อีซยา 37:4 - Northern Pwo Karen Thai Bible4 แบซีงลู่ง น กแช่ยาเว คุ้ช๊องแน ร้ะชาเค อ ทไคล้, โพล้ง พี่ อะซีเรีย อ กจุ้แฆว้, อ เว๊ อ เซงคู โซ๊งทาง-อ้ะ, เกม๊า อ เฌ๊ แม้ไฌ๊ซ้ะ กแช่แยว้ พี่ อ โอม๊า, ดี๊ กแช่แยว้ ม แม้น้าแม้ฆ่าง ทไคล้, พี่ น กแช่ยาเว คุ้ช๊องแน เว๊ เย้า, อกย้องบี่นอ, เกม๊า น เทว๊ ทชูแพอางท่าง เท่อ, ลู่ง โพล้ง พี่ อ ล้างลื๊อ อ โพล้ง โอ ล้างลื๊อ ก้ะ ลแพ นอ อ ฌ่าง’, ” Gade chapit la |
อีซยา 37:4
43 Referans Kwoze
เกม๊า กเย่ โพล้งลื่งเท่ออคู, เมะเว๊ โพล้ง พี่ แม้ เอะ กแช่ยาเว อ เท่อ นอ ฌางซย้ะ ลู่ง เติ๊งเละ ดี๊ ทลื่งล่าง อ เบ้าช้า ดี๊ เกม๊า โล้ แบ เท่อ บี่อี้ง, “จ กแช่ยาเว-เอ้อ, อวีงซ้ะชู้ ย๊างซ้ะ แบ นพูนลี้ง อวีงซ้ะชู้ เกม๊า นคองนแซย้ เก ทไคล้ ไฌ๊ซ้ะ-อ้า เก ทอางเพ๊งอางด้อง เชิ่งเชะ เท่อ, ลู่ง โพล้งกุ้ชื้อกุ้ชะ อซุ้อแกล้ พ้า-อ้า ล ฌี้ เกิ้ง ชี่-อ้า, พี่ อ เว๊ ม ไคล้ ลู่ง โพล้งกุ้ชื้อกุ้ชะ ซีง ลแพ อ โป้ง พ้า บี่อี้ง ‘อ ซื๊งเว๊ อ กแช่แยว้ โอ พี่จองเล้? ’, ”
แบซีงลู่ง กแช่ยาเว น กแช่แยว้ แน่ฌ๊า ร้ะชาเค อ ทไคล้, พี่ อ เซงคู กจุ้แฆว้ ค่าง อะซีเรีย, เกม๊า อ เฌ๊ แม้ไฌ๊ซ้ะ กแช่แยว้, พี่ อ โอม๊า ได้ะ, ดี๊ อ เว๊ ม ไจ้ะ แบ-อ้ะ ดี๊ ทไคล้ อ ไฌ่, พี่ กแช่ยาเว น กแช่แยว้ แน่ฌ๊า เว๊ นอ, ทบี่นอ, เกม๊าเต้ น ชูแพ เท่อ ลู่ง โพล้ง พี่ อ ล้างลื๊อก้ะ ลแพ อี้ง อ ฌ่าง ไช้ะ’, ”
ดี๊ ดาเว ไคล้ ดี๊ ซึ้พู, พี่ อ ชี๊เทิง โอ อ ฌ๊างไท้ะ ลแพ นอ ไจ้ะเว๊, “อ เว๊ ม แม้ เอะ โพล้ง พี่ อ แม้ซี๊ง โพล้ง ฟีลีเตีย ล แฌ้ อี้ง, ดี๊ แม้ ล้างแม่ไฆวะ ทดึ้เดวทื่งแช้ โพล้ง อีซลาเอง อี้ง นอ บี่จะเล้?, โพล้ง ฟีลีเตีย พี่ ล นี่ แม้ ทไฌ่ ไร้ะไฆวะ ไพ้ะ แบ ล แฌ้ อี้ง, เก เด้าะ ชี่ โพล้ง เล้, เฌ๊ อางแท้นี่ มะ กแช่แยว้ ลู่ง อ โอม๊า ล แฌ้ อี้ง อ ซึ้พูมู๊ง?”
โยนาทาง ไคล้ ดี๊ โพล้ง น่างบางซ้ะบาง, พี่ โชะ เอะ อ นางดึ้นางชาง นอ ไจ้ะเว๊, “เกม๊า ก ลี้ ค๊างฆ้าง ลู่ง โพล้ง ลแพ อี้ง อ ซึ้พู คุ้แคว่ เท่อ อ แกล้, พี่ ล นี่ แม้ ทไฌ่ ไร้ะไฆวะ ไพ้ะ แบ, แบซีงลู่ง กแช่ยาเว ม แม้ เท่อ ลู่ง ก ฌ่าง, เมะเว๊ ทแม้ไทะทะ กแช่ยาเว ซี โอ น่าง เม้ง เอะ, พี่ อ เว๊ ม แม้พ้องพลิ้ เฆ้อ, ทึเมะ โพล้ง ม โอ แอ ฌี้ แซย้ ฌี้
ทบี่นอ เกม๊า แย้ ค่าง ทลู่ง คู อี้ง, พี่ กแช่ยาเว โล้ เว๊ ล นี้ง แย๊ อู้ง นอ เอะ แย้, เมะเว๊ น แน่ฌ๊า ลู่ง ล นี้ง แย๊ อู้ง นอ เย้า บี่อี้ง โพล้ง อาน้ะโอ พี่ นอ, เว่ง พ้ะดู โอ พ้องทะ เว๊ ดี๊ กางแป เฌิ่งเพิ่ง โอ วะชวะ, แบซีงลู่ง กแช่ยาเว ม โอ ดี๊ แย้, ดี๊ จ ม โฌ๊ไจทางไฆวะ-อ้ะ ซี ด้องซุ้ กแช่ยาเว โล้ เว๊ เย้า นอ”
ยูดา อ กจุ้แฆว้ เฮเซคียา, ดี๊ โพล้ง ยูดา เลาพะ นอ, นี่ แม้ซี๊ง ไฆวะ-อ้ะ โบ่?, อ เว๊ ดู้งแบยางแบ กแช่ยาเว, ดี๊ อางท่าง อางโฆอางแย๊ กแช่ยาเว, ดี๊ กแช่ยาเว นี่ เปลงไท้ อ ซ้ะ ดี๊ ทอ้าทซ๊าง, พี่ กแช่แยว้ อางกีล้าง เว้ เอะ อ ซื๊งเว๊ ลแพ นอ, ล เมะแบ-อ้า?, แบเด้าะ ก ดึ้ เกม๊า ทอ้าทซ๊าง พ้ะดู เฌ๊ แบ ก กแช่ แด เว๊ ล้อ”
ดี๊ ไคล้ ดี๊ เยเรมี โมไคล้คิ้กแช่แยว้ ไจ้ะเว๊, “อวีงซ้ะชู้ คุ้ช๊องแน ก ซื๊งเว๊, ดี๊ ชูแพอางท่าง เท่อ ดี๊ กแช่ยาเว น กแช่แยว้, ลู่ง ก ซื๊งเว๊ พี่ ล้างลื๊อ โอก้ะ เลาพะ อี้ง นอ อ ฌ่าง, เมะเว๊ ก ล้างลื๊อ โอก้ะ อ แฌ้ แซย้ โฆะ ล้อ, ลู่ง อ พ้องไฆวะ นอ โอ อ แฌ้ แอฌี่งแอฌ้อง, บี่ซุ้ดี๊ น แด แบ -อ้ะ ดี๊ น เมะคลี๊ง เย้า นอ
“ลี้ อางจ้ะ เอะ จ เท่อ ดี๊ กแช่ยาเว, ดี๊ อางจ้ะ เอะ กเย่ โพล้ง พี่ ล้างลื๊อก้ะ ลู่ง อีซลาเอง พ้า ดี๊ ยูดา พ้า อ เท่อ, แบฆ้ะ ดี๊ ทไคล้ ลู่ง ไละ พ้า, พี่ น แด-อ้ะ นอ, เมะเว๊ กแช่ยาเว อ ทซ้ะทาง, พี่ อ ล้าง แบ เฆ้อ นอ ดู เต้ๆ, เป๊งนี่ กพี๊งกพู๊งลู่งแย๊, ล นี่ แฌแซ กต้าง กแช่แยว้ อลู่งอแท๊, บี่ซุ้ ม แม้โพะ เว๊ อ ไค๊, ต๊าง อ แบ ทกวิ้ ล้าง-อ้ะ ลู่ง ไละ พ้า อี้ง กุ้เม้ง แบ”
Piblisite