยา 30:16

ดี๊ น ซื๊ง เว๊ ซีง ลแพ ไจ้ะ บี่อี้ง ‘ล แม้ แบ, ก ม เทา กซี ไจคุ้ซูงไฆวะ’ อกย้องบี่นอ, น ซื๊ง ม ไจคุ้ซูงไฆวะ ดี๊ ไจ้ะ บี่อี้ง, ‘ก ม เทา กซี เพล ทึ’ อกย้องบี่นอ, โพล้ง ล้องช่อง แน้ ม เพล ทึ

อีซยา 13:5

อ ซื๊งเว๊ ซีง ลแพ, โอนี่ ลู่ง ที๊งไย้ค่างไย้ เฌ๊ เฌ๊นี่ ลู่ง มุ้คู ทึ ฌางคู ทึ กแช่ยาเว ดี๊ นางดึ้นางชาง ลู่ง อ ท ซ้ะทาง พ้ะดู บี่ซุ้ ม แม้ เฌ๊ฌ้อง ฌางคูโคล๊งคู เลาพะ

อีซยา 13:2

เกม๊า เยาทาง ตไก้ยะ แม้ไน เท่อ, ลู่ง ทลู่ง เกล้งเน้ง คู เกม๊า กุ้ซย้ะ อ ซื๊งเว๊ ลแพ นอ แว่จูง เกม๊า อ นึฆ้าง ลู่ง เซงคู อ เว่ง ป้ะตู๊ง พ้า

ทอางปฆ้า 72:8

เกม๊า อเว๊ ยู่แคว่แฌแซ เท่อ, โอนี่ ลู่ง ปางเล, ท้อง ปางเล ดี๊ โอนี่ ลู่ง ที๊งกล้อง ท้อง ลู่ง มุ้คูทึฌางคูทึ

ทอางปฆ้า 60:4

กแช่แยว้ ช๊างล้าง ตไก้ยะ แม้ไน เท่อ, เอะ โพล้ง ลแพ นอ, พี่ อ ดู้งแบยางแบ-อ้ะ บี่ซุ้ อเว๊ ม ไจคุ้ซูง พ้องไฆวะ ดี๊ คลีง อเบ้าอไย้เซ่-ลา

อีซยา 10:3

น ซื๊ง ม แม้ บี่จะเล้ ลู่ง ท แม้เตาแม้แต๊ อ มื่งนี้ง พ้า? ดี๊ ลู่ง ท แม้เฌ๊ฌ้องไฆวะ อ มื่งนี้ง พ้า พี่ เฌ๊นี่ ลู่ง อ ไย้ นอ? น ซื๊งเว๊ ซีง ลแพ ม ไจคุ้ซูงไฆวะ ลี้ เปิ่ง โพล้ง เล้? ดี๊ น ซื๊ง ม อางกี น คอง น แซย้ พี่จองเล้?

อีซยา 13:3

เฆ้อ อี้ง ล้อ, นี่ อางแบเลา โพล้ง พี่ ก ลึ นี่-อ้ะ ลแพ นอ ดี๊ กุ้ นี่ กเย่ ก ซึ้พู ปะ เมะเว๊ โพล้ง พี่ เซิงฆวี๊งซ้ะมึ ดี๊ กฆี๊งกแล้ เกม๊า อ แม้ บี่ซุ้ดี๊ ก ท ซ้ะทาง นอ ล้อ

อีซยา 13:4

คุ้ช๊องแน-เซ้อ, ท อ ลู่ง เซ๊ ล้างลื่ง ลู่ง ทลู่ง คู บี่ซุ้ดี๊ โพล้ง น๊างมู๊ง พ้ะดู อ ลู่ง คุ้ช๊องแน-เซ้อ, บ้างมื่ง ลแพ นอ อ ลู่ง เซ๊ ตทูง โพล้ง กุ้ชื้อกุ้ชะ พี่ นึ โอซยอง โละซ้ะ อ ลู่ง เซ๊ กแช่ยาเว ซึ้คู ดูทึชองทึ อางกีซยอง อ ซึ้พู บี่ซุ้ ม ดึ้เท่อชางเท่อ

อีซยา 31:9

อ ทล่างทุ้กดื้งซ้ะ ม เลาไฆวะ ดี๊ ท เซิงไพ่ซ้ะว้ะ ดี๊ อ เซงคู ลแพ นอ ม ญ๊องไฆวะ ตไก้ยะ แม้ไน เท่อ ดี๊ ท ซ้ะเมซ้ะไพล้ กแช่ยาเว พี่ อ มี โอ ลู่ง ซีโยง พ้า ดี๊ กแช่แยว้ พี่ อ มีอ้า ล่าง โอ ลู่ง เยรูซเลง พ้า นอ, ไจ้ะเว๊ บี่อี้ง ล้อ

เอเซเคียง 38:17

“ทอดูทึโท๊ทึกแช่ยาเว ไจ้ะเว๊ บี่อี้ง, แน้ น เก โพล้ง ล แฌ้ แย๊ นอ โบ่?, โพล้ง พี่ ก ไคล้ แบฆ้ะ ดี๊-อ้ะ ลู่ง อู้งว๊างอู้ง, เฌ๊ เว๊ ดี๊ ก เพล่, เมะเว๊ อีซลาเอง อ โมไคล้คิ้ เท่อ, พี่ นี่ โล้ล้าง ท อลู่งอแท๊ ล ว๊าง แย๊ นอ ตบลึ้ เนง เย้า ไจ้ะเว๊, ‘ก ม เฌ๊ฌ้า แน้ ดึ้ซึ้ โละซ้ะ ดี๊ อ ซื๊งเว๊ ลแพ นอ’