อีซยา 34:4 - Northern Pwo Karen Thai Bible

⁴ กเย่ เท่อ พี่ อ โอ ลู่ง มุ้คู ลแพ นอ, ม เฌ๊ฌ้อง ล้างแม่ไฆวะ ดี๊ มุ้คู นอ, ม แบ ท ทื๊งไฆวะ บี่ซุ้ดี๊ ไละทื๊ง กเย่ เท่อ พี่ อ โอ ลู่ง มุ้คู ลแพ นอ, ม ล้างเทะ บี่ซุ้ดี๊ เซงแล ล้างเทะ นี่ ลู่ง ซไบ้ะ มื่ง ล้อง-อ้า ล้างเทะ นี่ ลู่ง กูงเย้ มื่งเทิง ล้อง-อ้า นอ ล้อ

อีซยา 34:4 Referans Kwoze

ม้ะทู 24:29

เมาะ มื่ง นี้ง ลู่ง ท น้ะ ท โน๊ง ล แพ นอ พ้อง ไฆวะ เย้า, มื่ง ม ไค้ะ, แล้ ล พ้าง ล้าง ล้า แบ, แซย โอ ลู่ง มุ้คู ม ล้างเทะ ไฆวะ เว๊ ล้อ, เท่อ พี่ อ โอ ดี๊ อ ดู้ง อ ยาง ลู่ง ท พุ้พ๊าง ล แพ นอ, ม ตทูง ตพล้าง นอ ล้อ

โยเอง 3:15

มื่ง ดี๊ แล้ นอ ไค้ะไฆวะ เว๊ แซย ลแพ นอ ลโฌ่งลพ้าง ล้า แบ

ท​เน​โพล​ทาง 8:12

ท่อง ท มุ้คู พู ลี่ง แฌ้ ล แฌ้ อูง ทาง ควี้ ฌ้อง, มื่ง นอ ท แบไท้ะ-อ้ะ, ซ๊า โป้ง นอ แบไท้ะ ล โป้ง, แล้ ดี๊ แซย ซีง ล แพ นอ แม้ อ ซ้ะ บี่ นอ ปะ, ซ๊า โป้ง นอ ไค้ะ ซ๊า ไฆวะ ล โป้ง, มแช๊ โค๊ ซ๊า โป้ง นอ ท ล พ้าง ล้าง ล้า แบ ล โป้ง, มแน้ โค๊ แม้ อ ซ้ะ บี่ นอ ปะ

ม้ะทู 24:35

มุ้คู ดี๊ ฌางคู ม ล้างแม่ ไฆวะ เว๊ ล้อ, แบ เด้าะ จ ลู่ง จ แท๊ ล แพ นอ, ล ล้างแม่ ไฆวะ น่าง พ๊า แบ นอ ล้อ

ท​เน​โพล​ทาง 20:11

ฌ้อง จ แด แบ ท ล่าง ชี๊น้าง ยู่แคว่ เท่อ อ แอว้ พ้ะดู ล ช๊อง, ดี๊ โพล้ง ชี๊น้าง เว๊ อ คู, ฌางคู โคล๊ง คู ดี๊ มุ้คู ล้างแม่ ไฆวะ ลู่ง อ เมะแซ พ้า, โพล้ง ล แด ฌางคู ดี๊ มุ้คู ล้า แบ

อีซยา 13:10

เมะเว๊ มุ้คู อ แซย ลแพ นอ, ดี๊ แซย น๊างมู๊ง นอ ล พ้างล้าง แบ มื่ง ม ไค้ะ พี่ อ ช๊า อ โท่ เฌ๊ทาง นอ ดี๊ แล้ ล พ้างล้าง แบ

อีซยา 13:13

อกย้องบี่นอ ก ม ดึ้ เกม๊า ทมุ้คู ว้ะ ตทูง ดี๊ ฌางคูโคล๊งคู ม ว้ะ เทาทื้ง ซึ้ไฆวะ อ ซ้ะ ดี๊ กแช่ยาเว ซึ้คู ดูทึชองทึ อ ท ซ้ะทางพ้ะดู ลู่ง กแช่แยว้ อ ท ซ้ะทาง พ้ะดู อ มื่งนี้ง

อีซยา 14:12

“โอ้, น ล้างเทะ นี่ ลู่ง ทมุ้คู บี่จะเล้ แน้ พี่ น พ้างล้าง, เมะเว๊ พูแคว๊ ลู่ง ทพ้างทาง น แบ ท ไควะล้าง ลู่ง ฌางคูคู บี่จะเล้ แน้ พี่ ดึ้ เกม๊า โพล้ง กุ้ชื้อกุ้ชะ ลแพ นอ ล้างไช้ะล้างย่อง

ฮีบรู 12:27

พี่ อ ไจ้ะ เว๊, “ล พ๊า เด้าะ โคะ นอ”, อ นอ เนโพล ทาง เว๊ เท่อ พี่ กแช่ แยว้ ไต้ ล้าง เว๊ นอ, ม แบ ท แม้ ว้ะ-อ้ะ ดี๊ ม แบ ท แม้ ไฆวะ-อ้ะ, บี่ ซุ้ เท่อ พี่ อ ว้ะ ล นี่ แบ ล แพ นอ ม โอก้ะ ครึๆ, ล้อ

ท​เน​โพล​ทาง 6:12

ท่อง อ ช๊าง จ แด แกะ พู อุ้พ้ะ ทาง ท อ แท๊ ฆู๊ง เบง ล เบง นอ ฌ้อง ฌางคู ว้ะ พ้ะดู, มื่ง ไค้ะ ซ๊า ทาง บี่ ซุ้ เต่ กเซ้าะ พี่ โพล้ง ไต้ เว๊ ดี๊ ท พูแฆ่ อ ชอง, แล้ โฌ้ ทาง ด๊าง เบง บี่ ซุ้ ท ซวีง

อีซยา 51:6

เกม๊า บุ้ทาง น ซื๊ง เมะ แคว่ ทมุ้คู ฌ้อง แคว่ ฌางคูโคล๊งคู ลู่ง ละโค๊ เมะเว๊ ทมุ้คู ม ล้างแม่ไฆวะ, บี่ซุ้ดี๊ ท อ คูง ดี๊ ฌางคูโคล๊งคู ม เฌ๊กูงเฌ๊ซยื๊งไฆวะ, บี่ซุ้ดี๊ ไช๊ช้าง ฌ้อง โพล้ง พี่ เปิ่งโอเปิ่งช๊อง เว๊ อ พ้า นอ, ม ซี๊งไฆวะ บี่ซุ้ดี๊ กย้ะซ๊า แบเด้าะ ก ทพ้องทพลิ้ ม โอ ล้างชู้ล้างแกย ดี๊ ก ทฌี้ทแอว้ ม ล ทึไฆวะ แบ

โยเอง 2:10

ฌางคูโคล๊งคู ว้ะโทะ ลู่ง อ เมะแซ พ้า ทมุ้คู นอ ว้ะโทะ เทาทื้ง มื่ง ดี๊ แล้ นอ ไค้ะซ๊าไฆวะ แซย ลแพ นอ, ลโฌ่งลพ้าง ล้า แบ