อีซยา 32:10 - Northern Pwo Karen Thai Bible

¹⁰ เมาะ ล เนง เบล เด้าะ กมืง พี่ โอ ดี๊ ท คื๊งเซิงแล้ซ้ะ นอ, ม ซยึ้ เท่อ ว้ะโทะ น๊างแฌ้ เมะเว๊ โซ๊ง ซไบ้ะแซ ม เลาเทาไฆวะ ท อว๊างอแค๊ ฆี๊ นี่ ทซูงทแซ ม ล เฌ๊ท้อง แบ

อีซยา 32:10 Referans Kwoze

เยเรมี 8:13

กแช่ยาเว ไจ้ะเว๊ บี่อี้ง, “พี่ ก ม อางกีซยอง-อ้ะ นอ ก แด เว๊, ซไบ้ะ มื่ง-อ้า กูงเย้ มื่งเทิง-อ้า นอ, อ แซ ล โอ แบ ทึเมะ อ แล นอ, ล้างไย้ะล้างไฆ๊ไฆวะ เว๊ ดี๊ ท เม้งฌี้ๆ, พี่ ก เกล๊าง-อ้ะ นอ, ล้างแม่แดไฆวะ-อ้ะ ล้อ”

อีซยา 7:23

“ล นี้ง แย๊ นอ, ทล่าง กุ้ อ จอง พี่ ซไบ้ะมื่ง โอลี้งโอล้อง อ มื่ง ล ม๊า, พี่ อลื่งอฆวี้ เก จี้ ล ม๊า เชเค่ง นอ, ม เกทาง ก้ะ ทชูง พู มื่งเทิง ดี๊ ทชูง พ้ะดู

เซฟางยา 1:13

แบเด้าะ อ ซื๊งเว๊ อคองอแซย้ ม แบ ท ตมละ ดี๊ อ ซื๊งเว๊ อ เด้า ม โอโปล้ก้ะ ล้อ ทึเมะ ม ไต้ทาง เด้า ฌี้ นอ อ ซื๊งเว๊ ซีง ลแพ, ม ล นี่ โอ แบ เว๊ แบ ทึเมะ ม แม้โซ๊ง ซไบ้ะแซ ฌี้ นอ อ ซื๊งเว๊ ซีง ลแพ, ล นี่ โอ้ แบ ไซ้ะ ซไบ้ะแซ ที๊ง ลู่ง โซ๊ง นอ แบ”

ฮาบากุ้ 3:17

ทึเมะ กูงเย้ มื่งเทิง อ โพ๊ พ้ะ ล โอ แบ ฌี้ ซไบ้ะ มื่ง อ แซ ล โอ แบ ฌี้ ไพ อ แซ ไว้ะไฆวะว๊างไฆวะ ฌี้ ไชะคูแน้พ้า ล เกทาง ทอาง แบ ฌี้ ทึเมะ แมะ แกะ น๊างมู๊ง ไว้ะไฆวะว๊างไฆวะ ดี๊ อ พ้อง ดี๊ งู้ น๊างมู๊ง ล โอ อ พ้อง พ้า แบ

โยเอง 1:12

ซไบ้ะ มื่ง นอ, ล้างไย้ะ ล้างไฆ๊ กูงเย้ มื่งเทิง นอ ล้างไย้ะไฆวะ เลา ดี๊ ม้างเกาะ มื่งเทิง, ดี๊ เซง เองทาพลาง มื่งเทิง, ดี๊ แอ้ะเปิ้ง มื่งเทิง ปะ เซง มื่งเทิง เลาพะ ลู่ง ไชะ พ้า นอ, ล้างไย้ะล้างไฆ๊ไฆวะ ท เซิงมึซ้ะมึ นอ, ล้างแซย้ไฆวะ เว๊ ดี๊ กโพล้ง อ พู ลแพ นอ ล้อ

โยเอง 1:7

อ แม้ เฌ๊ฌ้อง จ ซไบ้ะ มื่ง ดี๊ อุ้ไฆวะ จ กูงเย้ มื่งเทิง อ ไพ้ะ อ เบ้าะไฆวะ เว๊ อ ไพ้ะ ดี๊ ญ๊องไฆวะ เว๊ อได้อพ๊าง นอ, แคว่-อ้ะ แอว้โพ๊โล๊

โฮเชยา 3:4

เมะเว๊ อีซลาเอง อชื้ออชะ ม โอ เว๊ พี่ อ กจุ้แฆว้ ล โอ แบ, ดี๊ อคูอแน่ ล โอ แบ เก อช๊าอโท่ ไยะ มะ, เลา ดี๊ ล โอ ดี๊ ท ลื่งทาง แบ, ล โอ ดี๊ เฌเทิง ซยื๊งซย้อง แบ, ล โอ ดี๊ ไช๊อเบงคูลท๊า ดี๊ ทเค่งทฌ้างแบ

โฮเชยา 2:12

ก ม เกม๊า อ ซไบ้ะ มื่ง ดี๊ อ กูงเย้ มื่งเทิง โอโปล้ ก้ะ พี่ อ ไคล้ คีงอูง ดุ้ ไจ้ะเว๊ ‘อ อี้ง ล้อ เก จ จูงเล้งคางเล๊ พี่ โพล้ง ลู่ง จ เอ-อ้ะ เกล๊าง แย้’ ก ม ดึ้ เกม๊า อ เกทางก้ะ ทเคแกล้ ดี๊ ทพูแฆ่ เม้ง ม อางไฆวะ เว๊

อีซยา 16:10

ท เซิงฆวี๊งซ้ะโย้, ดี๊ ท ซ้ะอวีงซ้ะโทะ แบ ท แม้นี่ แม้นี่ไฆวะ เว๊ ลู่ง โซ๊ง ทซูงทแซ พ้า ลู่ง โซ๊ง ซไบ้ะแซ พ้า นอ, ล โอ ดี๊ ท กุ้ซย้ะ ลู่ง ท เซิงฆวี๊งซ้ะโย้ แบ ล โอ ดี๊ ท อ ลู่ง ซองลี้ เซิงมึซ้ะมึ แบ โพล้ง ไย่ ซไบ้ะแซ เกม๊า อ ที๊ง ไจทาง ลู่ง ทพ้า ไย่ ซไบ้ะแซ นอ, ล โอ น่างแฌ้ แบ โพล้ง ไย่ ซไบ้ะแซ อ ลู่ง ซย้ะ เท่อ นอ, ก ดึ้ เกม๊า อเซ๊อคละ ล้า แบ

โยเอง 1:5

โพล้ง ม้า เท่อ ลแพ ซีง-เอ้อ, เกม๊า นางทาง ซ้ะ ดี๊ ฌางซย้ะ โพล้ง โอ้ไซ้ะโท่ง กุ้แฌ้-เอ้อ, เกม๊า ฌางล้างย้าล้าง เป๊งนี่ ลู่ง ไซ้ะ ซไบ้ะแซ ที๊ง ช๊า อกย้อง เมะเว๊ อ ม แบ ทแม้ ล้างเทาไฆวะ ดี๊ น ซื๊ง นุ้ เย้า