โฮเชยา 7:4 - Northern Pwo Karen Thai Bible

⁴ อ เว๊ กุ้แฌ้ เก โพล้ง แม้ กแมมืง กแมแคว๊ อ เว๊ เก บี่ซุ้ดี๊ มีอ้า อ ล่าง, ฆู่งเม๊ง ท พี่ อ คู่เล้าคู่ล๊าง พี่ ซแล้ แม้ กู ซี ล แบ แม้เค้ ดูทาง มี แบ ล โค๊ ลู่ง ท แกย้ ฌื๊งไน้ะ, ท้อง ลู่ง ฌื๊งไน้ะ พู๊ลู๊ ทาง

โฮเชยา 7:4 Referans Kwoze

เยเรมี 9:2

จ ทล่าง โอไปว้ะ เมะ โอ, ลู่ง โพล้ง ลี้เท่อไท้เท่อ อ ฌ่าง โอ ลู่ง แพะคูทเคแกล้ นอ, ม ฌี้ เย้า บี่ซุ้ จ ม นี่ ไจแดไฆวะ โพล้ง ล ชื้อ ฆ่าง ดี๊ แย้ ดี๊ ไจ พ้องไฆวะ ดี๊ อ ซื๊งเว๊ ล้อ เป๊งนี่ อ ซื๊งเว๊ เลาพะ นอ, เก โพล้ง เอโบ้งเอพะ เท่อ ดี๊ เก โพล้ง น๊างมู๊ง พี่ อ เฌา กไบล้ะกแบล ล้อ

ยาเก้า 4:4

โพล้ง ล โต้ ดี๊ กแช่ แยว้ แบ-เอ้อ, น ล ซีงแฌ๊ แบ-อ้า, ท แม้ ซกุ้ ฌุ้พาง ดี๊ ฌางคู โคล๊ง คู อี้ง นอ, เมะ ท แช๊เมะ ไฌ๊ซ้ะ โละ ซ้ะ ดี๊ กแช่ แยว้, ท บี่ นอ, โพล้ง พี่ ล แฌ้ เล้ แบ ซ้ะ อ ซกุ้ ฌุ้พาง โละ อ ซ้ะ ดี๊ ฌางคู โคล๊ง คู อี้ง, โพล้ง ล แฌ้ นอ แช๊เมะ ไฌ๊ซ้ะ ดี๊ กแช่ แยว้ นอ ล้อ

โฮเชยา 4:12

กพูกลี้ง ลี้ อางท่าง นี่ ท ช๊องมอง ดี๊ ท พี่ อ แม้ เว๊ ดี๊ เซง ดี๊ นางยุ้บ้อง เก ท โล้เว้พ้ะเว้ เอะ อ เท่อ เป๊งนี่ วีงแล้ ลู่ง ท โละกวี้ เอโบ้งเอพะ เท่อ นอ, ลี้ฌ้า-อ้ะ เกม๊า อ เว๊ เฌ๊พลุ้ไฆวะ ดี๊ อ ซื๊งเว๊ ซีง ลแพ ญ๊องไฆวะ อ กแช่แยว้, บี่ซุ้ ลี้ โละกวี้ เอโบ้งเอพะ เท่อ

โฮเชยา 4:2

โอ ที่ ท ชูล้างซ้ะ, ท คีงอูงคีงตู๊ง, ท แม้ซี๊งแม้แช๊ โพล้ง, ท อางฌูงอางแบล, ดี๊ ท เอโบ้งเอพะ ท ลแพ อี้ง นอ, จฌะ ลี้ เฆ้ง พะ, โอ ดี๊ ท แม้ซี๊งแม้แช๊ ตบลึ้ คะ

1​โคเรง 5:6

พี่ น ซื๊ง อางปฆ้า ล้าง น ซ้ะ บี่ อี้ง นอ ล แบ แบ, น ซื๊ง แน่ฌ๊า แบ ท ไคล้ พี่ ไจ้ะ เว๊ กูมีง อ ซีง ล ปี๊ แม้ พู๊ ทาง กู ด๊าง ลอง แย๊

เยเรมี 23:10

เป๊งนี่ ค่าง นอ, โอ ฆวี้ ดี๊ โพล้ง แม้ กแมมืง กแมแคว๊ เป๊งนี่ ลู่ง ทชูอ้า อกย้อง, ค่าง นอ มองแบม้ะแบ เท่อ ดี๊ นาง ล่าง พ้ะเล่ ลู่ง แพะคูทเคแกล้ พ้า นอ, ไฆ๊ไฆวะ เว๊ ล้อ อ ซื๊งเว๊ ซีง ลแพ, อเกล้อพ้า นอ, ออ้าอซ๊าง ดี๊ อดู้งอยาง นอ, ลเกิ้งลแบ แบ

โฮเชยา 4:10

อ เว๊ ม อาง ม โอ้ เท่อ, แบเด้าะ ล ซีงแฌ๊ บลิ้อางบลิ้โอ้ แบ อ เว๊ ม โละกวี้ เอโบ้งเอพะ เท่อ, แบเด้าะ ซูงทางแซทาง ล แอ แบ เป๊งนี่ อ เว๊ ญ๊องไฆวะ กแช่ยาเว บี่ซุ้ ม ทูแพล่ ล้าง อ ซ้ะ โละกวี้ เอโบ้งเอพะ เท่อ

เยเรมี 9:1

จ คู เมะ เก ที๊ง อ ล่าง ดี๊ จ เมะคลี๊ง เมะ เก เมะที๊ง อ น๊างโบ้ นอ ม ฌี้ เย้า บี่ซุ้ จ ม นี่ ฌาง เลา มแช๊ ดี๊ เลา มแน้ เป๊งนี่ จพูจลี้ง แบ ท แม้ซี๊ง