อีซยา 18:7 - Northern Pwo Karen Thai Bible

⁷ อช๊าอโท่ แค๊ นอ, โพล้ง อ ชื้อ พี่ โอ ดี๊ โพล้ง อ เค่งดูฌ้างโท๊ ดี๊ เกล้งเน้ง นอ, ม เฌ๊โชะ เท่อ เทว๊ เอะ กแช่ยาเว ซึ้คู ดูทึชองทึ, เมะเว๊ โพล้ง อ ชื้อ พี่ โพล้ง อ เบ้า ดี๊ อ ไย้ เลาพะ ยางแบ ซ้ะเม เว๊, อ เก โพล้ง กุ้ชื้อกุ้ชะ พี่ อชองอไคล๊ ดี๊ โอคุ้ แม้น้ะแม้โน๊ง เท่อ, พี่ อ ที๊งล่างค่างพ้า แบ ทอางน้าง พ้ะ ดี๊ ที๊งกล้อง, ดี๊ อ ซื๊งเว๊ ม เฌ๊ ลู่ง ทล่าง พี่ กแช่ยาเว ซึ้คู ดูทึชองทึ อเม้งอแซ, เมะเว๊ ลู่ง ทลู่ง ซีโยง

อีซยา 18:7 Referans Kwoze

เซฟางยา 3:10

โพล้ง พี่ กุ้ทาง เฆ้อ, ก โพล้ง น๊างมู๊ง พี่ อ ที่มื่งที่พ้ะไฆวะ นอ ม เฌ๊โชะ เอะ เฆ้อ ทเทว๊ โอนี่ ลู่ง ที๊งกล้อง คุ้ อ แว่โค๊แพ้ อู้ง

อีซยา 45:14

กแช่ยาเว ไจ้ะเว๊ บี่อี้ง “อีไย้ะ อคองอแซย้, ดี๊ โพล้ง คุ้ อ ทเละทแค้ เลา ดี๊ โพล้ง เซ่บา เค่งดูฌ้างโท๊ อ เท่อ นอ ม เฌ๊ฌูง แน้ ดี๊ เก น เท่อ อ ซื๊งเว๊ ม ไจ โพะ น ไค๊ อ เว๊ ม เฌ๊ฌูง แน้ ล พ๊าฆ่าง ดี๊ ทซุ้ทจ้า, ดี๊ แบ้ทาง แน้ อ ซื๊งเว๊ ม อางโฆอางแย๊ แน้ บี่อี้ง ‘กแช่แยว้ โอ ดี๊ แน้ เต้ๆ, เย้า, ดี๊ อ แฌ้แพ ล โอ ล้า แบ กแช่แยว้ อฌื๊งอแฌ้ ล โอ แบ’, ”

อีซยา 18:4

เมะเว๊ กแช่ยาเว ไคล้ ดี๊ แย้ บี่อี้ง ไจ้ะเว๊ “ก ม แคว่ กโช้ เท่อ โอ นี่ ลู่ง ก ล่าง เปิ่งโอเปิ่งช๊อง บี่ซุ้ดี๊ ทคู่ พี่ อ คู่เล้าคู่ล๊าง ลู่ง ทคู่ล้าง อ แกล้ บี่ซุ้ดี๊ ปช้างที๊ง อ ทไค้ะซวี๊ง, ลู่ง ท เก้านี่ ดิ้นี่ แค๊ อ ทคู่เล้า พ้า”

2ทกวิ้ไน 32:23

ดี๊ โพล้ง แอฌี่งแอฌ้อง แม้นี่ ทเทว๊, เฌ๊ เทว๊ เอะ กแช่ยาเว ลู่ง เยรูซเลง พ้า, ดี๊ แม้นี่ เท่อ พี่ อลื่งอฆวี้ โอ นอ, เฌ๊ เทว๊ เอะ เฮเซคียา กจุ้แฆว้ ค่าง ยูดา, ท๊องเต้ ล พ๊า แย๊ นอ อ เว๊ แบ ทอางปฆ้า-อ้ะ, ลู่ง โพล้ง กุ้ที๊งกุ้ค่าง อ เมะแซ พ้า

มาลาคี 1:11

กแช่ยาเว ซึ้คู ดูทึชองทึ ไจ้ะเว๊, ล โค๊ ลู่ง มื่งทาง ท้อง ลู่ง มื่ง ล้างนึ นอ, กเม้งกแซ ดูทึโท๊ทึ ลู่ง โพล้ง กุ้ชื้อกุ้ชะ ซีง ลแพ อซุ้อแกล้ พ้า ล้อ, ดี๊ อ เว๊ เทว๊ ทน๊าม๊า ดี๊ ทเทว๊ พี่ อฌี้อแอว้, เทว๊ เอะ กเม้งกแซ กุ้จองกุ้ไจ้, เมะเว๊ กเม้งกแซ นอ, อดูอโท๊ ลู่ง โพล้ง กุ้ชื้อกุ้ชะ อซุ้อแกล้ พ้า

มีคา 4:13

เกม๊า เฌ้เทิงทาง, ดี๊ เกม๊า ไย่ล้าง บืง แดเทา โอ้, ซีโยง อ พูมืง-เอ้อ เมะเว๊ ก ม แม้ น โน้ง, เกม๊า อ เก ท้ะ ดี๊ แม้ น คางมีงแท่, เกม๊า อ เก ท่องบ้าง ดี๊ น ม ไน้ะเน้า โพล้ง กุ้ชื้อกุ้ชะ แอฌี่งแอฌ้อง เก ทมูงทมวี๊ง ดี๊ ท พี่ อ ซื๊งเว๊ นี่ แบ เว๊ ลู่ง ออ้าอซ๊าง นอ, น ม อางกีล้าง เอะ กแช่ยาเว ดี๊ อ ซื๊งเว๊ อคองอแซย้ นอ, อางกีล้าง เอะ ทอดูทึโท๊ทึกแช่ ลู่ง ฌางคูโคล๊งคู เลาพะ

อีซยา 16:1

เกม๊า โซ๊งทาง แกะพู ลี้ ลู่ง โพล้ง โพะคอง ค่าง อ โอ โอนี่ เว่ง เซ่ลา ลี้ เกล้ ลู่ง แพะคูทเคแกล้ ลี้ ลู่ง ซีโยง อ พูมืง อ ทลู่ง

ม้ะทู 2:11

อซื๊งเว๊ซีง ลี้ ท้อง นึ ฆ้าง เด้า พ้า, แด แบ พืงแซ ดี๊ อ มู่ เมะ เว๊ น่าง มารียา, อ ซื๊ง เว๊ ไคล้ะ ล้าง อ คาง แบ้ ทาง พืงแซ, แม้ นี่ อ ท๊อง ดี๊ กางยาง ดี๊ โม๊เย้าะ ลู่ง อ ฆวี้ แค้ๆ, นอ, เทว๊ เอะ พืงแซ นอ ล้อ

อีซยา 18:2

พี่ โซ๊ง โพล้งไคล้เดิงเท่อ ลี้ ลู่ง ปางเล คู คลี๊ง ดี๊ ชีงเช๊บ้อง ลู่ง ที๊งคู เกม๊า น ลี้, โพล้งไคล้เดิงเท่อ พี่ อเพลอเพล้า-เอ้อ ลี้ ลู่ง โพล้ง ล ชื้อ อ โอ, พี่ อ เค่งดูฌ้างโท๊ ดี๊ เกล้งเน้ง ลี้ ลู่ง โพล้ง อ ชื้อ พี่ โพล้ง อ เบ้า อ ไย้ ยางแบ ซ้ะเม เว๊ โพล้ง กุ้ชื้อกุ้ชะ พี่ อชองอไคล๊ ดี๊ แม้น้ะแม้โน๊ง โพล้ง อ แฌ้แพ พี่ อ ที๊งล่างค่างพ้า แบ ทอางน้าง พ้ะ ดี๊ ที๊งกล้อง

ฮาบากุ้ 1:7

อ เว๊ เก โพล้ง อ มู๊ง พี่ ล้าง ซ้ะเมซ้ะไพล้, ดี๊ ล้าง ไพ้ะฆิ้โค๊ฆิ้ อ เว๊ ต๊างทาง ทเกิ้งทแบ, ดี๊ อ ทฆี๊งทแล้ แด เว๊

ทอางปฆ้า 68:32

กเย่ บ้างมื่ง ลู่ง ฌางคูโคล๊งคู-เอ้อ, เกม๊า ซ้ะอวีงแท๊ เทว๊ เอะ กแช่แยว้ เกม๊า ซ้ะอวีงแท๊ อางปฆ้าทาง ทอดูทึโท๊ทึ กแช่แยว้เซ่-ลา