2​ซามูเอง 4:4 - Northern Pwo Karen Thai Bible

⁴ ซาอู อ พูแคว๊ โยนาทาง นอ, อ พูแคว๊ โอ ล แฌ้, เก โพล้ง อ คาง เฌ๊ฌ้อง ไจ ล ซีแบ พี่ ท แซ้ แบ แน่, แบฆ้ะ ดี๊ ซาอู ดี๊ โยนาทาง อ ไฌ่ ลู่ง ยีซเรเอง พ้า นอ, พืงแซ ล แฌ้ อี้ง อ โญะ โอ เย่ เนง, ดี๊ โพล้ง พี่ อ โอ แคว่-อ้ะ นอ, โชะทาง เว๊ ไจคุ้ซูงไฆวะ, พี่ กมืง อี้ง ปชื่ง ไจคุ้ซูง เท่อ นอ, พืงแซ นอ ล้างเทะ, ดี๊ เกก้ะ โพล้ง อ คาง เฌ๊ฌ้อง, อ เว๊ อ เม้ง เมฟีโบเช

2​ซามูเอง 4:4 Referans Kwoze

2​ซามูเอง 9:3

กจุ้แฆว้ ไจ้ะเว๊, “โพล้ง ลู่ง ซาอู อชื้ออชะ พ้า โอ ล แฌ้ๆ, ได้ะ-อ้า?, แย้ จ ม เนโพลทาง กแช่แยว้ อ ทเอทกวี้ง ลู่ง อเฌิ่งอค๊า นอ เอะ-อ้ะ”, ซีบา ไคล้ช๊า กจุ้แฆว้ ไจ้ะเว๊, “โยนาทาง อ พูแคว๊ โอ ล แฌ้ ได้ะ, แบเด้าะ อ เว๊ นอ อ คาง เฌ๊ฌ้อง ไจ ล ซี แบ”

1​ทกวิ้ไน 9:40

โยนาทาง อ พู นอ เมะเว๊ เมรีบาอาง, เมรีบาอาง นอ เก มีคา อ แพ่

1​ทกวิ้ไน 8:34

โยนาทาง อ พู นอ เมะเว๊ เมรีบาอาง, เมรีบาอาง นอ เก มีคา อ แพ่

2​ซามูเอง 9:6

ท่อง เมฟีโบเช โยนาทาง อ พูแคว๊, เมะเว๊ ซาอู อ ลี้ง เฌ๊ โอ ดาเว, เฌ๊ ท้อง นอ คะด้ะ ล้าง อ ซ้ะ ซย๊องล้าง อ เมะ, ดี๊ ดาเว ไจ้ะเว๊, “เมฟีโบเช-เอ้อ”, อ เท่อ ไคล้ช๊า-อ้ะ ไจ้ะเว๊, “กแช่-เอ้อ, น เพล่ โอ พี่ อี้ง”

1ซามูเอง 29:11

ดาเว เฌ้เทิงทาง ลู่ง โฌ้ ล คึ, เมะเว๊ อ เว๊ ดี๊ อ ซกุ้, บี่ซุ้ แค๊ล้าง คาง ลู่ง โฌ้โค๊, ไท้ๆ, ลู่ง ที๊งล่างค่างพ้า ฟีลีเตีย, เมะ โพล้ง ฟีลีเตีย ลแพ นอ, ลี้ทาง ลู่ง ยีซเรเอง นอ ล้อ

1ซามูเอง 29:1

โพล้ง ฟีลีเตีย กุ้ซยอง โละอซ้ะ เลาพะ โอ ลู่ง อาเฟะ พ้า, ดี๊ โพล้ง อีซลาเอง นอ, ช๊างล้าง อ ล่างโอซยอง ลู่ง ที๊ง ทางชุ้, พี่ อ โอ ลู่ง ยีซเรเอง พ้า

2​ซามูเอง 21:7

แบเด้าะ, ซาอู อ พูแคว๊ เมะเว๊, โยนาทาง อ พู เมฟีโบเช นอ, กจุ้แฆว้ อางกี ม๊า เว๊, เมะเว๊ อ ซื๊งเว๊ คี๊ง แฌ้ นอ, แม้ ทอืงล้าง โละซ้ะ ลู่ง กแช่ยาเว อ เม้ง, เมะเว๊ ดาเว ดี๊ ซาอู อ พูแคว๊ โยนาทาง

2​ซามูเอง 9:13

อ กย้อง บี่นอ, เมฟีโบเช โอ เว๊ ลู่ง เยรูซเลง พ้า, เมะเว๊ อ เว๊ อาง แบ เท่อ ลู่ง กจุ้แฆว้ อ คะ คู ครึๆ, นอ ล้อ, อ เว๊ อ คาง คี๊ง แพ้ นอ เฌ๊ฌ้อง ไจ ล ซี แบ

1​กจุ้แฆว้ 11:17

แบเด้าะ ฮาด้ะ ดี๊ อ แพ่ อ กดูกแซย่, พี่ อ เก โพล้ง เอโดง ลแพ นอ, ลี้ ไจคุ้ซูงไฆวะ ลู่ง ค่าง อีไย้ะ พ้า, ล ว๊าง แย๊ นอ ฮาด้ะ ปี๊ โฆะ ได้ะ ล้อ