1ซามูเอง 21:11 - Northern Pwo Karen Thai Bible

¹¹ ดี๊ อาคิ้ อ เพล่ดู ซีงลแพ นอ ไจ้ะเว๊, “ดาเว ล แฌ้ อี้ง ล เมะ แบ-อ้า?, พี่ อ เก ที๊งล่างค่างพ้า นอ อ กจุ้แฆว้, อ ซื๊งเว๊ ล นี่ เฌ้เทิงลี่ง ดี๊ ซ้ะอวีง แท๊ แบ-อ้า?, พี่ ไจ้ะเว๊ ‘ซาอู แม้ซี๊ง โพล้ง อ แฌ้ ล ม๊า ดี๊ ดาเว แม้ซี๊ง โพล้ง อ แฌ้ อ ไซ?’, ”

1ซามูเอง 21:11 Referans Kwoze

1ซามูเอง 29:5

โพล้ง ล แฌ้ อี้ง ดาเว ล เมะ แบ-อ้า, พี่ โพล้ง เฌ้เทิงลี่ง ซ้ะอวีง แท๊ พางช๊า โละอซ้ะ ไจ้ะเว๊ ‘ซาอู แม้ซี๊ง โพล้ง อ แฌ้ ลู่ง อ ม๊า พ้า แบเด้าะ ดาเว แม้ซี๊ง โพล้ง อ แฌ้ ลู่ง อ ไซ พ้า?’ ”

1ซามูเอง 16:1

กแช่ยาเว ไคล้ ดี๊ ซามูเอง ไจ้ะเว๊, “น ม แบมองแบม้ะ เท่อ ลู่ง ซาอู อ กย้อง ชี่ไยะเล้, แย้ จ ทึ้ทางไฆวะ-อ้ะ, ล ม๊า อ เก กจุ้แฆว้ ลู่ง โพล้ง อีซลาเอง อ พ๊างคู ล้าแบ เย้า, เกม๊า น ชวี๊งล้างนี่ ทซู ฆวี้ น ทโน้ง พ้า นอ, ดี๊ ลี้-อ้ะ จ เจ่ แน้ ม๊า น ลี้ฌูง เจซี โพล้ง เบเลเฮง, เมะเว๊ ลู่ง อ เว๊ อ พู ซีง อ แกล้ นอ, จ ลึนี่ กจุ้แฆว้ ล แฌ้ ลู่ง จ ฌ่าง เย้า”

1ซามูเอง 19:18

ดาเว ไจพ้องไฆวะ เว๊ ไวะ, อ เว๊ เฌ๊ฌูง ซามูเอง ลู่ง เว่ง รามา พ้า, ดี๊ อางโล๊ไท้ เอะ เว๊, แบฆ้ะ ดี๊ ทไฌ่ พี่ ซาอู แม้ เอะ-อ้ะ กุ้เม้ง, อ เว๊ ดี๊ ซามูเอง ลี้ โอ ลู่ง นาโยะ พ้า

1ซามูเอง 27:1

ดาเว ช๊องมอง เท่อ ลู่ง อ ซ้ะ พ้า บี่อี้ง, “จ ม แบ ทแม้ เซงทื่งเฌ๊ฌ้อง, ดี๊ ซาอู อ จูง ม โอ โฆะ ล นี้ง, ท ล โอ น่าง เม้ง แบ, พี่ ม ฌี้เละ จ ม ไจ โอคุ้ซูง เต้ๆ, ลี้ โอ ลู่ง โพล้ง ฟีลีเตีย อ ที๊งล่างค่างพ้า, ฌ้อง ซาอู อ ทมื้งแล่ ม ล โอ ล้าแบ, พี่ ม อางฆื๊ง แย้ ลู่ง โพล้ง อีซลาเอง อ ที๊งช๊าค่างช๊า พ้า อี้ง, ฌ้อง แย้ จ ม พ้องไฆวะ ดี๊ อ เว๊ อ จูง ซี ล้อ”

1ซามูเอง 27:2

ดาเว ดี๊ อ ซกุ้ พี่ โอ ดี๊-อ้ะ ฆู๊ง แย้ แฌ้ นอ, เฌ้เทิงทาง ค๊างฆ้าง ลี้ฌูง มาโอะ อ พู เมะเว๊ อาคิ้, พี่ เก กจุ้แฆว้ ลู่ง เว่ง กะทา พ้า นอ

ทอางปฆ้า 34:1

แย้ จ ม อางปฆ้า ทาง กแช่ยาเว ล้างชู้ล้างแกย ทอางปฆ้าทาง กแช่แยว้, โอ ลู่ง จ นุ้ พ้า ครึๆ