เอเฟโซ 4:2 - Northern Pwo Karen Thai Bible

² เกม๊า น ซื๊ง ชาง ล้าง ซ้ะ โอ ดี๊ เซิง ฌี้ ซ้ะ ช้า, โอ โก้ง โอ คุ้ เท่อ, ดี๊ โอ โก้ง โละ ซ้ะ ลู่ง ท เอ ท กวี้ง

เอเฟโซ 4:2 Referans Kwoze

1​โคเรง 13:7

ท เอ ท กวี้ง เกม๊า ก โท่ง เท่อ เก กุ้ อ เม้ง, เกม๊า ก ท ชู่ง ท นะ โอ ครึๆ, เกม๊า ก มื้งแล่ เท่อ ดี๊ กแช่ แยว้ ซี, เกม๊า ก โอ โก้ง เท่อ เก, พี่ เท่อ ม เก ทาง อ ซ้ะ เม้ง ฌี้ เม้ง ฌี้

โรมา 15:1

เฆ้อ พี่ ก โอ ดี๊ ท ชู่ง ท นะ เฌิ่งๆ, ค๊าๆ, นอ, เกิ้ง ก ม แม้ช้า โพล้ง พี่ อ ท ชู่ง ท นะ โอ ปี๊ ได้ะ, โชะ ทาง ช้า เอะ อ ท อวีง ท ยุ้, ก ล เกิ้ง แม้ ที่ ก กแช่ อ ซ้ะ แบ

ม้ะทู 11:29

แม้ นี่ ก้ะ แย้ จ แอะ นอ, อวีง ทาง-อ้ะ, ฌ้อง แม้ โพะ จ ไค๊, อ ไฌ่ บี่ อี้ง, จ เซิง ฌี้ ซ้ะ ช้า, ดี๊ จ เก โพล้ง ลู่ง อ ชาง ล้าง ซ้ะ, ฌ้อง ท ไปว้ะ น ซ้ะ นอ, ม ล้างแม่ ล้อ

1​ทีโมเท 6:11

แบเด้าะ พี่ น เก กแช่ แยว้ อ เพล่ นอ, แม้ แบฆ้ะ ล้าง น ซ้ะ ดี๊ ท ล แพ อี้ง น่าง เม้ง ล ฌี้, เฌา แม้ เท่อ พี่ แบ กแช่ แยว้ อ ซ้ะ, เก โพล้ง แบ้ แยว้ เมาน่าง, โอ ดี๊ ท โต้ ท ล้อง, ท เอ ท กวี้ง, โก้ง เท่อ เก, ท เซิง ฌี้ ซ้ะ ช้า

ทอางด้อง 3:34

กแช่แยว้ แม้ไฌ๊ซ้ะ โพล้ง, พี่ อ เฌา แม้ไฌ๊ซ้ะ เท่อ แบเด้าะ กแช่แยว้ เกล๊าง อบลึ้อบลาง เอะ โพล้ง, พี่ ชางล้าง อ ซ้ะ

เกล้​ท​ซ้ะวี่ง 12:3

(โมเซ นอ เก โพล้ง พี่ ญ่อง ล้าง อ ซ้ะ ฌี้เละ โพล้ง กุ้ แฌ้ ลู่ง ฌางคูโคล๊งคู

ทอางปฆ้า 138:6

เมะเว๊ กแช่ยาเว นอ, ทึเมะ อดูอโท๊ ฌี้ นอ, อเว๊ ยู่ทะแคว่ทะ โพล้งซยางโพล้งน้ะ แบเด้าะ กแช่แยว้ ซีงแฌ๊ โพล้ง, พี่ ทื่งดูล้าง อ ซ้ะ นอ ซี ไย้โยะ

1เปโต 3:15

แบเด้าะ, อางกี ดู กแช่ เยซู คริ้ ลู่ง น ซ้ะ พ้า เก น กแช่, แด้ เว้ น ซื๊ง ซ้ะ ครึๆ, บี่ ซุ้ น ม ไคล้ ช๊า โพล้ง กุ้ อ แฌ้ ซี, พี่ อ อางจ้ะ น ซื๊ง แบ ท เล้, น มื้งแล่ เท่อ ดี๊ กแช่ เยซู ลู่ง น ซ้ะ พ้า บี่ อี้ง นอ, แบเด้าะ ไคล้ ช๊า-อ้ะ ลู่ง อ มึ, ดี๊ ทื๊ง แบ นะ แบ-อ้ะ

2​ทีโมเท 2:25

โพล้ง พี่ อ แม้ ไทะทะ เว๊ อ ท ซอง ท ซ๊าง นอ, อ เว๊ แบ โล้ เอะ-อ้ะ ดี๊ ท มึ ทพ้า, แบ ซีง ลู่ง กแช่ แยว้ ม เกล๊าง อ ช๊า อ โท่ เปลง ไท้ อ ซ้ะ ดี๊ ซีงแฌ๊ ท อ ที๊ง อ โต้

กาลาเต 6:2

แบ แม้ช้า โละ ซ้ะ ลู่ง ท แก ท เฌ้ ล แฌ้ แบ ล แฌ้ อ ฌ่าง, เมะ แม้ บี่ นอ น ม แม้ โพะ กแช่ เยซู คริ้ อ ทอางแม้เลา อ ไค๊

เอเฟโซ 1:4

กแช่ แยว้ อางลึ นี่ เว้ เฆ้อ ลู่ง ล ไต้ ล้าง ฌางคู โคล๊ง คู ได้ะ แบ เย้า, เกม๊า ก เก อ เท่อ พี่ ก ม โอ ลู่ง กแช่ เยซู คริ้ อ ซุ้, บี่ ซุ้ ก ม เก โพล้ง ฌี้ โพล้ง แอว้, ดี๊ ก ท ไพ้ะ ท แม ล โอ แบ ลู่ง กแช่ แยว้ อ เมะแซ พ้า ลู่ง กแช่ แยว้ เอ เฆ้อ อ กย้อง นอ

เซฟางยา 2:3

เกม๊า อางฆื๊ง กแช่ยาเว, โพล้ง กุ้แฌ้ พี่ ชางล้าง อ ซ้ะ ลู่ง ฌางคู คู เมะเว๊ โพล้ง พี่ แม้โพะ กแช่แยว้ อ ท อางแบเลา อ ไค๊ เกม๊า อางฆื๊ง ทแบกแช่แยว้อซ้ะ, เกม๊า อางฆื๊ง ท ชางล้าง ซ้ะ แบซีงลู่ง น ซื๊ง ม นี่แบ ทแม้ กดื้งทะ ลู่ง กแช่ยาเว อ ท ซ้ะทาง พ้ะดู อ มื่งนี้ง พ้า

ท​แม้ 20:19

จ เก กแช่ เยซู อ เพล่ แม้ เอะ อ เท่อ ดี๊ จ ชาง ล้าง จ ซ้ะ ท้อง อ เลา ล้อ, จ แม้ เท่อ ดี๊ จ เมะที๊ง เมะโน๊ง, จ แบ โท่ง ท น้ะ ท โน๊ง เป๊งนี่ โพล้ง ยู ล มู๊ง นอ โกง แม้ ซี๊ง แย้ ล้อ

ทอางด้อง 16:19

เก โพล้ง ชางล้าง ซ้ะ, โอ ดี๊ โพล้งซยางโพล้งน้ะ นอ อ ฌี้เละ อางน้าง เท่อ, พี่ ลู่นี่แบ-อ้ะ นอ, ดี๊ โพล้ง ทื่งดูล้างซ้ะ นอ ได้ะ

มาร้ะกู 9:19

กแช่ เยซู โล้ เอะ อซื๊งเว๊, “โพล้ง ล ชู้ แย๊ อี้ง ล ชู่ง ล นะ เท่อ แบ ย๊าง บี่ เล้, จ แบ โอ ดี๊ น ซื๊ง ชี่ ไยะ เล้, จ แบ เอ้า ซ้ะ ดี๊ น ซื๊ง ชี่ ไยะ เล้, พืงแซ นอ เฌ๊ ฌ้า-อ้ะ ลู่ง จ ฌ๊างไท้ะ”

เซคารียา 9:9

พูมืง ลู่ง ซีโยง-เอ้อ, เกม๊า เซิงฆวี๊งซ้ะโย้ เมะ ดู ไช้ะ โอ้, พูมืง ลู่ง เยรูซเลง-เอ้อ, เกม๊า ซองลี้ อี้งเซ้อ, อ กจุ้แฆว้ เฌ๊ฌูง-อ้ะ แม้ ท อเกิ้งอแบ ดี๊ ทพ้องทพลิ้ อ เว๊ เซิงฌี้ซ้ะช้า ดี๊ เทา แลว้ เทา แลว้ พู

อีซยา 57:15

กแช่แยว้ พี่ อ ดู อ โท๊, ดี๊ ดูทึโท๊ทึ พี่ โอม๊า ล้างชู้ล้างแกย นอ, อ เม้ง เมะเว๊ ทฌี้ทแอว้, ไจ้ะเว๊ บี่อี้ง “เฆ้อ ก โอ ลู่ง ทล่าง พี่ อ โท๊, ดี๊ อฌี้อแอว้ ดี๊ โอ ดี๊ โพล้ง พี่ นางล้างแบไท้ อ ซ้ะ ไพ้ะ, ดี๊ โอ ดี๊ วีงแล้ พี่ ชางล้าง อ ซ้ะ บี่ซุ้ แม้ ชองทางไท้ โพล้ง ชางล้าง ซ้ะ อวีงอแล้ ดี๊ แม้ ชองทางไท้, โพล้ง นางล้างแบไท้ ซ้ะ ไพ้ะ อเซิงอซ้ะ

ทอางปฆ้า 45:4

เกม๊า เทา กซี ดี๊ ทฆี๊งฌี้แล้ฌี้, ลี้ ดี๊ ทน้าทฆ่าง บี่ซุ้ แด ลู่ง ทเมะทโต้, ทเซิงฌี้ซ้ะช้า, ดี๊ ทแบกแช่แยว้อซ้ะ เกม๊า กแช่แยว้ อ จูงฆุ้ นอ, ซอง ทไพ้ะทแม้, พี่ ล้าง ซ้ะเมซ้ะไพล้ เอะ กจุ้แฆว้ ไช้ะ

ยาเก้า 1:21

ท บี่ นอ, แม้ ไฆวะ ท ยื้งแย่ อ้า กุ้ อ เม้ง นอ ท้อง อ เลา, ดี๊ ท อ้า ท ซ๊าง กุ้ อ เม้ง นอ แม้ โพะ อ ไค๊ ล้า ล ฌี้, ฌ้อง นอ ญ่อง ล้าง ซ้ะ ชู่ง ก้ะ กแช่ แยว้ อ ลู่ง อ แท๊, พี่ อ เซิง ล้าง เว๊ ลู่ง น ซ้ะ พ้า นอ, อ ไฌ่ บี่ อี้ง, กแช่ แยว้ อ ลู่ง อ แท๊ นอ แม้ พ้อง แม้ พลิ้ น ซื๊ง ซี นอ ล้อ

ทโกงซีมองแบ 7:8

ท เม้งฌี้ๆ, อคี๊งอทุ้ นอ, ฌี้เละ ท ล เม้งๆ, นอ อ คางไท้ะคางพ๊าง ได้ะ ซ้ะ พี่ เอ้าเท่อโก้งเท่อ เก นอ, ฌี้เละ ซ้ะ พี่ ทื่งดูล้างซ้ะ นอ ได้ะ

โคโลซี 1:11

จ อางท่าง เกม๊า กแช่ แยว้ ดึ้ ชอง ทาง ไคล๊ ทาง น ซื๊ง ลู่ง ท กุ้ อ เม้ง เฌ๊ เว๊ ลู่ง อ ฆี๊ง อ แล้ อ ดู้ง อ ยาง, บี่ ซุ้ น ซื๊ง ม โท่ง ท กุ้ อ เม้ง เก ลู่ง ท เอ้า เซิง เอ้า ซ้ะ

1เปโต 3:8

ลู่ง อ ไค๊ ทึ อี้ง, น ซื๊ง ซีง แบ แม้ ซ้ะ ล โพลง ฆ่าง, เอ โละ กวี้ง โละ ซ้ะ บี่ ซุ้ ด๊างพื่งวี่, ย๊างเซิง ย๊างซ้ะ โละ ซ้ะ, ดี๊ โอ ดี๊ ท ชาง ล้าง เซิง ชาง ล้าง ซ้ะ คี๊ง โค๊ เลา