ฮะไก 1:11 - Northern Pwo Karen Thai Bible

¹¹ ดี๊ ก กุ้นี่ ทซู๊งไฆ๊ เฌ๊ ลู่ง ที๊งล่างค่างพ้า, ดี๊ ทลู่งทจ้อง ลแพ นอ, เฌ๊ฌูง บืง, ไซ้ะ ซไบ้ะแซ ที๊ง อ ซ๊าง ดี๊ ทซู, เฌ๊ฌูง ทซูงทแซ ล เม้ง แบ ล เม้ง พี่ เฌ๊นี่ ดี๊ ฌางคู คู, เฌ๊ฌูง กโพล้ง ดี๊ ทพูแฆ่ ลื่งโด้ง, ดี๊ เฌ๊ฌูง ทไพ้ะทแม้ อซูงอแซ กุ้เม้ง พี่ แม้ เว๊ ดี๊ จูง นอ ล้อ”

ฮะไก 1:11 Referans Kwoze

ฮะไก 2:17

กแช่ยาเว ไจ้ะเว๊, ก ดึ้ น ซื๊ง, ดี๊ น ซื๊ง จูง อ ทไพ้ะทแม้ อซูงอแซ กุ้เม้ง, ลู่ง ท ดึ้ เกม๊า น บืง ล ช้ะ แบ ดี๊ ทางเอ้า, ดี๊ มื่งแซ, แบเด้าะ น ซื๊ง ซีง ลแพ ล เฌ๊ฌูง เฆ้อ แบ

โล้​ล้างที๊ง​ทอางแม้เลา 28:22

กแช่ยาเว ม พลี ม ท่าง แน้, ดี๊ ทล้างฆวี่ล้างบ้าง, ดี๊ ทแช๊ ช๊องไก้, ทเฌาพีงเฌาพลุ้, ทคู่เล้าคู่ล๊าง, ดี๊ น้ะ, ดี๊ พ้าล่าง ยุ้ทางพู๊ทาง, ดี๊ ท ทางเอ้าทางอี อ แฆ่, ดี๊ ท ลแพ อี้ง นอ, ม โพะตไล่ น ไค๊, ท้อง ลู่ง น เซงทื่งเฌ๊ฌ้องไฆวะ นอ ล้อ

2​กจุ้แฆว้ 8:1

เอลีชา โล้ เอะ กมืง, พี่ อ เว๊ แม้ ม๊า ทางไท้ เว๊ อ พู นอ ไจ้ะเว๊, “เกม๊า แน้ ดี๊ น โพล้ง เด้าคูล่างพ้า เฌ้เทิง ดี๊ ไจทางไฆวะ, ลี้ โอ-อ้ะ ลู่ง ทล่าง ล จอง พี่ น ม โอ ซี, เมะเว๊ กแช่ยาเว กุ้นี่ เกม๊า ทซ้ะวี่งล้างดุ้ โอทาง, ดี๊ ที๊งล่างค่างพ้า อี้ง, ทซ้ะวี่งล้างดุ้ ม โอ เนว๊ เนง”

1​กจุ้แฆว้ 17:1

เอลียา เก โพล้ง ทิ้บี โอ ลู่ง กีเลอา พ้า, อ เว๊ ไคล้ ดี๊ กจุ้แฆว้ อาฮะ ไจ้ะเว๊, “กแช่ยาเว โพล้ง อีซลาเอง อ กแช่แยว้, พี่ จ แม้ เอะ อ เท่อ ล แฌ้ นอ, โอม๊า ได้ะ บี่จะเล้ นอ, จ เมะ ล อางท่าง แบ นอ, ปช้าง ที๊ง ฌี้, ทเฌ๊ช้า ฌี้ ล โอ ลู่ง เนง ลแพ อี้ง อ แค๊ ล้าแบ บี่นอ ล้อ”

อาโม 9:6

กแช่แยว้ พี่ ไต้ทาง ท อ เช้า ท้ะโค๊ คะ ลู่ง ทมุ้คู ดี๊ อางกีล้าง มุ้คู คลึล้าง เว๊ ลู่ง ฌางคูโคล๊งคู กแช่แยว้ พี่ กุ้นี่ ที๊ง ปางเล เฌ๊ ฌ้อง ลู๊งล้าง ที๊ง นอ ลู่ง ฌางคูโคล๊งคู กแช่แยว้ อเม้งอแซ, เมะเว๊ กแช่ยาเว ล้อ

อาโม 7:4

ทอดูทึโท๊ทึกแช่ยาเว, เนโพลทาง เอะ แย้, อี้งเซ้อ, ทอดูทึโท๊ทึกแช่ยาเว, กุ้นี่ เกม๊า โอ ดี๊ ท แม้เตาแม้แต๊ ดี๊ มี, ดี๊ มี อาง เฌ๊ฌ้องไฆวะ ทโยะคิ้ ลู่ง ฌางคู เช๊ละ ดี๊ อางไฆวะ ฌางคูโคล๊งคู

อาโม 5:8

กแช่แยว้ พี่ ไต้ล้าง แซยโด้งมื่ง, ดี๊ แซย เท๊ พี่ เก โพล้ง เปลง ทไค้ะซ๊า, เกม๊า อ เก ทพ้างทาง โฌ้โค๊ ดี๊ ดึ้ เกม๊า มแช๊แค๊, ไค้ะซ๊า ด้องซุ้ ลู่ง มแน้แค๊ พี่ เก โพล้ง กุ้นี่ ที๊ง ปางเล เฌ๊ ดี๊ ลู๊งล้าง ที๊ง นอ, ลู่ง ฌางคูโคล๊งคู กแช่ยาเว, เมะเว๊ กแช่แยว้ อ เม้ง ล้อ

ท​ฌางล้างย้าล้าง 1:21

อ ซื๊งเว๊ ซีง ลแพ, แน่ฌ๊า แบ เว๊ จ แซซยู บี่จะเล้ โพล้ง ล โอ อางเลว๊ แย้ น่างแฌ้ แบ กเย่ จดีงจแด้ นอ, แน่ฌ๊า แบฆ้ะ ดี๊ ท กึทาง อ ซ้ะ ลู่ง ออ้าอซ๊าง พี่ อ ล้าง แบ แย้ อ ซื๊งเว๊ ลแพ นอ, อ ซ้ะ มึ พี่ กแช่แยว้ แม้ เอะ แย้ บี่อี้ง อวีงซ้ะชู้, ท อช๊าอโท่, พี่ กแช่แยว้ โล้ล้าง เว้ เว๊ นอ, เกม๊า อ เฌ๊ ท้อง ดี๊ อ ซื๊งเว๊ ซีง ลแพ, ม เก ด้องซุ้ พี่ จ เก อี้ง ล้อ

โยบา 34:29

พี่ กแช่แยว้ โอ กโช้ นอ, โพล้งเล้, ม ไคล้เตา กแช่แยว้ ซี? พี่ กแช่แยว้ อางกีซูงไฆวะ อ เมะ นอ, โพล้งเล้, ม แด กแช่แยว้ ซี? ทึ เมะ ม เก โพล้ง กุ้ที๊งกุ้ค่าง ฌี้, โพล้ง ล แฌ้ๆ, เมะ ฌี้

เยเรมี 14:2

“ยูดา มองแบม้ะแบ เท่อ ดี๊ กเย่ อ เว่ง ป้ะตู๊ง ลแพ นอ, อไฌ่อแบ้ ล้างแช่ อ โพล้ง เฌงพูฆ๊างพู นอ, ฌางล้างย้าล้าง ลู่ง ฌางคู คู ดี๊ เยรูซเลง อ ลู่ง กุ้ซย้ะ เท่อ นอ, เซ๊ทาง เว๊ ล้อ

มาลาคี 3:9

น ซื๊ง ซีง ลแพ, ม แบ ทชูอ้า ดี๊ ทไคล้ ชูอ้าชูซ๊าง, เป๊งนี่ น โกง กไบล้ะ เฆ้อ น๊างชื้อน๊างชะ

มาลาคี 3:11

ก ม แม้ไฆวะ เอะ แน้ ทวี่ ลแพ นอ, บี่ซุ้ ล แม้เฌ๊ฌ้อง น ทซูงทแซ ลู่ง ฌางคูคู แบ, ดี๊ ซไบ้ะแซ ลู่ง น โซ๊ง พ้า ล ล้างเทะ แบ, กแช่ยาเว ซึ้คู ดูทึชองทึ โล้ เว๊ บี่อี้ง ล้อ

ฮะไก 2:19

บืงแซ โอท๊าง ลู่ง พ๊าง พ้า ได้ะ โบ่?, ซไบ้ะ มื่ง, กูงเย้ มื่งเทิง, ดี๊ ม้างเกาะ อ มื่งเทิง, ดี๊ ไพ อ มื่งเทิง นอ, ล แซทาง ได้ะแบ-อ้า, ท๊อง ล นี้ง แย๊ อี้ง ท้อง ชู่งแย๊ นอ, ก ม ชูฌี้ชูแอว้ แน้”