ทไจทางไฆวะ 9:16 - Northern Pwo Karen Thai Bible16 แบเด้าะ พี่ จ เกม๊า น โอม๊า ได้ะ อี้ง นอ, บี่ซุ้ น ม แด จ ดู้ง จ ยาง, ดี๊ จ เม้ง จ แซ ม แบ ทโล้ล้าง-อ้ะ เฆ้ง ฌางคูโคล๊งคู นอ ล้อ Gade chapit la |
อ ไฌ่ บี่ อี้ง โพล้ง แบ ล แฌ้ๆ, เฌ๊ นึ ฆ้าง ลู่ง ก แกล้, แบเด้าะ ก ล คลึ้ แคว่ ที๊ง-อ้ะ แบ, โพล้ง ล แพ นอ ล ชู่ง กแช่ แยว้ แบ, อซื๊งเว๊ เปลง ไฆวะ ท ไฌ่, แบฆ้ะ ดี๊ กแช่ แยว้ อ โก้ง อ โบ้ง อ บลึ้ อ บลาง, บี่ ซุ้ ม แม้ เท่อ ลู่ง อ ล้างลุ้ ล้างเช้ ซี, ดี๊ ล ทื๊ง ล นะ กแช่ เยซู คริ้ พี่ อ เก ก กแช่ ล แฌ้ ล้อ นอ ล้า แบ, ไละ ฌี้ ไละ แอว้ โล้ เว้ เว๊ ไยะ เย้า, แบฆ้ะ ดี๊ อซื๊งเว๊ อ เตา อ แต๊ อี้ง นอ
กแช่ยาเว ซึ้คู ดูทึชองทึ ไจ้ะเว๊, โพล้ง แฌ้ฌี้ๆ, พี่ อ ทพูแฆ่ แพ๊ โอ อ ฌุ้พาง น๊างมู๊ง พ้า, ดี๊ นี่ อืงล้าง เว้ เท่อ, ดี๊ แม้นี่ ทพูแฆ่ พี่ ลฌี้ลแอว้ แบ, ลี้ เทว๊ เอะ ทอดูทึโท๊ทึกแช่ นอ, เกม๊า ทชูอ้า ล้าง โอ ดี๊ โพล้ง กไบล้ะกแบล นอ, อไฌ่บี่อี้ง, ก เก กจุ้แฆว้ ดูทึโท๊ทึ, ดี๊ กเม้งกแซ เก ท ยางแบซ้ะเม ลู่ง โพล้ง กุ้ชื้อกุ้ชะ ซีง ลแพ อซุ้อแกล้ พ้า ล้อ
ดี๊ กแช่แยว้ แม้ ทแม้ไน ดี๊ ทล้ะทเล่, ดึ้ซึ้ ฟาโร ดี๊ อ กดูกแซย่ เลาพะ, ดี๊ โพล้งเฌงพูฆ๊างพู เลาพะ, ลู่ง ฟาโร อ ที๊งล่างค่างพ้า เมะเว๊ กแช่แยว้ ซีงแฌ๊ เว๊ บี่อี้ง, อ ซื๊งเว๊ นี่ แม้ เท่อ ทื่งดูล้างซ้ะ, ดี๊ เฆ้อ ซีงลแพ ก พี๊ง ก พี๊ง ลู่ง แย๊ อู้ง, ดี๊ กแช่แยว้ อ เม้งลื้อแซท้อง, ด้องซุ้ กุ้ มื่งนี้ง อี้ง ล้อ
โพล้ง ลู่ง ฌางคูโคล๊งคู อี้ง, ม แบด้อง น พู น ลี้ง เมะเว๊ โพล้ง อีซลาเอง นอ, ล โอ น่าง ชื้อ แบ?, พี่ กแช่แยว้ ลี้ เทะนี่ไท้-อ้ะ, ม๊า เก อ พู อ ลี้ง, บี่ซุ้ ม เกม๊า อ เม้ง แบ ทล้าง ยางแบซ้ะเม, บี่ซุ้ แม้ เท่อ พ้ะดู พ้ะโท๊ ดี๊ ล้าง ซ้ะเม, ดี๊ อ ที๊งล่างค่างพ้า อ ฌ่าง, ลู่ง อ พู อ ลี้ง อ เมะแซ พ้า, พี่ กแช่แยว้ เทะนี่ไท้ เว๊ ลู่ง ค่าง อีไย้ะ พ้า, ลู่ง กเย่ โพล้ง กุ้ที๊งกุ้ค่าง, ดี๊ กเย่ อ ซื๊งเว๊ อ ทกโช้งกแช่ ลแพ นอ