เอซเทอ 3:13 - Northern Pwo Karen Thai Bible

¹³ เกม๊า โพล้ง โชะไละ, ลี้ โชะ ไละกวิ้ยื่ง ลแพ อี้ง, ลู่ง กจุ้แฆว้ อ เว่งดูคล้องโท๊ พ้า กุ้ จอง, อางแบเลา เกม๊า แม้ เฌ๊ฌ้อง, แม้ซี๊ง, ดี๊ แม้ ล้างเทาไฆวะ โพล้ง ยู เลาพะ, เลา ดี๊ อ บาง อ แซย่, เลา ดี๊ พืงแซ ดี๊ กมืง ล นี้งฆ่าง นอ, เมะเว๊ มื่ง ชี๊งซ๊า นี้ง ล นี้ง แล้ ชี๊งคี๊ง เบง ล เบง พ้า, เมะเว๊ แล้ อาดา, ดี๊ เกม๊า ลู่นี่ก้ะ อ ซื๊งเว๊ ลแพ นอ อฆ้าอโฆ่ ปะ

เอซเทอ 3:13 Referans Kwoze

เอซเทอ 9:10

เมะเว๊ อ ซื๊งเว๊ นี่ แม้ซี๊ง โพล้ง ยู อดีงอแด้, ฮางเมดาทา อ พู ฮามาง นอ อ พูแคว๊ อ แฌ้ ล ชี๊ง นอ, แบเด้าะ ล ตมละนี่ เว๊ อ ทฆ้าทโฆ่ แบ

2ทกวิ้ไน 30:6

โพล้ง โชะ ไละ นอ ลี้ เฆ้ง อีซลาเอง พ้า ดี๊ ยูดา พ้า, บี่ซุ้ดี๊ กจุ้แฆว้ อ ทอางแบเลา นอ, อ ซื๊ง โชะ ดี๊ กจุ้แฆว้ ดี๊ อ กดูกแซย่ นอ อ ไละ, พี่ อ ไจ้ะเว๊, “โอ้ โพล้ง อีซลาเอง อ พู อ ลี้ง-เอ้อ, เฌ๊ไท้ฌูง ไท้ กแช่ยาเว อาบราฮาง, อีซาฮ้ะ, ดี๊ อีซลาเอง อ กแช่แยว้, บี่ซุ้ อ เว๊ ม แกยไท้ อ ซ้ะ, เฌ๊ ลู่ง น โพล้ง พี่ ล้างลื๊อก้ะ ลแพ นอ อ โอ, เมะเว๊ โพล้ง พี่ อ ไจ พ้องไฆวะ ดี๊ กเย่ กจุ้แฆว้ อะซีเรีย ลแพ นอ อ จูง

1ซามูเอง 15:3

ค๊องเนงอี้ง, เกม๊า น ลี้ ดึ้ซึ้ โพล้ง อามาเละ, ดี๊ แม้เฌ๊ฌ้อง ทกุ้ อ เม้ง ฆวี๊ อ ซื๊งเว๊ อ เท่อ โอ นอ, ย๊างซ้ะ แบ-อ้ะ ล ฌี้, แม้ซี๊ง-อ้ะ เลา ดี๊ อ มืง อ แคว๊, เลา ดี๊ พืงแซ ปี๊ ดี๊ พืงแซ พี่ อ อาง นู่ง ได้ะ, เลา ดี๊ งู้, แกะ, เอ้า, ดี๊ แลว’, ”

ยาเก้า 2:13

อ ไฌ่ บี่ อี้ง, ลู่ง กแช่ แยว้ ต้ะเซ๊ง เท่อ โคะ นอ, อ เว๊ ล ย๊างซ้ะ แบ โพล้ง ลู่ง อ ท ย๊างซ้ะ ล โอ แบ นอ ล้อ, แบเด้าะ ท ย๊างซ้ะ นอ แม้ น้า แบ ท ต้ะเซ๊ง นอ ล้อ

โรมา 3:15

อซื๊งเว๊ เพล ลู่ง ท แม้ ซี๊ง แม้ แช๊ เท่อ

เยเรมี 51:31

โพล้ง ซยู๊ เพล ล แฌ้, ลี้ ซยู๊ ต้องนอง โพล้ง ซยู๊ เพล ล แฌ้ เด้าะ โพล้งไคล้เดิงเท่อ ล แฌ้, ลี้ ซยู๊ ต้องนอง โพล้งไคล้เดิง เท่อ ล แฌ้ เด้าะ บี่ซุ้ โล้ แบ กจุ้แฆว้ ลู่ง บาบีโลง บี่อี้ง น เว่ง แบ ท แม้นี่ก้ะ กุ้ แพ้ เย้า

อีซยา 10:6

ก เจ่ อ เว๊ ลี้ ดึ้ โพล้ง ล ค่าง พี่ ไจแดไฆวะ กแช่แยว้ ก อางแบเลา อ เว๊ เกม๊า อ ลี้ ดึ้ โพล้ง อ ชื้อ, พี่ ก ซ้ะทาง ดี๊-อ้ะ เกม๊า อ ลี้ แม้นี่ ท ลู่นี่ ดี๊ ซไบล้ะนี่ ท ตมละ นี่ ดี๊ เกม๊า อ ไย่เท่งไย่แพล้ ล้าง บี่ซุ้ดี๊ ไย่ กไพะ ลู่ง เกล้

โยบา 9:25

“จ มื่ง นี้ง มื่ง แน้ เพลเละ โพล้ง ซยู๊ ได้ะ อ ไจคุ้ซูงไฆวะ, อ ล แด ทอฌี้ น่าง เม้ง แบ

เอซเทอ 7:4

เมะเว๊ เฆ้อ ซีงลแพ อี้ง, ก แบ ทอางแช๊-อ้ะ, เลา ดี๊ แย้, ดี๊ โพล้ง ล ชื้อฆ่าง ดี๊ แย้, เกม๊า แบ ทแม้ ล้างเทาไฆวะ, เกม๊า แบ ทแม้ซี๊ง, ดี๊ เกม๊า แบ ทแม้ ล้างเทาไฆวะ, เฆ้อ ซีงลแพ เมะ แบ ทอางแช๊, เมาะเว๊ เกม๊า ก เก ฆ่องมืง ดี๊ ฆ่องแคว๊ นอ, จ ล อิ้ทาง จ นุ้ แบ, เมะเว๊ ทน้ะทโน๊ง เมาะ อี้ง นอ, อางเพ๊งล้าง ดี๊ กจุ้แฆว้ อ ทเซงทื่งเฌ๊ฌ้อง ล ซีแบ>>

1ซามูเอง 22:19

ดี๊ อ เว๊ แม้ซี๊ง โพล้ง เว่ง โน้ะ, พี่ อ เก โพล้งลื่งเท่ออคู อ เว่ง นอ ดี๊ น้ะ, แม้ซี๊ง เว๊ เลา ดี๊ โพล้ง มืง โพล้ง แคว๊, พืงแซ, ดี๊ พืงแซ พี่ อ อางนู่ง ได้ะ, งู้, แลว้, ดี๊ แกะ นอ ดี๊ น้ะ

เอซเทอ 8:5

อ เว๊ โล้แบ เว๊ ไจ้ะเว๊, “เมะ เก เท่อ พี่ แบ กจุ้แฆว้ อ ซ้ะ, ดี๊ แย้ จ เมะ เก เท่อ พี่ อ แบเมะล้างซ้ะ ลู่ง น เมะแซ พ้า, ท ล เม้ง นอ เมะ แบเมาะ เกิ้งด้าง ลู่ง น เมะแซ พ้า, ดี๊ แย้ จ เมะ เก เท่อ พี่ อ แบเมะล้าง ซ้ะ ลู่ง น เมะแซ พ้า นอ, เกม๊าเต้ โอ ดี๊ ทกวิ้ทางไละ, อางแบเลา เกม๊า เปลงไฆวะ ทไคล้ ลู่ง ไละกวิ้ยื่ง พ้า, พี่ ฮางเมดาทา อ พู ฮามาง โพล้ง อาก้ะ ช๊องมองทาง เว๊ ดี๊ กวิ้ทาง เว๊, บี่ซุ้ ม แม้ เฌ๊ฌ้อง โพล้ง ยู, พี่ โอ กจุ้แฆว้ อ เว่งดูคล๊องโท๊ พ้า เลาพะ ลแพ นอ

เอซเทอ 9:1

ลู่ง มื่ง ชี๊งซ๊า นี้ง ล นี้ง, แล้ ชี๊งคี๊ง เบง ล เบง พ้า, เมะเว๊ แล้ อาดา, มื่ง ล นี้ง แย๊ พี่ ม แม้โพะ กจุ้แฆว้ อ ทอางแบเลา, ดี๊ อ ไละอางแบเลา เท่อ อ ไค๊, ล นี้ง แย๊ นอ ล้อ, พี่ โพล้ง ยู อดีงอแด้ มื้งแล่ เว๊, ม โอ ดี๊ อดู้งอยาง ดูเละ โพล้ง ยู, แบเด้าะ เกทางก้ะ มื่ง นี้ง พี่ โพล้ง ยู ซีงลแพ, อดู้งอยาง โอ ดูเละ โพล้ง พี่ แช๊เมะไฌ๊ซ้ะ ดี๊ อ ซื๊งเว๊ซีง

เอซเทอ 9:5

โพล้ง ยู ลแพ นอ ดึ้ซึ้ อดีงอแด้ เลาพะ นอ ดี๊ น้ะ, แม้ซี๊ง ดี๊ แม้ เฌ๊ฌ้อง เว๊, ดี๊ แม้ เอะ โพล้ง พี่ อ แช๊เมะไฌ๊ซ้ะ ดี๊ อ ซื๊งเว๊ นอ ท๊อง แบ อ ซ้ะ ล้อ