อีซยา 24:2 - Northern Pwo Karen Thai Bible

² ม กึทาง ดี๊ โพล้งลื่งเท่ออคู ลเม้งฆ่าง ดี๊ โพล้งเฌงพูฆ๊างพู กึทาง ดี๊ เซงคู แคว๊ ลเม้งฆ่าง ดี๊ อ ฆ่อง กึทาง ดี๊ เซงคู มืง ลเม้งฆ่าง ดี๊ เพล่ มืง กึทาง ดี๊ โพล้ง อางแช๊ เท่อ ลเม้งฆ่าง ดี๊ โพล้ง ฆวี้ เท่อ กึทาง ดี๊ โพล้ง อางล่อง เท่อ, ลเม้งฆ่าง ดี๊ โพล้ง เกม๊า อางล่อง เท่อ กึทาง ดี๊ โพล้ง ทางแม่ ลเม้งฆ่าง ดี๊ โพล้ง เก แม่ อ กแช่

อีซยา 24:2 Referans Kwoze

โฮเชยา 4:9

โพล้งลื่งเท่ออคู แม้ อ ซ้ะ บี่จะเล้ นอ, โพล้งเฌงพูฆ๊างพู ม แม้ อ ซ้ะ บี่นอ ล้อ ก ม แม้เตาแม้แต๊-อ้ะ, ลู่ง อ ทไพ้ะทแม้ อ เค้อะ อกย้อง ก ม แม้แกแม้ช๊า-อ้ะ บี่ซุ้ดี๊ อ ทไพ้ะทแม้ นอ ล้อ

ท​ฌางล้างย้าล้าง 4:13

เป๊งนี่ ลู่ง อ เว๊ อ โมไคล้คิ้เท่อ, อ ท เด้บ้ะ อกย้อง ดี๊ เป๊งนี่ ลู่ง อ เว๊ อ โพล้งลื่งเท่ออคู, อ ท เด้บ้ะ อกย้อง พี่ นี่ ดึ้ เกม๊า โพล้งแบกแช่แยว้อซ้ะ อ ซวีง แยว้ล้าง ลู่ง เว่ง อ ซ้ะแกล้ พ้า

เยเรมี 42:18

“เมะเว๊ กแช่ยาเว ซึ้คู ดูทึชองทึ, กแช่แยว้ ลู่ง อีซลาเอง ไจ้ะเว๊ บี่อี้ง, ‘ก นี่ ลู๊งล้าง ก ท เอ้งไน๊, ดี๊ ก ท ซ้ะทาง ล้าง แบ โพล้ง เยรูซเลง บี่จะเล้ นอ, น ซื๊ง เมะ ลี้ ลู่ง อีไย้ะ นอ, ก ม ลู๊งล้าง ก ท ซ้ะทาง ล้าง แบ น ซื๊ง บี่ นอ ล้อ, น ม เก ทชูอ้า พี่ อ ล้าง ซ้ะเมซ้ะไพล้, เก ทชูททื๊ง ดี๊ เก ท อางโกไจ้ะแบ, น ล นี่ แด แบ พี่อี้ง ล้า แบ’

เยเรมี 41:2

เนทานียา อ พู อีซมาเอง, ดี๊ โพล้ง อ แฌ้ ล ชี๊ง พี่ โอ ดี๊-อ้ะ นอ, เฌ้เทิงทาง แม้ซี๊งไฆวะ อาฮีคาง อ พู เกดาลียา, พี่ เก ชาฟาง อ พู, อ เว๊ เก โพล้ง พี่ กจุ้แฆว้ ลู่ง บาบีโลง นี่ ต๊างทาง เว๊ เกม๊า อ เก ทอดู ยู่แคว่ เท่อ ลู่ง ค่าง นอ ดี๊ น้ะ ท๊อง อ ซี๊ง ล้อ

อีซยา 5:15

กโพล้ง นอ แบ ทแม้ ล้างพือ, ดี๊ โพล้ง นอ ล้างไช้ะ ล้างย่อง ดี๊ โพล้ง ทื่งดู ล้าง ซ้ะ อ เมะคลี๊ง พ้า นอ, ล้างพือล้างปี๊

อีซยา 2:9

กโพล้ง ล้างไช้ะล้างย่อง ดี๊ โพล้ง นอ อ้าทางซ๊างทาง แพล่ไฆวะ อ ซื๊งเว๊ อ ท กแม ล ฌี้

2ทกวิ้ไน 36:20

ดี๊ โพล้ง พี่ อ พ้องพลิ้ไฆวะ ดี๊ น้ะ นอ, กจุ้แฆว้ กึ้ซยอง เว๊ เกม๊า ลี้ ลู่ง บาบีโลง พ้า, อ ซื๊งเว๊ซีง เก ทอฆ่อง แม้ เอะ เว๊ อ เท่อ, ดี๊ แม้ เอะ กเย่ กจุ้แฆว้ อ พู อ ลี้ง ลแพ นอ เท่อ, ท้อง ลู่ง เปอแซย อ มื่ง อ บ้าง อดู้งอยาง ดูทาง อ แค๊ นอ ล้อ

ทอคางไท้ะ 41:50

ล คลึ้ ท้อง เนง ท ซ้ะวี่งล้างดุ้ ได้ะ แบ นอ, โยซิ้ ดี๊ อ แม๊ น่าง อาเซนา, พี่ เก โปทีเฟรา โพล้งลื่งเท่ออคู อ พูมืง นอ, อ พูแคว๊ โอ คี๊ง แฌ้

อีซยา 24:3

ฌางคูโคล๊งคู ม โอโปล้ ก้ะ ดี๊ แบ ท ตมละ เลา เกล้งเน้ง เมะเว๊ กแช่ยาเว นี่ ไคล้ล้าง อลู่งอแท๊ อี้ง เย้า

อีซยา 28:7

อ ซื๊งเว๊ ล แพ อี้ง, ว้างมื่งว้างไร้ะไฆวะ ดี๊ ไซ้ะ ซไบ้ะแซ ที๊ง บี่ซุ้ โละซ้ะ ปะ ดี๊ เด้งเค๊งแดฆ้าง ดี๊ ไซ้ะที๊งมี่จ้าง โพล้งลื่งเท่ออคู ดี๊ โมไคล้คิ้กแช่แยว้ นอ, ว้างไร้ะว้างพาง ดี๊ ไซ้ะที๊งมี่จ้าง อ ซื๊งเว๊ ลแพ นอ, คูเยิ้งแน่เยิ้ง ดี๊ ไซ้ะ ซไบ้ะแซ ที๊ง อ เว๊ เด้งเค๊งแดฆ้าง ดี๊ ไซ้ะที๊งมี่จ้าง อ ซื๊งเว๊ แด ท แด เว้ ลเมะลโต้ แบ อ เว๊ บึ้ทะ ลู่ง ท ต้ะเซ๊ง พ้า

ท​ฌางล้างย้าล้าง 4:6

อไฌ่บี่อี้ง, จ โพล้ง เฌงพูฆ๊างพู อเตาอแต๊ นอ, ดู เละ เว่ง โซโดง อเตาอแต๊ ได้ะ พี่ อ แบ ท เคลิ่งล้าง ล ทีงฆ่าง พี่ โพล้ง ล โอ น่างแฌ้ แบ เฆาะ, อ จูง นี่ พองแบต้องแบ เว๊

ท​ฌางล้างย้าล้าง 4:16

กแช่ยาเว ล้อ, ดึ้ เกม๊า อ ซื๊งเว๊ ไจ ที่มื่งที่พ้ะไฆวะ กแช่แยว้ ม ล ควี๊งคูแกยแน่ ดี๊ อ ซื๊งเว๊ ล้า แบ เฆาะ อ ซื๊งเว๊ ล ทื๊งแบนะแบ โพล้งลื่งเท่ออคู ลแพ นอ แบ ล เนโพลทาง ท ย๊างซ้ะ ดี๊ โพล้งเม้งโพล้งแซย่ ลแพ นอ แบ