อีซยา 47:15 - Northern Pwo Karen Thai Bible

¹⁵ โพล้ง พี่ ท ไปว้ะ น ซ้ะ ดี๊-อ้ะ ลแพ นอ, ม เก เอะ แน้ บี่อี้ง เมะเว๊ โพล้ง พี่ โพะเละแม้แค้ เท่อ ดี๊ แน้ โค๊ ลู่ง มืงน้าง แค๊ นอ แบเด้าะ ล แฌ้ๆ, ไจพลุ้ฌ้ะเม้ง ลู่ง อ ซื๊งเว๊ อเกล้อพ้า แด เว๊ ล้อ โพล้ง ม แม้พ้องพลิ้ แน้ ซี ล โอ น่างแฌ้ แบ

อีซยา 47:15 Referans Kwoze

อีซยา 56:11

ทวีง ลแพ นอ, ซู๊อางซ้ะ เท่อ น้ะมะ ล ซีงแฌ๊ บลิ้อางบลิ้โอ้ น่างพ๊า แบ อ ซื๊งเว๊, เมะเว๊ โพล้ง ลื่ง แกะ พี่ ล โอ ดี๊ ท แนซีโน้งซี แบ อ เว๊ กุ้แฌ้ แกยไท้ อ ซ้ะ ลู่ง อ กแช่ อเกล้อพ้า แด เว๊ ล้อ ล แฌ้ๆ, นอ, โอ ที่ อางฆื๊ง แอทาง นี่ ท นี่แบอางแบ ลู่ง อ กแช่ อ ฌ่าง, ลไว้ะลว๊าง น่างแฌ้ แบ

อีซยา 5:29

อ ลู่ง กุ้ซย้ะ อ โคะ บี่ซุ้ดี๊ คี๊ยื่ง อ เว๊ กุ้ซย้ะ อ โคะ ด้องซุ้ คี๊ยื่ง แพ๊ ลแพ นอ ล้อ อ เว๊ เคิ่ง เท่อ พี่ ซย่างเท่ง อ แชอาง อ แค๊ นอ ฌ้อง อ เว๊ ไท้โชะ อาง เว๊, ดี๊ โพล้ง ล โอ แม้ช้า เว๊ ซี น่างแฌ้ แบ

อีซยา 43:13

“แอเละ อ นอ, ลโค๊ลู่ง ล้างชู้ล้างแกย นอ, เฆ้อ จ เก โพล้ง ล แฌ้ นอ ล้อ โพล้ง ล โอ น่างแฌ้ แบ แม้ช้า พ้องไฆวะ ดี๊ ก จูง ซี ก แม้ เท่อ เม้งฌี้ๆ, นอ, โพล้งเล้ ม เปลงไฆวะ เว๊ ซี ได้ะ?,”

อีซยา 46:7

อ ซื๊งเว๊ ลแพ นอ, โชะทาง ทเค่งทฌ้าง นอ ลู่ง จื๊งแป คู, ฌ้อง ไท้ ยุ้ เว๊ อ ซื๊งเว๊ ช๊างล้าง เว๊ ลู่ง อ ล่าง โอ ลี้ง คระ, ดี๊ อ โอ เว๊ พี่ นอ ล้อ อ ไจแดไฆวะ พี่ นอ ล ซี แบ พี่ โพล้ง เฌ๊ กุ้ซย้ะ อางท่าง เท่อ ดี๊ ทเค่งทฌ้าง นอ, อ แม้ช้าอางช้า เท่อ ล ซี แบ ดี๊ อ เท่อ แม้ช้า-อ้ะ, เกม๊า พ้องไฆวะ ดี๊ อ ทน้ะทโน๊ง ล ซี แบ

อีซยา 47:13

ทไปว้ะ น ซ้ะ ดี๊ น โพล้งเนฌ้าโล้ฌ้า เท่อ แอฌี่งแอฌ้อง เกม๊า โพล้ง ลแพ นอ, พี่ อางน้าง ทมุ้คู ดี๊ โพล้ง ลแพ นอ, พี่ แคว่เจ้ท๊าง แซย ชี๊เทิงทาง ดี๊ แม้ช้า แน้ เกม๊า พ้องพลิ้ เมะเว๊ โพล้ง พี่ โล้ เกม๊า น ซีงแฌ๊ เท่อ, ลู่ง มื่งทางไท้ ล แฌ ไจ้ะเว๊ ทเม้งเล้ ม กึทาง ดี๊ แน้