อีซยา 5:11 - Northern Pwo Karen Thai Bible

¹¹ ท เซงทื่งเฌ๊ฌ้อง แบ โพล้ง ลแพ นอ, พี่ เฌ้เทิงทาง ลู่ง โฌ้ ล้างคึ บี่ซุ้ ลี้ ซยู๊ ฌูง ไซ้ะ ดี๊ โพล้ง พี่ โอ ท้อง ทไค้ะทแน้ ลแพ นอ ฌ้อง ไซ้ะ ซไบ้ะแซ ที๊ง, ดึ้ เกม๊า อ เว๊ ม้า เท่อ ล้างเท้าล้างเย้

อีซยา 5:11 Referans Kwoze

โรมา 13:13

เกม๊า ก แม้ ก ซ้ะ ลู่ง อ เกิ้ง บี่ ซุ้ โพล้ง พี่ อ โอ ลู่ง ท พ้าง, แม้ ได้ ซ้ะ ล ฌี้, ม้า ไซ้ะ ล ฌี้, แม้ กแม มืง กแม แคว๊ ล ฌี้, แม้ เท่อ ลู่ง อ ล้างลุ้ ล้างเช้ ล ฌี้, ติ้ โละ ไอ โละ ซ้ะ ล ฌี้, ไคว๊ โละ โญ้ง โละ ซ้ะ ล ฌี้

อีซยา 5:22

ท เซงทื่งเฌ๊ฌ้อง แบ โพล้ง ลแพ นอ, พี่ เก โพล้ง เซิงน้าซ้ะน้า ลู่ง ท โอ้ ไซ้ะ ซไบ้ะแซ ที๊ง ดี๊ เก โพล้ง แม้ เท่อ เบิง ลู่ง ท แพ๊ซยอง ไซ้ะ

ทอางด้อง 20:1

ไซ้ะ ซไบ้ะแซ ที๊ง นอ, ดึ้ เกม๊า แม้ไฌ๊ซ้ะ เท่อ, ดี๊ ไซ้ะ นอ, ดึ้ เกม๊า นุ้โท่งนุ้ทะ อางฆื๊งนี่ เท่อ โพล้งเล้ ญ่อง เกม๊า อ ลี้ฌ้าเฌ๊พลุ้ไฆวะ นอ, ล โอ ดี๊ ท โกงทมอง แบ

กาลาเต 5:21

อ ซ้ะ ชิ้อิ้ โละ อ ซ้ะ, โอ้ ไซ้ะ ม้า ไซ้ะ, แม้ ได้ อ ซ้ะ, ดี๊ แม้ ท อ แฌ้แพ แบ ด้อง อ อี้ง, จ โล้ เอะ น ซื๊ง บี่ ซุ้ จ โล้ ตบลึ้ พ๊า เย้า, โพล้ง พี่ อ แม้ เท่อ บี่ นอ ล นี่ โอ แบ ลู่ง กแช่ แยว้ อ มื่ง อ บ้าง พ้า แบ เฆาะ ล้อ

1​โคเรง 6:10

โพล้ง ตมละ เท่อ เมะ ฌี้, โพล้ง ซ้ะกวี้ง ล๊องก้อง เท่อ เมะ ฌี้, โพล้ง โอ้, ไซ้ะ ชอง เมะ ฌี้, โพล้ง ไคล้ แช๊คู ดูซ้ะ โพล้ง เมะ ฌี้, ดี๊ โพล้ง โกง อาง โพล้ง, อ เท่อ เมะ ฌี้, โพล้ง ล เอ้า อี้ง นอ, กแช่ แยว้ ล เกม๊า เว๊ อ โอ แบ อ มื่ง อ บ้าง พ้า น่าง แฌ้ แบ เฆาะ

ลูกา 21:34

ปโล่ ล้าง น ซื๊ง ซ้ะ เมะ ฌี้ ไช้ะ, เกม๊า น ช๊องมอง ที่ ท โอ้ ไซ้ะ อาง มี้, ท ลื่ง อาง ลื่ง โอ้, ดี๊ ท แบคู่ แบโฌ้ ลู่ง ท โอ ม๊า อ กย้อง ล ฌี้, แบ ซีง ลู่ง ล นี้ง แย๊ นอ ม เฌ๊ ท้อง ล ทีง ฆ่าง, ฌ้อง น ซื๊ง ม เก บี่ ซุ้ แยพู แบ พ๊อง

อีซยา 28:1

ทเซงทื่งเฌ๊ฌ้อง แบ โพล้ง ม้า เท่อ ชอง ลู่ง เอฟาอีง ซีง ลแพ, อ คูคล้าง พี่ ทื่งดู ล้างซ้ะ ดี๊ ทเซงทื่งเฌ๊ฌ้อง แบ อ ทโพ๊ ลู่ง อฌี้อแอว้ ดี๊ อฆี๊งอแล้ พี่ อ ดี้งล้างไฆวะ พี่ โอ ทลู่ง อ จ้องคู ลู่ง ทแด้ พ้า อกู้งอล๊า, พี่ ล้างเคลิ่ง ดี๊ ไซ้ะ ซไบ้ะแซ ที๊ง

ฮาบากุ้ 2:15

“ท เซงทื่งเฌ๊ฌ้อง แบ โพล้ง พี่ ดึ้ เกม๊า อ ฌุ้พาง โอ้ ไซ้ะ โพล้ง พี่ แม้ ล้างฆึ อ ท ซ้ะทาง ปะ, ดี๊ ดึ้ เกม๊า เว๊ อ คูเยิ้งแน่เยิ้ง ม้า เท่อ บี่ซุ้ ม แคว่ท๊าง เว๊ อ ท โบลงโกงไล้ไท้

ทอางด้อง 23:32

ลู่ง ไค๊ทึ นอ ม ไอ เท่อ บี่ซุ้ดี๊ ฌู่ง ดี๊ บล้าล้าง อ แซว๊ บี่ซุ้ดี๊ ฌู่ง พ้ะโท๊ท่อง

1ซามูเอง 25:36

ดี๊ น่าง อาบีกายี ไท้ฌูง นาบาง, แคว่เซ้อ, อ เว๊ นอ ลื่งอาง พ้ะดู เท่อ ลู่ง อ เด้า พ้า, ด้องซุ้ กจุ้แฆว้ ลื่งอาง เท่อ, ดี๊ นาบาง นอ อ เซิงมึ ซ้ะมึ, เมะเว๊ อ เว๊ ม้า ไซ้ะ น้ะ, น่าง อาบีกายี ล นี่ โล้ เอะ เว๊ อ เท่อ น่าง เม้ง แบ, ท้อง ลู่ง ทพ้างทาง โฌ้โค๊

2​ซามูเอง 19:35

ล นี้ง แย๊ อี้ง, จ โญะโฆะ ชี๊ง เนง เย้า, น เพล่ ม แคว่ที๊งดุ้ เท่อ, ทเม้งเล้ เก ทแบซ้ะ, ดี๊ ล แบซ้ะ แบ ซี ได้ะ-อ้า?, จ ม ไช่ดุ้ ทอาง ทโอ้ อ อวีง อ ช๊า ซีได้ะ-อ้า?, จ ม ช๊องแน โพล้ง ซ้ะอวีง แท๊ อ มืง อ แคว๊ อ ลู่ง ซี ได้ะ-อ้า?, แม้ทเล้?, น ม เกม๊า น เพล่ เก ทแม้แอทาง จ เซงคู กจุ้แฆว้ อ ทอวีงทยุ้ เด้าะ

อีซยา 22:13

แบเด้าะ แคว่เซ้อ, โอ ไท้ ดี๊ ท แม้มึอางอวีง ดี๊ เซิงมึซ้ะมึ ล โค๊ ล้อ โอ ดี๊ ท แม้ซี๊ง งู้ ดี๊ แม้ซี๊ง แกะ เลา ดี๊ อาง ทไพ้ะทแย ดี๊ โอ้ ไซ้ะ ซไบ้ะแซ ที๊ง “เกม๊า ก อาง เท่อ ดี๊ โอ้ เท่อ แดเทา เมะเว๊ ลู่ง โฌ้โฆะ นอ, ก ม ซี๊ง ล้อ”

อีซยา 24:9

อ ซื๊งเว๊ ล โอ้ ไซ้ะ ซไบ้ะแซ ที๊ง, ดี๊ ล ซ้ะอวีงแท๊ ล้า แบ ไซ้ะที๊งมี่จ้าง เก ทแค แบ โพล้ง พี่ อ โอ้ เว๊

อีซยา 28:3

โพล้ง ม้า เท่อ ชอง ลู่ง เอฟาอีง ซีง ลแพ, อ คูคล้าง พี่ ทื่งดู ล้างซ้ะ ม แบ ทไย่ล้าง ลู่ง คางย๊างซ้ะ เช๊ละ

อีซยา 56:12

“เฌ๊ แดเทา, เกม๊า จ เฌ๊โชะ ไซ้ะ ซไบ้ะแซ ที๊ง เกม๊า ก ซื๊งเว๊ โอ้ ไซ้ะที๊งมี่จ้าง เมาน่าง ดี๊ ลู่ง โฌ๊โฆะ นอ, ม บี่ซุ้ดี๊ ล นี้ง แย๊ อี้ง ล้อ ม ดู ม โท๊, ดี๊ แอเละ อ นอ ได้ะ”

ฮาบากุ้ 2:5

แอเละ อ นอ ได้ะ, ไซ้ะ ซไบ้ะแซ ที๊ง เก ท ซอึ้คูแช๊, อางกีล้าง ซ้ะ ล ซี แบ โพล้ง ทื่งดูล้างซ้ะ นอ, ล นี่ โอไปว้ะ ไก้ไม่ แบ อ โคะ นอ, อุ้พ้ะ อ ซ้ะ พ้ะเล่, ด้องซุ้ พลื่งค่าง ดี๊ อ เว๊ บี่ซุ้ดี๊ ทซี๊ง อ กแช่ พี่ ล ซีงแฌ๊ บลิ้อางบลิ้โอ้ แบ อ เว๊ แม้นี่ก้ะ โพล้ง กุ้ที๊งกุ้ค่าง, เฌ๊ ลู่ง อ ฌ่าง พ้า ฌ้อง อางกีซยอง โพล้ง กุ้ชื้อ เฌ๊ เกก้ะ อ เท่อ”