โฮเชยา 4:18 - Northern Pwo Karen Thai Bible

¹⁸ ท่อง อ เว๊ ม้า เท่อ เย้า นอ, ทูแพล่ ล้าง อ ซ้ะ โละกวี้ เอโบ้งเอพะ เท่อ น้ะ มะ อ เว๊ เอ ท ฌางแช้ฌางเด, ดูเละ เอ อฆี๊งอแล้ ได้ะ

โฮเชยา 4:18 Referans Kwoze

มีคา 3:11

กเย่ เว่ง อี้ง อคูอแน่ นอ, ต้ะเซ๊ง บ้าคว่าง ดี๊ ท แด ที่ จี้ทไซ้ะไบ้ะนุ้ ดี๊ กเย่ โพล้งลื่งเท่ออคู นอ, ซองเท่อซ๊างเท่อ ดี๊ ท แด ที่ จูงเล้งคางเล๊ เลา ดี๊ กเย่ โมไคล้คิ้กแช่แยว้ นอ, พ้ะเว้ เท่อ ดี๊ ท แด ที่ จี้ ทึเมะ บี่นอ ฌี้ นอ, อ ซื๊งเว๊ เฆว้ง แบ กแช่ยาเว, ดี๊ ไจ้ะเว๊ บี่อี้ง “กแช่ยาเว โอ ลู่ง กซุ้กแกล้ ล เมะ แบ โบ่? ทเซงทื่งเฌ๊ฌ้อง ล โอ กึทาง ดี๊ เฆ้อ ซี น่างเม้ง แบ”

มีคา 7:3

อ เว๊ อ จูง คี๊งแพ้ นอ, แม้ ที่ ทอ้าทซ๊าง ซี ฌี้ มะ กดูกแซย่ ดี๊ โพล้งต้ะเซ๊งเท่อ นอ, อางท่าง นี่ จี้ทไซ้ะไบ้ะนุ้ ดี๊ โพล้งเม้งดูแซโท๊ นอ, ไคล้ แบฆ้ะ ดี๊ ท แบซ้ะ ลู่ง อ ซ้ะ พ้า อ ซื๊งเว๊ ล แฌ้ๆ, นอ, ไท๊ ท ลแพ อี้ง นึซยอง โละซ้ะ

อาโม 5:12

เมะเว๊ ก ซีงแฌ๊ น ท ลือค๊างพะ โอ ชี่แอเล้ ดี๊ น ทเด้บ้ะ แอชี่แอ เล้ น เก โพล้ง แม้น้ะแม้โน๊ง โพล้งแบกแช่แยว้อซ้ะ, น เก โพล้ง ฮะนี่ จี้ทไซ้ะไบ้ะนุ้ ดี๊ โฌ๊ไจทางไฆวะ โพล้ง ลกู้งลล๊า แบ ลู่ง ซ่าง พ้า

โฮเชยา 4:10

อ เว๊ ม อาง ม โอ้ เท่อ, แบเด้าะ ล ซีงแฌ๊ บลิ้อางบลิ้โอ้ แบ อ เว๊ ม โละกวี้ เอโบ้งเอพะ เท่อ, แบเด้าะ ซูงทางแซทาง ล แอ แบ เป๊งนี่ อ เว๊ ญ๊องไฆวะ กแช่ยาเว บี่ซุ้ ม ทูแพล่ ล้าง อ ซ้ะ โละกวี้ เอโบ้งเอพะ เท่อ

โฮเชยา 4:2

โอ ที่ ท ชูล้างซ้ะ, ท คีงอูงคีงตู๊ง, ท แม้ซี๊งแม้แช๊ โพล้ง, ท อางฌูงอางแบล, ดี๊ ท เอโบ้งเอพะ ท ลแพ อี้ง นอ, จฌะ ลี้ เฆ้ง พะ, โอ ดี๊ ท แม้ซี๊งแม้แช๊ ตบลึ้ คะ

เยเรมี 2:21

แบเด้าะ ก เซิงล้าง แน้ เก ซไบ้ะ มื่ง ลู่ง อ ฌี้ เก ซไบ้ะ อ ชื้อ เต้ๆ, เลาพะ ฌ้อง แบทเล้ น อ้าทางซ๊างทาง เว๊ ท๊อง น เกทาง ก้ะ ท อ ชื้อ อ แฌ้แพ ซี?

ทอางปฆ้า 47:9

กเย่ โพล้ง กุ้ที๊งกุ้ค่าง ซีงลแพ อ กดูกแซย่ เฌ๊ แพโซง โละอซ้ะ ลู่ง อ เก อาบราฮาง อ กแช่แยว้ อพูอลี้ง เมะเว๊ กเย่ ฌางคูโคล๊ง อ นางปด้าง นอ, เก กแช่แยว้ อ เท่อ กแช่แยว้ แบ ทอางปฆ้าทาง ลู่ง อดูอโท๊ ล้อ

1ซามูเอง 8:3

แบเด้าะ อ พูแคว๊ ลแพ อี้ง นอ, ล แม้นี่ อ เว๊ อดีงอด้อง แบ, อ ซื๊งเว๊ ไบล้ะกแด้ไฆวะ เท่อ, อางฆื๊งนี่ จี้ ลู่ง ท ล แบ แบ อ กย้อง, อ ซื๊งเว๊ อาง จี้ทไซ้ะไบ้ะนุ้, ดี๊ ไบล้ะกแด้ไฆวะ ทอเกิ้งอแบ

โล้​ล้างที๊ง​ทอางแม้เลา 16:19

แม้ เฌ๊ฌ้อง ท อเกิ้งอแบ ล ฌี้, เอน้าชางบ้า ท ล ฌี้, ฮะนี่ จี้ ทไซ้ะไบ้ะ นุ้ ล ฌี้, อไฌ่บี่อี้ง, จี้ ทไซ้ะไบ้ะ นุ้ นอ, ดึ้ เกม๊า โพล้งโอ ดี๊ ทโกงซีมองแบ อ เมะโบล, ดี๊ ไบล้ะกแด้ไฆวะ โพล้ง แบกแช่แยว้อซ้ะ อบ้าอคว่าง ล้อ

ทไจทางไฆวะ 23:8

แม้นี่ จี้ ทไซ้ะ ไบ้ะ นุ้ ล ฌี้, เมะเว๊ จี้ ลแพ อี้ง นอ, ดึ้ เกม๊า โพล้ง อ เมะ ฌี้ เกทางก้ะ โพล้ง อ เมะ โบล, ดี๊ แม้อ้าแม้ซ๊าง โพล้ง ลู่ง ทแบแยว้อซ้ะ นอ ซี ปะ ล้อ

ทอคางไท้ะ 38:24

โอก้ะ ลู่ง ไค๊ ซ๊า แล้ นอ, โพล้ง เฌ๊ โล้ เอะ ยูดา ไจ้ะเว๊, “น เด น่าง ทามา นอ, กแม แคว๊, แอเละ อ นอ ได้ะ, อ เว๊ ด้าทาง, ลู่ง ท กแม แคว๊ อกย้อง เย้า”, ยูดา อางแบเลา เท่อ ไจ้ะเว๊, “ไจทางฌ้า-อ้ะ ลู่ง อี้ง, เช้าซี๊งไฆวะ-อ้ะ เฆาะ”

โฮเชยา 9:10

ก แด อีซลาเอง บี่ซุ้ดี๊ แด ซไบ้ะแซ ลู่ง แพะคูทเคแกล้ พ้า ก แด น ซื๊ง พี๊งชู้พู๊งชู้ ลู่ง แย๊ อู้ง บี่ซุ้ดี๊ แด กูงเย้ แซ อ ต้องคู ล ว๊าง ลู่ง อ มื่งเทิง ล้อง พี่ ลพ๊าแย๊ แซทาง อ ต้องคู ล ว๊าง นอ แบเด้าะ อ เว๊ เฌ๊ฌูง ท กโช้งกแช่ บาอางเปโอ ดี๊ เทว๊ล้าง อ ซ้ะ เอะ ท พี่ อ ล้างไช้ะล้างย่อง นอ ดี๊ เกทางก้ะ ท ล้าง ซ้ะลูซ้ะไล้ะ ด้องซุ้ ท พี่ อ เอ เว๊ นอ

เอเซเคียง 16:15

“แบเด้าะ น อางกีล้าง ซ้ะ ลู่ง น ทฌี้ทแอว้ พ้า, ดี๊ น โละกวี้ เอโบ้ง เท่อ ลู่ง น เม้งลื้อแซท้อง อกย้อง, น เอโบ้ง เท่อ ดี๊ โพล้ง กุ้แฌ้ พี่ อ เฌ๊แพ๊ แน้, ดี๊ น เก โพล้ง ล แฌ้ นอ อ เท่อ ล้อ