โฮเชยา 8:7 - Northern Pwo Karen Thai Bible

⁷ เป๊งนี่ อ เว๊ ฆวีงล้าง ลี้ง อ เว๊ แบ เก้านี่ไท้ ลี้ง ว้างไร้ะ บืง มื่งเทิง อ แซเชา ล โอ แบ แบซีงลู่ง เจ่-อ้ะ แม้ ฌื๊งไน้ะ ล ซี แบ ดี๊ ทึเมะ เจ่ แม้ ฌื๊งไน้ะ ซี ฌี้ นอ โพล้ง ลชื้อแด แม้นี่ อางก้ะ เว๊ ล้อ

โฮเชยา 8:7 Referans Kwoze

ทอางด้อง 22:8

โพล้ง พี่ ฆวีงล้าง ทอ้าทซ๊าง นอ, ม เก้านี่ดิ้นี่ เท่อ ออ้าอซ๊าง ดี๊ นางพลี ลู่ง อ ทดู้งทลู่ นอ, ม เลาไฆวะ

โยบา 4:8

พี่ จ แด แบ-อ้ะ นอ, กเย่ โพล้ง พี่ อ เท๊ทเด้เทาเด้บ้ะ ดี๊ โพล้ง พี่ อ วางล้าง ทน้ะทโน๊ง นอ, ม นี่ เก้า แบไท้ เท่อ อ นอ ล้อ

กาลาเต 6:7

อางโล๊ ล้าง น ซื๊ง ซ้ะ ล ฌี้, โพล้ง อางโล๊ กแช่ แยว้ ล ซี น่าง แฌ้ แบ, โพล้ง ฆวีง ล้าง ท คลี๊ง พี่ ล เม้ง เล้ นอ, ม นี่ เก้า เว๊ อ แซ ล เม้ง แย๊ นอ ล้อ

นาฮูง 1:3

กแช่ยาเว ซ้ะทาง โกย้, ดี๊ อดู้งอยางอซยื๊งอซย้อง ดูทึ กแช่ยาเว ล ทูแพล่ เกม๊า โพล้งไพ้ะโพล้งแม พ้องพลิ้ แบ กแช่แยว้ อ เกล้ โอ ลู่ง ลี้งเฌ๊ ว้างไร้ะ ดี๊ ลี้งเฌ๊ พ้า ดี๊ ทเอิง เก ทมูงทมวี๊ง ลู่ง กแช่แยว้ อ คาง

โฮเชยา 7:9

โพล้ง ลชื้อแด อาง อไฌ่อแบ้ แบเด้าะ อ เว๊ ล ซีงแฌ๊ ล้าง อ ซ้ะ แบ อ เว๊ อ คูซู๊ง แอว้ ล น้าง เย้า แบเด้าะ อ เว๊ ล ซีงแฌ๊ ล้าง อ ซ้ะ แบ

โฮเชยา 2:9

อกย้องบี่นอ, ก ม อางท่าง นี่ ไท้ บืง ท๊อง ท อว๊างอแค๊ ดี๊ อางท่าง นี่ ไท้ ไซ้ะ ซไบ้ะแซ ที๊ง ท๊อง ท อว๊างอแค๊ ดี๊ ก ม กุ้นี่ไท้ ก แกะ อ ชอง ดี๊ ลูง ไว้ะไก้ พี่ ก เกล๊าง เอะ-อ้ะ, บี่ซุ้ เจ่ เว๊ ซุ้ไบ้ะก้องไบ้ะ อล้องอย่าง พี่ โบลงโกง นอ

เยเรมี 12:13

อ ซื๊งเว๊ ลแพ นอ, ฆวีงล้าง บืง ซาลี, แบเด้าะ นี่ เก้า ไท้ ทชูง อ เว๊ แม้ เท่อ ท ไปว้ะ อ ซ้ะ, แบเด้าะ ล นี่แบอางแบ เท่อ น่างเม้ง แบ น ซื๊งเว๊ ซีง ลแพ, เกม๊า น ฌางแช้ ดี๊ น ท เก้า นี่ อซูงอแซ เป๊งนี่ ลู่ง กแช่ยาเว อ ท ซ้ะทาง พ้ะดู อกย้อง นอ”

อีซยา 66:15

เมะเว๊ แคว่เซ้อ, กแช่ยาเว ม เฌ๊ ดี๊ มี ดี๊ อ เลาะ ดึ้ซึ้ บี่ซุ้ดี๊ ลี้งเฌ๊ พ้ะดู บี่ซุ้ เนโพลทาง อ ท ซ้ะทาง พ้ะดู ดี๊ เนโพลทาง อ ท แม้น้าแม้ฆ่าง ดี๊ มี

อีซยา 17:11

ทึเมะ น แม้ เกม๊า อ เมทาง ล นี้ง แย๊ พี่ น เซิงล้าง-อ้ะ ดี๊ แม้ เกม๊า อ โพ๊ทาง ลู่ง โฌ้โค๊ ล นี้ง แย๊ พี่ น ฆวีงล้าง-อ้ะ ทึเมะ บี่นอ ฌี้ นอ, ท แม้นี่ อซูงอแซ นอ ม ไจคุ้ซูงไฆวะ เว๊ ลู่ง มื่ง ล นี้ง แย๊ ท เมะมองแน๊อึ้, ดี๊ ทแช๊ ทคลี พี่ แม้ ก้องแย่ ล ซี แบ

ทโกงซีมองแบ 5:16

อ อี้ง นอ, เก ท ออ้าอซ๊าง น้ะ, พี่ ล้าง ซ้ะ เฌ๊ฌ้อง ได้ะ, เมะเว๊ แด อ เว๊ เฌ๊ กึทาง บี่จะเล้ นอ, อ เว๊ แบ ไท้ บี่ นอ ล้อ, อ เว๊ ม นี่ แบ ทล้างเปิ่งล้างเอ้ง ทเม้งเล้ ลู่ง อ แม้ เท่อ น้ะ, บี่ซุ้ ล นี่แบ เท่อ น่างเม้ง แบ ล้อ?

2​กจุ้แฆว้ 15:29

ลู่ง เปคา กจุ้แฆว้ ค่าง อีซลาเอง อ ชู้ แค๊ นอ, ทีละปีเลเซอ กจุ้แฆว้ ค่าง อะซีเรีย เฌ๊ ดึ้นี่ก้ะ เว่ง อีโยง อาเบงเบมาอาคา, ยาโนอา, คาเดะ, ฮาโซะ, กีเลอา, กาลิ้ลี, ที๊งล่างค่างพ้า นาทาลี เลาพะ, ดี๊ พองนี่ โพล้งเฌงพูฆ๊างพู, ลี้ เก ทอฆ่อง ลู่ง อะซีเรีย พ้า

2​กจุ้แฆว้ 15:19

ทีละปีเลเซอ กจุ้แฆว้ ค่าง อะซีเรีย, เฌ๊ทาง ดึ้ซึ้ ที๊งล่างค่างพ้า นอ, ดี๊ เมนาเฮง เทว๊ เอะ ทีละปีเลเซอ อ จี้, ล ม๊า ตะลางบี่ซุ้ เกม๊า เว๊ อ เท่อ แม้ช้า-อ้ะ, อางกีเฌิ่งทะ อมื่งอบ้าง ซี ได้ะ

โล้​ล้างที๊ง​ทอางแม้เลา 28:33

โพล้ง อ ชื้อ พี่ น ล ซีงแฌ๊-อ้ะ น่างชุ้ แบ นอ, ม เฌ๊ อางก้ะ น ทซูงทแซ ทดุ้ทแล, ดี๊ อางก้ะ น จูงล่างคางคู, อ เว๊ ม แคแนแคแก้ แน้, ดี๊ ไย่เละค๊างพะ แน้ ครึๆ, ล้อ

กาลาเต 6:8

โพล้ง เมะ เกม๊า ท ล ฌี้ ล แอว้ แบ โอ แอ ทาง ลู่ง อ ซ้ะ พ้า, อ นอ, บี่ ซุ้ ฆวีง ล้าง ท คลี๊ง ล เม้ง ลู่ง อ โซ๊ง พ้า, อ แซ ม เก ทาง ท ซี๊ง ล้อ, แบเด้าะ โพล้ง เมะ แม้ เท่อ ไพ้ะ เท่อ ดี๊ วีง ฌี้ แล้ แอว้, อ นอ, บี่ ซุ้ ฆวีง ล้าง ท คลี๊ง ล เม้ง ลู่ง โซ๊ง พ้า, อ แซ ม เก ทาง ท ม๊า ล้างชู้ ล้างแกย ล้อ

อีซยา 55:2

แบทเล้ น ซื๊ง เจ่ จี้ ดี๊ ท พี่ ล เมะ ทอาง แบ? ดี๊ เจ่ จูงเล้งคางเล๊ ดี๊ ท พี่ เฆว๊เฌาเฆว๊ซ้ะ แบ? เกม๊า ควี๊งคูแกยแน่ คุ้ช๊องแน เฆ้อ, ดี๊ อาง ท อ ฌี้ ดี๊ เกม๊า น กแช่ ซ้ะอวีงซ้ะโทะ ดี๊ ทอาง ออวีงอช๊า

ท​ฌางล้างย้าล้าง 5:2

เฆ้อ ซีง ลแพ, กคองกแซย้ เกก้ะ โพล้ง ล ค่าง แด อ เท่อ เฆ้อ กเด้ากล่าง นอ, เก โพล้ง ล ชื้อ แด ลแพ นอ อ เท่อ

โฮเชยา 9:16

เอฟาอีง แบ ทแม้ เฌ๊ฌ้องไฆวะ เย้า อฌี่งอเฌ้ นอ ล้างไย้ะล้างไฆ๊ ไฆวะ อ ซื๊งเว๊ ซีง ลแพ ม ล โอ ดี๊ อซูงอแซ ล้า แบ ทึเมะ อ เว๊ ม กึทาง อ พู อ ลี้ง ฌี้ นอ ก ม แม้ซี๊งไฆวะ อ พู อ ลี้ง พี่ อ เอ เว๊ นอ ล้อ

ฮะไก 1:6

น ซื๊ง ฆวีงล้าง เท่อ แอ, แบเด้าะ น ดิ้อางเก้าอาง แซย้, น ซื๊ง อาง เท่อ, แบเด้าะ ล บลิ้อาง น่างชุ้ แบ, น ซื๊ง โอ้ เท่อ, แบเด้าะ นอ ท ซู๊ โอ้ ซ้ะ เท่อ ล โอโท๊ แบ, น ซื๊ง ซุ้เท่อก้องเท่อ, แบเด้าะ นอ ล ล้า แบ, โพล้ง พี่ นี่แบ จูงเล้งคางเล๊ นอ, นี่แบ เว๊ เฌ๊ไท้ ชวี๊งล้าง โทง พี่ โอ ดี๊ อ ไค๊พล๊อง

ทอคางไท้ะ 41:23

ดี๊ ก แด บืงแซ เนว๊ เชา เด้าะ, ซยุ้ทางก้ะ ลู่ง ไค๊, เก บืง ไย้ะ ซูไอ้ะ, ดี๊ ไฆ๊ท้ะ, เป๊งนี่ ลี้ง ลู่ง มื่งทาง ล โค๊ เฌ๊ อูง แบ-อ้ะ