โฮเชยา 12:2 - Northern Pwo Karen Thai Bible

² กแช่ยาเว โอบ้าโอคว่าง ดี๊ ยูดา ดี๊ ม แม้เตาแม้แต๊ ยาคุ้ บี่ซุ้ดี๊ อ ทไพ้ะทแม้ ดี๊ ม แม้แกไท้ เว๊ บี่ซุ้ดี๊ อ ทแม้ นอ ล้อ

โฮเชยา 12:2 Referans Kwoze

มีคา 6:2

ทลู่ง ซีง ลแพ นอ, เลา ดี๊ ฌางคูโคล๊งคู อ ฌี่ง คางไท้ะ พี่ อโก้งอคุ้-เอ้อ เกม๊า คุ้ช๊องแน กแช่ยาเว อบ้าอคว่าง ไช้ะ เมะเว๊ กแช่ยาเว โอบ้าโอคว่าง ดี๊ อพูอลี้ง ดี๊ กแช่แยว้ ม ไคล้บ้าไคล้คว่าง ดี๊ อีซลาเอง

โฮเชยา 4:1

โอ้, อีซลาเอง อชื้ออชะ-เอ้อ, เกม๊า คุ้ช๊องแน กแช่ยาเว อ ลู่งอแท๊ เมะเว๊ กแช่ยาเว โอบ้าโอคว่าง ดี๊ โพล้ง ลู่ง ที๊งล่างค่างพ้า นอ เป๊งนี่ ที๊งล่างค่างพ้า นอ, ทโต้ทล้อง ฌี้ ทเอทกวี้ง ฌี้, ท ย๊างเซิงย๊างซ้ะ ฌี้, ท ซีงแฌ๊ กแช่แยว้ ฌี้ นอ ล โอ แบ

อีซยา 10:6

ก เจ่ อ เว๊ ลี้ ดึ้ โพล้ง ล ค่าง พี่ ไจแดไฆวะ กแช่แยว้ ก อางแบเลา อ เว๊ เกม๊า อ ลี้ ดึ้ โพล้ง อ ชื้อ, พี่ ก ซ้ะทาง ดี๊-อ้ะ เกม๊า อ ลี้ แม้นี่ ท ลู่นี่ ดี๊ ซไบล้ะนี่ ท ตมละ นี่ ดี๊ เกม๊า อ ไย่เท่งไย่แพล้ ล้าง บี่ซุ้ดี๊ ไย่ กไพะ ลู่ง เกล้

กาลาเต 6:7

อางโล๊ ล้าง น ซื๊ง ซ้ะ ล ฌี้, โพล้ง อางโล๊ กแช่ แยว้ ล ซี น่าง แฌ้ แบ, โพล้ง ฆวีง ล้าง ท คลี๊ง พี่ ล เม้ง เล้ นอ, ม นี่ เก้า เว๊ อ แซ ล เม้ง แย๊ นอ ล้อ

โรมา 2:6

อ ไฌ่ บี่ อี้ง อ เว๊ ม เกล๊าง เอะ โพล้ง กุ้ แฌ้ อ เท่อ, พี่ อ เกิ้ง ดี๊ อ ท ไพ้ะ ท แม้

ม้ะทู 16:27

พี่ จ โล้ เท่อ อี้ง นอ, อ ไฌ่ บี่ อี้ง, โม่โคะ เด้าะ โพล้ง ฌางคู พู ม เฌ๊ ไท้ ดี๊ อ แพ่ อ ฆี๊ง อ แล้ อ โฌ่ง อ พ้าง ดี๊ อ มุ้คู พู, ล พ๊า แย๊ นอ โคะ, อ เว๊ ม เกล๊าง เอะ โพล้ง กุ้ อ แฌ้ อ บลึ้ อ บลาง-อ้า, อ เตา อ แต๊-อ้า, ฆวี๊ อ เกิ้ง ดี๊ ล แฌ้ๆ, อ ท แม้ นอ ล้อ

โฮเชยา 8:13

อ เว๊ เทว๊ เอะ เฆ้อ ทพูแฆ่ลื่งทางเท่อ ดี๊ อาง ทแย นอ ล้อ แบเด้าะ กแช่ยาเว ล แบ อ ซ้ะ ดี๊-อ้ะ แบ ค๊องเนงอี้ง, กแช่แยว้ ม นางแบทางไท้ อ ทไพ้ะทแม ดี๊ ม แม้เตาแม้แต๊-อ้ะ, เป๊งนี่ ลู่ง อ ทเด้บ้ะ อ กย้อง อ เว๊ ม ไท้ไท้ ลู่ง อีไย้ะ

โฮเชยา 4:9

โพล้งลื่งเท่ออคู แม้ อ ซ้ะ บี่จะเล้ นอ, โพล้งเฌงพูฆ๊างพู ม แม้ อ ซ้ะ บี่นอ ล้อ ก ม แม้เตาแม้แต๊-อ้ะ, ลู่ง อ ทไพ้ะทแม้ อ เค้อะ อกย้อง ก ม แม้แกแม้ช๊า-อ้ะ บี่ซุ้ดี๊ อ ทไพ้ะทแม้ นอ ล้อ

โฮเชยา 2:13

ก ม แม้เตาแม้แต๊-อ้ะ, ลู่ง มื่งนี้ง แม้ ท ไฌ่ ลื่งทาง ท กโช้งกแช่ บาอาง พี่ อ เว๊ เช้า ทน๊าม๊า ลื่งทาง ท กโช้งกแช่ นอ ฌ้อง ไต้ฆี๊ง ทาง อ ซ้ะ ดี๊ จูงไซ้ะ ดี๊ ทแมล่ ลู่ง อ ฆวี้ แค้ ดี๊ ลี้โพะ กเย่ โพล้ง พี่ อ เอ เว๊ นอ อ ไค๊ ดี๊ ซ้ะนางไฆวะ เฆ้อ, กแช่ยาเว โล้เว๊ บี่อี้ง ล้อ

เยเรมี 25:31

ลู่ง เซ๊ พ้ะดู ม ซ๊อง ลี้ เฆ้ง ฌางคู อ คี๊งทุ้ เมะเว๊ กแช่ยาเว โอบ้าโอคว่าง ดี๊ โพล้ง กุ้ชื้อกุ้ชะ ล้อ กแช่แยว้ นึฆ้าง ต้ะเซ๊ง ไพ้ะ แย เลาพะ แบเด้าะ โพล้งอ้าโพล้งซ๊าง นอ กแช่แยว้ ม กล้างซี๊งไฆวะ เว๊ ดี๊ น้ะ’ กแช่ยาเว โล้ เว๊ บี่อี้ง ล้อ

อีซยา 59:18

กแช่แยว้ ม แม้ช๊าไท้-อ้ะ, บี่ซุ้ดี๊ อ ทไพ้ะทแม้ นอ เมะเว๊ ซ้ะทาง พ้ะดู ดี๊ โพล้ง พี่ โอเว้งโอก๊าง ดี๊-อ้ะ, ดี๊ แม้แกไท้ อดีงอแด้ กแช่แยว้ ม แม้แกแม้ช๊าไท้ ที๊งล่างค่างพ้า ลู่ง ปางเล พ้าไท้ะ

อีซยา 24:21

โอ ก้ะ ลู่ง ไค๊ ล นี้ง แย๊ นอ, กแช่ยาเว ม แม้เตาแม้แต๊ กเย่ เท่อ พี่ อ โอ ลู่ง มุ้คู ลแพ นอ ดี๊ แม้เตาแม้แต๊ กเย่ ที๊งค่าง อ กจุ้แฆว้ ลู่ง ฌางคูโคล๊งคู

อีซยา 10:12

ท่อง ทอดูทึโท๊ทึ กแช่ แม้ อ ทไพ้ะทแม้ เลาพะ, ลู่ง ทลู่ง ซีโยง ดี๊ ลู่ง เยรูซเลง ฌ้องทางเกทาง เย้า นอ, กแช่แยว้ ม แม้เตา แม้แต๊ ท อางปฆ้า, เฌ๊นี่ ลู่ง อะซีเรีย อ กจุ้แฆว้ อ เซิงพ้าซ้ะพ้า ทื่งดูล้าง ซ้ะ, ดี๊ ท ชีอูพู๊ ล้าง ซ้ะ ลู่ง อ เมะคลี้ง แคว่แช้แคว่เด เท่อ

อีซยา 3:11

ท เซงทื่งเฌ๊ฌ้อง ม แบ โพล้งอ้าโพล้งซ๊าง, เมะเว๊ ทอ้าทซ๊าง ม กึทาง ดี๊-อ้ะ อไฌ่บี่อี้ง, อ เว๊ อ จูง นี่ แม้ เท่อ บี่จะเล้ นอ, ม แบ ทแม้ เอะ-อ้ะ บี่นอ ล้อ

โฮเชยา 9:9

อ เว๊ อ้าทางซ๊างทาง ล้างโยะ ลู่ง ทอ้าทซ๊าง พ้า แอ มะ ด้องซุ้ เว่ง กีเบอา อ ชู้ อู้ง ล้อ กแช่แยว้ ม นางแบทางไท้ อ ทไพ้ะทแม กแช่แยว้ ม แม้เตาแม้แต๊-อ้ะ ลู่ง อ ทเด้บ้ะ อกย้อง

โฮเชยา 7:2

แบเด้าะ อ เว๊ ล นางแบไท้ เท่อ ลู่ง อ ซ้ะ พ้า แบ บี่ อี้ง ก นางแบแย้แบ อ ทอ้าทซ๊าง ซี เลาพะ ค๊องเนงอี้ง อ ทไพ้ะทแม้ พ้องวะ ทะ-อ้ะ เย้า ทแม้ ลแพ นอ โอ ลู่ง ก เมะแซ พ้า

โฮเชยา 9:15

อ ทอ้าทซ๊าง กุ้เม้ง โอ ลู่ง กีลากาง พ้า ก แช๊เมะไฌ๊ซ้ะ ทางซ๊าง-อ้ะ พี่ นอ ก ม โฌ๊ไจทาง-อ้ะ ไจแดไฆวะ ก ล่างโอ พ้า เป๊งนี่ อ ทแม้ พี่ ออ้าอซ๊าง อกย้อง นอ ก ล เอ-อ้ะ ล้า แบ เฆาะ กเย่ อคูอแน่ นอ, โอ เว๊ ที่ โพล้ง กไบล้ะกแบล เลาพะ

อาโม 2:4

กแช่ยาเว ไจ้ะเว๊ บี่อี้ง “ลู่ง ยูดา อ ท ลือค๊างพะ พ๊าๆ, เย้า พ๊าๆ, เด้าะ อกย้องนอ ก ล ญ่อง ไบล้ะกแด้ไท้ ท แม้เตาแม้แต๊ แบ เป๊งนี่ อ ซื๊งเว๊ ซม๊า กแช่ยาเว อ ทอางแม้เลา ดี๊ ล นี่ แฌแซกต้าง กแช่แยว้ อ ท อเค้อะอต้าง แบ ดี๊ กเย่ อ ท กโช้งกแช่ ลเมะลโต้ แบ นอ, นี่ ลี้ฌ้า-อ้ะ บี่ซุ้ดี๊ อ ซื๊งเว๊ อ พี๊งชู้พู๊งชู้ ลู่ง แย๊ อู้ง, นี่ แม้โพะ เว๊ อ ไค๊ เย้า นอ ล้อ

2​กจุ้แฆว้ 17:4

แบเด้าะ กจุ้แฆว้ ค่าง อะซีเรีย, แด เว๊ โฮเชยา กไบล้ะ ดี๊-อ้ะ, เมะเว๊ โฮเชยา เจ่ทาง โพล้งไคล้เดิง เท่อ, ลี้ โอ โซ่ กจุ้แฆว้ ค่าง อีไย้ะ, ดี๊ ล ญ่อง โซ๊ง ทแบเกล๊าง เอะ กจุ้แฆว้ ค่าง อะซีเรีย, บี่ซุ้ อ แม้ เว๊ กุ้ เนงๆ, นอ ล้าแบ, อ กย้อง บี่นอ, กจุ้แฆว้ ค่าง อะซีเรีย เด้าทะ-อ้ะ, ดี๊ ซุ้ทะ เว๊ ลู่ง พ้อง พ้า

โยบา 15:2

“โพล้ง โอ ดี๊ ทโกงซีมองแบ ม ไคล้ช๊า เท่อ ดี๊ ทซีงแฌ๊ อซูงอแซ ล โอ แบ ดี๊ ชวี๊งล้าง ลี้ง ลู่ง มื่งทาง ล โค๊, ท่อง ฆวี้ อล้องอย่าง นอ เกิ้ง ชี่-อ้า?

ทอางปฆ้า 78:36

แบเด้าะ อซื๊งเว๊, อางโล๊ดุ้ กแช่แยว้ ดี๊ นุ้ ดี๊ อ พลี้ นอ, อซื๊งเว๊ คีงอูงแบ กแช่แยว้

ทโกงซีมองแบ 5:15

อ เว๊ กึทาง นี่ ลู่ง มู่ อ ฌู่โพ๊ง พ้า โอ โบลงโกง บี่จะเล้ นอ, อ เว๊ ม ไท้ไท้ ได้ะ บี่ซุ้ดี๊ นอ ปะ ล้อ, ดี๊ อ เว๊ ม แม้นี่ ทเม้งเล้, พี่ เก อ ทไพ้ะทแม้ น้ะ อซูงอแซ, ไท้โชะ เว๊ ล ซี น่างเม้ง แบ ล้อ

อีซยา 30:6

ทไคล้ พี่ อ ชอง แบฆ้ะ ดี๊ ทพูแฆ่ เม้ง ลู่ง เนเกะ ลี้ ลู่ง ที๊งล่างค่างพ้า ลู่ง ทน้ะทโน๊ง ดี๊ ซ้ะ เฌ๊ฌ้อง น้ะ ทล่าง พี่ คี๊ยื่ง มู่ ดี๊ คี๊ยื่ง แพ๊ เลา ดี๊ ฌู่ง พ้ะโท๊ ท่อง, ดี๊ ฌู่ง เมยาเซา อ ซื๊งเว๊ ลแพ นอ ต้างทาง อคองอแซย้ ลู่ง แลว้ อ โคล๊ง คู ดี๊ ต้างทาง อฆ้าอโฆ่ ลู่ง เอ้า อ บู้ง คู ลี้ ลู่ง โพล้ง ล ชื้อ พี่ ล ล้างเปิ่ง ดี๊-อ้ะ แบ

โฮเชยา 7:1

พี่ ก ม แม้ก้องแย่ ไท้ อีซลาเอง นอ เอฟาอีง อ ทไพ้ะทแม โพลทาง ล พ๊าฆ่าง ดี๊ ซมาเรีย อ ทอ้าทซ๊าง ล เม้ง แบ ล เม้ง อ ซื๊งเว๊ แม้ ท อางโล๊ไละ โพล้ง อางฌูง เท่อ นึฆ้าง เด้า พ้า ดี๊ โพล้ง ตมละตเช เท่อ นอ, ตมละ เท่อ โอ ลู่ง ค๊องโค๊

โฮเชยา 7:11

เอฟาอีง เก บี่ซุ้ดี๊ ทูลี่ง แอว้ เซ๊กูเฌ๊ฌ้อง ดี๊ ท ช๊องมอง ล โอ แบ อ เว๊ กุ้นี่ อีไย้ะ, ลี้ฌูง อะซีเรีย

โฮเชยา 8:9

อ เว๊ ลี้ฌูง อะซีเรีย ด้องซุ้ แลว้เม้ง พี่ ไจเจไจพ้ะ ล ดื้ง เอฟาอีง นี่ อางเล้ง ทาง โพล้ง พี่ อ เอ เว๊ เฌ๊

โฮเชยา 8:10

ทึเมะ อ เว๊ อางเล้ง ทาง โพล้ง กุ้ชื้อกุ้ชะ เก อ ฌุ้พาง เท่งซ้ะ ฌี้ นอ ล ไยะ แบ, ก ม กึ้ซยอง-อ้ะ อ เว๊ ล้างแซย้ ทาง ลู่ง กจุ้แฆว้ ท อคูอแน่ ซีง ลแพ อ ทอวีงทยุ้