อีซยา 28:12 - Northern Pwo Karen Thai Bible

¹² เมะเว๊ ดี๊ โพล้ง ลแพ นอ พี่ กแช่แยว้ ไจ้ะเว๊ “อ อี้ง เก ท โอไปว้ะโอแซ เกม๊า ท โอไปว้ะโอแซ เอะ โพล้ง พี่ ทไปว้ะ อ ซ้ะ ดี๊ อ อี้ง เก ท โอไปว้ะโอแซ” ทึเมะ บี่นอ ฌี้ นอ, อ เว๊ ล คุ้ช๊องแน แบ

อีซยา 28:12 Referans Kwoze

อีซยา 30:15

อไฌ่บี่อี้ง, ทอดูทึโท๊ทึ กแช่ยาเว, เมะเว๊ อีซลาเอง อ กแช่แยว้ พี่ อฌี้อแอว้ ไคล้ ไจ้ะเว๊ บี่อี้ง “ลู่ง ท แกยไท้ซ้ะ ดี๊ โอโท๊ เฌิ่งเพิ่ง นอ, น ซื๊ง ซีง ลแพ ม พ้องพลิ้ ท โอกโช้ ไก้ไม่ ดี๊ ท อางกีล้างซ้ะ นอ, ม เก นไฌ่นแบ้ แบเด้าะ น ล ญ่อง แม้โพะ อ ไค๊ แบ

เยเรมี 6:16

กแช่ยาเว ไจ้ะเว๊ บี่อี้ง “เกม๊า ชี๊เทิง ลู่ง เกล้ อู้ง, ดี๊ แคว่-อ้ะ เมะ ฌี้ ดี๊ อางจ้ะ โค เกล้ เอะ อู้ง นอ บี่อี้ง, เกล้ ฌี้ โอ พี่จองเล้, ฌ้อง ลี้โพะ เกล้ นอ ดี๊ เกม๊า นเซิงนซ้ะ นี่แบ ทซยืงทบ้ะ แบเด้าะ อ ซื๊งเว๊ ซีง ลแพ ไจ้ะเว๊ บี่อี้ง, ‘ก ล โพะ เกล้ นอ แบ’

เซคารียา 7:14

ดี๊ ก เกม๊า อ เว๊ ที่มื่งที่พ้ะไฆวะ ดี๊ ลี้ง ทแม้อ้า อ ซ้ะ, ลู่ง โพล้ง กุ้ที๊งกุ้ค่าง, พี่ อ เว๊ ล ซีงแฌ๊ เว๊ แบ นอ อซุ้อแกล้ พ้า, ทบี่นอ, ที๊งล่างค่างพ้า พี่ อ ญ๊องไฆวะ เว๊ นอ, โอโปล้ก้ะ ล้อ, ท๊อง โพล้ง ล โอ นึฆ้าง ไจทาง น่างแฌ้ ล้า แบ, ดี๊ ที๊งล่างค่างพ้า พี่ ล้าง โอ นอ, เก ทล่าง โอโปล้ก้ะ เว๊ แด ล้อ”

เยเรมี 44:16

“ทไคล้ อ ฌ่าง พี่ น นี่ โล้ เอะ เฆ้อ ลู่ง กแช่ยาเว อเม้งอแซ พ้า นอ, ก ล คุ้ช๊องแน แน้ แบ

อีซยา 11:10

ล นี้ง แย๊ นอ, เจซี อฌี่งอเฌ้ พี่ ต๊างทาง เก ทแม้ไน เอะ โพล้ง กุ้ชื้อกุ้ชะ, ดี๊ อ เว๊ ม เก โพล้ง กุ้ชื้อกุ้ชะ อ ท อางฆื๊ง นี่, ดี๊ อ เว๊ อ ล่าง โอไปว้ะ ม ดูทางโท๊ทาง

ฮีบรู 12:25

ท บี่ นอ, พี่ กแช่ แยว้ โล้ เว้ เท่อ นอ ดุ้ น แน่ ดี๊-อ้ะ ไช้ะ, โพล้ง พี่ ล ดุ้ อ แน่ ดี๊ กแช่ แยว้ อ ท โล้ เว้ เท่อ, ลู่ง ฌางคู โคล๊ง คู อี้ง แบ นอ, พ้อง พลิ้ ล ซี แบ, เมะ บี่ นอ, ก เว๊ แด ก ม พ้อง พลิ้ ซี บี่ จะ เล้, ก เมะ แกย ไฆวะ ก ซ้ะ ดี๊ กแช่ แยว้ พี่ อ โอ ลู่ง มุ้คู นอ อ ท โล้ เว้

เซคารียา 7:11

แบเด้าะ อ ซื๊งเว๊ ซม๊า พี่ ม คุ้ช๊องแน เท่อ, อ เว๊ แน่ลู่แน่ตาง, ดี๊ วีงโด้งโคล๊งไฆวะ อ ซ้ะ, อ เว๊ ไซ้ะไบ้ะ อ แน่, บี่ซุ้ ม ล แน่ฌ๊า เท่อ แบ

2ทกวิ้ไน 14:11

ดี๊ อาซา นอ กุ้ทาง เท่อ ดี๊ กแช่ยาเว, เมะเว๊ อ กแช่แยว้ นอ ไจ้ะเว๊, “กแช่ยาเว-เอ้อ, ลู่ง ทดึ้ซึ้ พ้า พี่ โพล้ง โอ ดี๊ อไฌ่อแบ้, ดี๊ โพล้ง พี่ อไฌ่อแบ้ ล โอ แบ พ้า อี้ง นอ, โพล้ง แม้ช้า เฆ้อ ซี ด้องซุ้ ดี๊ แน้ ล โอ น่าง แฌ้ แบ, กแช่ยาเว เฆ้อ กุ้ แฌ้ ก กแช่แยว้-เอ้อ, เกม๊าเต้ น แม้ช้า เฆ้อ, เมะเว๊ เฆ้อ กุ้ แฌ้ นอ ก เปิ่ง แน้, เฆ้อ ซีงลแพ อี้ง, ก เฌ๊ ดึ้ซึ้ โละซ้ะ ดี๊ โพล้ง พี่ อ แอ ล มู๊ง อี้ง, ลู่ง น เม้ง น แซ, กแช่ยาเว-เอ้อ, แน้ น เก เฆ้อ กุ้ แฌ้ ก กแช่แยว้, เกม๊าเต้ กโพล้ง แม้น้า แน้ ล ฌี้ ไช้ะ”

อีซยา 32:17

ทแบกแช่แยว้อซ้ะ อ ทแม้ อซูงอแซ ม เก ทมึทพ้า ดี๊ ทแบกแช่แยว้อซ้ะ อซูงอแซ นอ, เมะเว๊ ทซยืงทบ้ะ ดี๊ ทอางกีล้าง ซ้ะ ล้างชู้ล้างแกย

อีซยา 32:18

โพล้ง ลชื้อฆ่าง ดี๊ แย้, ม เปิ่งโอเปิ่งช๊อง ทล่าง โอ ลู่ง อมึอพ้า ลู่ง เด้า อมึอพ้า พ้า, ดี๊ ทล่าง โอไปว้ะ อซยืงอบ้ะ พ้า

อีซยา 29:12

ดี๊ ท่อง อ เว๊ เกล๊าง เอะ โพล้ง ไละ พี่ พ้ะ เว๊ ล ซี แบ, ดี๊ ไจ้ะเว๊ บี่อี้ง, “อวีงซ้ะชู้ พ้ะ ไละ ล ปะ อี้ง”, อ เว๊ ไจ้ะ บี่อี้ง, “จ ล ซีงแฌ๊ ไละ แบ”