เอซเทอ 7:3 - Northern Pwo Karen Thai Bible3 น่าง เอซเทอ ไคล้ช๊า-อ้ะ ไจ้ะเว๊, “จ กจุ้แฆว้-เอ้อ, จ เมะ เก เท่อ ลู่ง แบเมะล้างซ้ะ แน้ นอ, ดี๊ เก ลู่ง อ แบ น ซ้ะ นอ, เกล๊าง เอะ แย้ จ ทโอม๊า บี่ซุ้ดี๊ จ ทกุ้นี่ นอ, ดี๊ อางกี โพล้ง ล ชื้อ ฆ่าง ดี๊ แย้ อ ทโอม๊า, บี่ซุ้ดี๊ จ ทอางท่าง ไช้ะ Gade chapit la |
เอซเทอ 7:3
9 Referans Kwoze
โมเดไค นี่ เกล๊าง ไละกวิ้ไน ทอางแบเลา เท่อ อเตว่, พี่ กวิ้ เว๊ ลู่ง ซูซา พ้า, อางแบเลา เกม๊า แม้ เฌ๊ฌ้อง อ ซื๊งเว๊, บี่ซุ้ เกม๊า ฮาทา ลี้ เนโพลทาง เอะ น่าง เอซเทอ, ดี๊ อางโล๊ไท้ ทไฌ่ นอ เอะ เว๊, เลา ดี๊ โล้ เอะ น่าง เอซเทอ เกม๊า อ ลี้ฆ้าง โอ กจุ้แฆว้, บี่ซุ้ อางท่าง ไฌะเฌา กจุ้แฆว้, ดี๊ อางโฆอางแย๊ เว๊ ลู่ง โพล้ง ล ชื้อ ฆ่าง ดี๊-อ้ะ อ ฌ่าง
ฌ้อง กจุ้แฆว้ อางแบเลา โพล้ง แคว่ทะ โพล้ง แม้ เท่อ ซ๊า แฌ้ ล แฌ้ นอ, ลี้ ดี๊ อ ซึ้พู เย่ ชี๊ง แฌ้, ฌ้อง โพล้ง แคว่ทะ โพล้ง แม้ เท่อ ซ๊า แฌ้ ล แฌ้ นอ ลี้ทาง, ดี๊ ไคล้ะล้าง อ คาง ลู่ง เอลียา อ เมะแซ พ้า, ดี๊ อวีงซ้ะชู้ เว๊ ไจ้ะเว๊, “โพล้ง กแช่แยว้ เว๊-เอ้อ, เกม๊าเต้ จ ทโอม๊า, ดี๊ น เพล่ เย่ ชี๊ง แฌ้ เด้าะ อี้ง อ ทโอม๊า นอ, เก เท่อ อ ฌี้ ลู่ง น เมะแซ พ้า ไช้ะ
ดี๊ กเย่ เบงฮาดะ อ กดูกแซย่ โล้ เอะ-อ้ะ ไจ้ะเว๊, “แคว่เซ้อ, ก แน่ฌ๊า บี่อี้ง, กเย่ กจุ้แฆว้ ลู่ง โพล้ง อีซลาเอง อชื้ออชะ พ้า นอ, เก กจุ้แฆว้ พี่ อ ย๊างซ้ะ แบ เท่อ, เกม๊า ก แม้นี่ ตไก้ยะ กเซ้าะ เราทาง ย่างเด้ง, แม้นี่ พลี้ง ไบ้ทาง ก คู, ฌ้อง ไจทาง ลี้ฌูง กจุ้แฆว้ ค่าง อีซลาเอง, แบซีงลู่ง อ เว๊ ม อางกี ม๊า แน้ ได้ะ”
อ เว๊ โล้แบ เว๊ ไจ้ะเว๊, “เมะ เก เท่อ พี่ แบ กจุ้แฆว้ อ ซ้ะ, ดี๊ แย้ จ เมะ เก เท่อ พี่ อ แบเมะล้างซ้ะ ลู่ง น เมะแซ พ้า, ท ล เม้ง นอ เมะ แบเมาะ เกิ้งด้าง ลู่ง น เมะแซ พ้า, ดี๊ แย้ จ เมะ เก เท่อ พี่ อ แบเมะล้าง ซ้ะ ลู่ง น เมะแซ พ้า นอ, เกม๊าเต้ โอ ดี๊ ทกวิ้ทางไละ, อางแบเลา เกม๊า เปลงไฆวะ ทไคล้ ลู่ง ไละกวิ้ยื่ง พ้า, พี่ ฮางเมดาทา อ พู ฮามาง โพล้ง อาก้ะ ช๊องมองทาง เว๊ ดี๊ กวิ้ทาง เว๊, บี่ซุ้ ม แม้ เฌ๊ฌ้อง โพล้ง ยู, พี่ โอ กจุ้แฆว้ อ เว่งดูคล๊องโท๊ พ้า เลาพะ ลแพ นอ
Piblisite