อีซยา 14:6 - Northern Pwo Karen Thai Bible

⁶ พี่ ท่าง โพล้ง กุ้ชื้อกุ้ชะ ดี๊ ท ซ้ะทาง พ้ะดู ดี๊ ท ท่าง พี่ ล โอที่งโอโท๊ แบ พี่ ยู่แคว่ โพล้ง กุ้ชื้อกุ้ชะ ดี๊ ท ซ้ะทาง ดี๊ ท แม้น้ะแม้โน๊ง พี่ ล แม้ โอโท๊ไฆวะ อ จูง แบ

อีซยา 14:6 Referans Kwoze

ยาเก้า 2:13

อ ไฌ่ บี่ อี้ง, ลู่ง กแช่ แยว้ ต้ะเซ๊ง เท่อ โคะ นอ, อ เว๊ ล ย๊างซ้ะ แบ โพล้ง ลู่ง อ ท ย๊างซ้ะ ล โอ แบ นอ ล้อ, แบเด้าะ ท ย๊างซ้ะ นอ แม้ น้า แบ ท ต้ะเซ๊ง นอ ล้อ

เยเรมี 50:31

“ทอดูทึโท๊ทึกแช่ยาเว พี่ อ เก ซึ้คู ดูทึชองทึ นอ, ไจ้ะเว๊ บี่อี้ง โพล้ง อางกีทางโท๊ อ ซ้ะ-เอ้อ, อี้งเซ้อ, ก ม ดึ้ซึ้ โละซ้ะ ดี๊ แน้ อไฌ่บี่อี้ง, น มื่งนี้ง อช๊าอโท่ เฌ๊ ท้อง แน้ เย้า เมะเว๊ อช๊าอโท่ พี่ ก ม แม้เตาแม้แต๊ แน้

ดานีเอง 4:35

ลู่ง กแช่แยว้ อ ฌ่าง นอ, โพล้ง ฌางคูโคล๊งคู เลาพะ นอ ทื่ง-อ้ะ อลื่งอฆวี้ ล โอ แบ กแช่แยว้ แม้ เท่อ ท๊อง แบ อ ซ้ะ ลู่ง ซึ้พูมู๊ง ลู่ง มุ้คู อซุ้อแกล้ พ้า ดี๊ โพล้ง ฌางคูโคล๊งคู อซุ้อแกล้ พ้า ปะ โพล้ง แม้ โอโท๊ไฆวะ กแช่แยว้ อ จูง ล ซี น่างแฌ้ แบ ดี๊ โพล้ง อางจ้ะ กแช่แยว้ ล ซี น่างแฌ้ แบ ไจ้ะเว๊, “แม้ทเล้ น แม้ บี่อี้ง?”

เยเรมี 25:26

กเย่ กจุ้แฆว้ ลู่ง เว่ง มื่งเค๊ง ล โค๊, เลา ดี๊ อ ไย้ อ เบ้า พ๊า เว่งๆ, ดี๊ กเย่ บ้างมื่ง ลู่ง ฌางคูโคล๊งคู, พี่ อ โอ ฌางคูคู, ดี๊ กจุ้แฆว้ ลู่ง เชช้ะ ม โอ้ เว๊ ลู่ง กจุ้แฆว้ ลแพ อี้ง อ ล่างไค๊ ล้อ

เยเรมี 25:9

กแช่ยาเว ไจ้ะเว๊, ‘อี้งเซ้อ, ก ม กุ้ นี่ โพล้ง อ ชื้อ เลาพะ ลู่ง มื่งเค๊ง, ดี๊ ก เพล่ เนบูคาเนซา, กจุ้แฆว้ บาบีโลง, ดี๊ ก ม เฌ๊ฌ้า อ ซื๊งเว๊ ซีง ลแพ เฌ๊ ดึ้ ค่าง อี้ง, ดี๊ โพล้ง ลู่ง เว่ง อี้ง, ดี๊ กเย่ โพล้ง กุ้ชื้อกุ้ชะ ลแพ อี้ง, พี่ โอ วะชวะ, ก ม แม้เฌ๊ฌ้อง อ ซื๊งเว๊ ลแพ นอ เลาพะ, ดี๊ ก ม ดึ้ เกม๊า อ เว๊ เก ท ล้าง ซ้ะเมซ้ะไพล้, ดี๊ เก ทไคล้ ไฌ๊ซ้ะ, ดี๊ เก ท ญ๊องไฆวะ โอโปล้ ก้ะ ล้างชู้ล้างแกย

อีซยา 33:1

ท เซงทื่งเฌ๊ฌ้อง แบ แน้, พี่ แม้เฌ๊ฌ้อง เท่อ ดี๊ น กแช่ ล แบ ท แม้เฌ๊ฌ้อง แบ ท เซงทื่งเฌ๊ฌ้อง แบ แน้, โพล้ง กไบล้ะ กแบล ดี๊ โพล้ง กไบล้ะกแบล ดี๊ แน้ ล โอ น่างแฌ้ แบ พี่ น โอโท๊ไฆวะ ดี๊ ท แม้เฌ๊ฌ้อง นอ น ม แบ ท แม้เฌ๊ฌ้อง ดี๊ ท่อง น โอโท๊ไฆวะ ทแม้ กไบล้ะกแบล นอ อ ซื๊งเว๊ ซีง ลแพ ม กไบล้ะกแบล ดี๊ แน้

อีซยา 10:14

จ จูง ซไบล้ะ นี่ โพล้ง กุ้ชื้อกุ้ชะ ลแพ นอ อคองอแซย้ บี่ซุ้ดี๊ ซไบล้ะ นี่ ทูซวี๊ง ดี๊ ด้องซุ้ โพล้ง ฆี๊ นี่ ทู อ ดีง พี่ แบ ท ญ๊องไฆวะ บี่จะเล้ นอ จ อางกีซยอง ฌางคูโคล๊งคู เลาพะ บี่นอ ล้อ โพล้ง ล โอ แม้ว้ะ ทาง อ ได้ะ เฌ๊ ด้างทะ เว๊-อ้า อ้างทาง นุ้-อ้า, กุ้ซย้ะ อ ลู่ง เจ้าะแจ้ะ-อ้า น่างแฌ้ แบ”

ทอางด้อง 21:30

ทโกงซีมองแบ เมะ ฌี้, ท แนซีโน้งซี เมะ ฌี้ ทโล้แบซีงแฌ๊ เมะ ฌี้, ม แม้น้า กแช่ยาเว ลซีแบ

โยบา 9:13

“กแช่แยว้ ม ล แม้ โอโท๊ไฆวะ อ ทซ้ะทาง แบ ราฮ้ะ อ เพล่ อ บาง แบ โอ กโช้ ลู่ง กแช่แยว้ อดู้งอยาง เช๊ละ

2ทกวิ้ไน 36:17

เป๊งนี่ อ นอ, กแช่แยว้ เกม๊า กจุ้แฆว้ โพล้ง เคลเดีย เฌ๊ ดึ้ โละซ้ะ ดี๊ อ ซื๊งเว๊ซีง, กจุ้แฆว้ นอ แม้ซี๊ง อ ซื๊งเว๊ อ โพล้ง พืงแซ แคว๊ ดี๊ น้ะ, ลู่ง กแช่แยว้อล่างโอ พ้า, พี่ อ เก อ ซื๊งเว๊ อ ทแบ้แยว้ล่าง ลู่ง อฌี้ นอ, ดี๊ อ ซื๊งเว๊ ล ย๊างซ้ะ แบ โพล้ง น่างบางซ้ะบาง แคว๊, ดี๊ โพล้งมืงน้าง เช๊งเกล้ง, ดี๊ โพล้ง ซ้ะแซย่ น่าง เม้ง แบ, กแช่แยว้ อางกีล้าง อ ซื๊งเว๊ กุ้ แฌ้ ลู่ง กจุ้แฆว้ นอ อ จูง พ้า

อีซยา 14:5

กแช่ยาเว บุ้แค่ โพล้งอ้าโพล้งซ๊าง อ นางทุ้ โพล้ง ยู่แคว่ เท่อ อ นางทุ้บ้อง

ท​ฌางล้างย้าล้าง 1:21

อ ซื๊งเว๊ ซีง ลแพ, แน่ฌ๊า แบ เว๊ จ แซซยู บี่จะเล้ โพล้ง ล โอ อางเลว๊ แย้ น่างแฌ้ แบ กเย่ จดีงจแด้ นอ, แน่ฌ๊า แบฆ้ะ ดี๊ ท กึทาง อ ซ้ะ ลู่ง ออ้าอซ๊าง พี่ อ ล้าง แบ แย้ อ ซื๊งเว๊ ลแพ นอ, อ ซ้ะ มึ พี่ กแช่แยว้ แม้ เอะ แย้ บี่อี้ง อวีงซ้ะชู้, ท อช๊าอโท่, พี่ กแช่แยว้ โล้ล้าง เว้ เว๊ นอ, เกม๊า อ เฌ๊ ท้อง ดี๊ อ ซื๊งเว๊ ซีง ลแพ, ม เก ด้องซุ้ พี่ จ เก อี้ง ล้อ

ฮาบากุ้ 1:17

ฌ้อง อ เว๊ ม เท้าไฆวะ ท พี่ บึ้เบง อ ซยะ นอ เลาพะ ดี๊ แม้ซี๊ง โพล้ง กุ้ชื้อกุ้ชะ ลแพ นอ, ล โอ ดี๊ ท ย๊างเซิงย๊างซ้ะ แบ เว๊ แบ ครึๆ, ล้อ-อ้า?

ทอางด้อง 28:15

โพล้งอ้าโพล้งซ๊าง พี่ โพะคอง โพล้งเฌงพูฆ๊างพู, พี่ อน้ะอซยาง นอ บี่ซุ้ดี๊ คี๊ยื่ง กุ้ซย้ะ อ โคะ, ดี๊ ทซู๊ง ค่องคูง อ แชอาง นอ ล้อ

เยเรมี 48:17

กเย่ โพล้ง พี่ โอ วะ อฆูอฆ้อง นอ, เกม๊า อ ซ้ะ เฌ๊ฌ้อง ลู่ง อ เว๊ อกย้อง แดเทา เลา ดี๊ โพล้ง พี่ ซีงแฌ๊ อ เม้ง นอ ปะ เกม๊า อ ไคล้ บี่อี้ง, ‘นางเพ๊บ้อง พี่ โอ ดี๊ อดู้งอยางอซยื๊งอซย้องแอทึ นอ, แค่เทาไฆวะ เย้า เมะเว๊ นางทุ้บ้อง พี่ อดูอโท๊ นอ ล้อ’

ฮาบากุ้ 2:5

แอเละ อ นอ ได้ะ, ไซ้ะ ซไบ้ะแซ ที๊ง เก ท ซอึ้คูแช๊, อางกีล้าง ซ้ะ ล ซี แบ โพล้ง ทื่งดูล้างซ้ะ นอ, ล นี่ โอไปว้ะ ไก้ไม่ แบ อ โคะ นอ, อุ้พ้ะ อ ซ้ะ พ้ะเล่, ด้องซุ้ พลื่งค่าง ดี๊ อ เว๊ บี่ซุ้ดี๊ ทซี๊ง อ กแช่ พี่ ล ซีงแฌ๊ บลิ้อางบลิ้โอ้ แบ อ เว๊ แม้นี่ก้ะ โพล้ง กุ้ที๊งกุ้ค่าง, เฌ๊ ลู่ง อ ฌ่าง พ้า ฌ้อง อางกีซยอง โพล้ง กุ้ชื้อ เฌ๊ เกก้ะ อ เท่อ”