1ซามูเอง 20:13 - Northern Pwo Karen Thai Bible

¹³ แบเด้าะ จ แพ่ เมะ แบ อ ซ้ะ แม้อ้าแม้ซ๊าง แน้, ดี๊ จ เมะ ล โล้ ซีงแฌ๊ เอะ แน้ แบ, ดี๊ ล โซ๊ง แน้ ลี้ ดี๊ ทมึทพ้า แบ นอ, เกม๊า กแช่ยาเว แม้ เอะ โยนาทาง ดี๊ แอทาง ได้ะ, เกม๊า กแช่ยาเว โอ ดี๊ แน้, ด้องซุ้ พี่ โอ ดี๊ จ แพ่ อู้ง นอ ไช้ะ

1ซามูเอง 20:13 Referans Kwoze

1​ทกวิ้ไน 22:16

พี่ แบฆ้ะ ดี๊ ท๊อง, จี้, ท่อง บ้าง, ดี๊ ท้ะ, โพล้ง อ จูง ซี โอ แอฌ้อง, เฌ้เทิงทาง แม้ แดเทา, เกม๊า กแช่ยาเว โอ ดี๊ แน้

1​ทกวิ้ไน 22:11

อี้งเซ้อ, จ พู-เอ้อ, เกม๊าเต้ กแช่ยาเว โอ ดี๊ แน้, ดี๊ เกม๊า น โอ ดี๊ ท เกทางเกโท๊, ไต้ทางนี่ กแช่ยาเว น กแช่แยว้อล่างโอ, บี่ซุ้ดี๊ กแช่แยว้ อ ทไคล้ แบฆ้ะ ดี๊ แน้ นอ

1ซามูเอง 17:37

ดี๊ ดาเว ไคล้ เด้าะ ไจ้ะเว๊, “กแช่ยาเว พี่ อ แม้ช้า แย้ พ้องไฆวะ ดี๊ คี๊ยื่ง, ดี๊ ทซู๊ง อ คาง ย๊างซ้ะ พ้า เย้า นอ, อ เว๊ ม แม้ช้า แย้, พ้องไฆวะ ดี๊ โพล้ง ฟีลีเตีย ล แฌ้ อี้ง อ จูง”, ดี๊ ซาอู ไคล้ ดี๊ ดาเว ไจ้ะเว๊, “เกม๊า น ลี้ แดเทา, กแช่ยาเว ม โอ ดี๊ แน้”

น่าง​รุ้ 1:17

น ซี๊ง พี่จองเล้ นอ, จ ม ซี๊ง พี่ นอ, ดี๊ เกม๊า ทเคิงล้างบ้าฆึ แย้ พี่ นอ ปะ, แม้ ล้างแซย แย้ ดี๊ แน้ ซี นอ, โอ ที่ ทซี๊ง ล เม้ง ล้อ, ทแม้ ล้างแซย แย้ เมะ โอ ล เม้งๆ, นอ, เกม๊า กแช่ยาเว แม้เตาแม้แต๊ แย้, ดี๊ แม้ แอทาง ทเตาทแต๊ นอ ล้อ”

โยชูวา 1:5

พี่ น โอม๊า ได้ะ อ แค๊ อี้ง นอ โพล้ง แม้น้า แน้ ล ซี น่าง แฌ้ แบ เมะเว๊ จ โอ ดี๊ โมเซ เย้า บี่จะเล้ นอ, จ ม โอ ดี๊ แน้ บี่นอ ปะ ล้อ, จ ล อางกีโท่ไฆวะ แน้ แบ จ ล ญ๊องไฆวะฌ้ะพลุ้ แน้ แบ

1ซามูเอง 3:17

ดี๊ เอลี อางจ้ะ-อ้ะ ไจ้ะเว๊, “กแช่แยว้ โล้ เอะ แน้ ทเม้งเล้?, อ ไฌ่, อางกีไบ้ะ แย้ ล ฌี้, น เมะ อางกีไบ้ะ เท่อ ดี๊ แย้ พี่ เม้ง เล้ พี่ อ เว๊ โล้ เอะ แน้ นอ, เกม๊าเต้ กแช่แยว้ แม้ เอะ แน้ ดี๊ แอทาง ได้ะ”

ฟีลิ้ปี 4:9

พี่ จ ซอง น ซื๊ง เมะ เว๊ น ซื๊ง แน่ฌ๊า ดี๊ ฮะ นี่ จ ท ไคล้ ดี๊ แด แบ จ ท แม้ นอ, เกม๊า น ซื๊ง แม้ โพะ อ ไค๊ บี่ นอ ปะ, ฌ้อง กแช่ แยว้ พี่ อ เกล๊าง ก ท มึ ท พ้า ล แฌ้ นอ, ม โอ ดี๊ น ซื๊ง ครึๆ, ล้อ

ม้ะทู 28:20

ซอง-อ้ะ เกม๊า อ แม้ โพะ อ ไค๊ กุ้ อ เม้ง, พี่ จ อางแม้เลา เอะ น ซื๊ง, ฌ้อง จ ม โอ ดี๊ น ซื๊ง ซีง ครึๆ, ท้อง ท อ มื่ง อ แค๊ ม ทึ โคะ นอ ล้อ”

1​กจุ้แฆว้ 20:10

เบงฮาดะ โช๊ง ไท้ ทโล้โค เด้าะ ไจ้ะเว๊, “ฌางคู มูง ลู่ง ซมาเรีย เมะ กู้งทาง, ลู่ง โพล้ง พี่ อ เฌ๊ โพะ จ ไค๊ เมาะ ล แฌ้ ล ช้อง นอ, เกม๊าเต้ ทกโช้งกแช่ ซีงลแพ นอ แม้ เอะ แย้, ดี๊ แอ ทาง น้ะเละ อ นอ ได้ะ”

1​กจุ้แฆว้ 19:2

ฌ้อง น่าง เยเซเบง เจ่ทาง โพล้งไคล้เดิงเท่อ, ม๊า ลี้ โล้ แบ เอลียา ไจ้ะเว๊, “ลู่ง โฌ้ โฆะ เมาะ ทอแค๊ ล ว๊าง แย๊ อี้ง, จ เมะ ล นี่ แม้ซี๊ง แบ แน้, ด้องซุ้ น แม้ซี๊ง โม ลแพ นอ แบ นอ, เกม๊า ทกโช้งกแช่ ซีงลแพ นอ แม้ เอะ แย้ บี่นอ, ดี๊ ม๊า อ แม้ น้ะเละ นอ ได้ะ”

2​ซามูเอง 19:13

ดี๊ โล้ เอะ อามาซา บี่อี้ง, ‘น ล เก จ ฆีง ดี๊ จ แย แบ-อ้า?, น เมะ ล นี่ เก ซึ้พูมู๊งอคูดู, ลู่ง จ เมะแซ พ้า เท่งก้ะ โยอะ น่างชุ้ แบ นอ, เกม๊า กแช่แยว้ แม้ เอะ แย้ บี่ นอ ปะ, ดี๊ แอ เละ นอ ได้ะ’, ”

2​ซามูเอง 7:15

แบเด้าะ จ ทเอ ลู่ง อเฌิ่งอค๊า นอ, ล ญ๊องไฆวะฌ้ะพลุ้-อ้ะ, บี่ซุ้ ดี๊ จ ญ๊องไฆวะฌ้ะพลุ้ ซาอู, พี่ จ เท้า ไฆวะ-อ้ะ ลู่ง น เมะแซ พ้า เย้า นอ แบ

2​ซามูเอง 3:35

ฌ้อง โพล้งเฌงพูฆ๊างพู เฌ๊ โล้ แบ ดาเว, เกม๊า อาง มี้ พี่ มื่ง โอ ได้ะ อ แค๊ นอ, แบเด้าะ ดาเว อืงล้าง อ ซ้ะ ไจ้ะเว๊, “จ เมะ ไช่ดุ้ กู ฌี้, ทเม้ง ฌี้ๆ, ลู่ง มื่ง ล นี้ง แย๊ อี้ง ล ล้าง นึ ได้ะ แบ นอ, เกม๊าเต้ กแช่แยว้ แม้ เอะ แย้ ดี๊ แอทาง ได้ะ”

1ซามูเอง 25:22

ล เม้ง ฆ่าง ดี๊ พี่ กแช่แยว้ แม้ เอะ ดาเว อดีงอแด้, ดี๊ แอทาง บี่จะเล้ นอ, แย้ จ ล เกม๊า กเย่ โพล้ง แคว๊ พี่ อ โอ ดี๊-อ้ะ ลแพ นอ, ล้างลื๊อ ท้อง ลู่ง โฌ้ โฆะ น่าง แฌ้ ล้าแบ”

1ซามูเอง 18:12

ซาอู ซ้ะเม ดาเว, เมะเว๊ กแช่ยาเว โอ ดี๊-อ้ะ, แบเด้าะ ไจแดไฆวะ ซาอู เย้า

1ซามูเอง 14:47

ท่อง ซาอู เก แบ กจุ้แฆว้ โพะคอง โพล้ง อีซลาเอง นอ, อ เว๊ ดึ้ซึ้ อดีงอแด้, พี่ โอ อ ฆ้อง กุ้ อ แพ้, ดึ้ซึ้ โพล้ง โมอา ดี๊ โพล้ง อางโมง อ ชื้อ, โพล้ง เอโดง ดี๊ กเย่ กจุ้แฆว้ ลู่ง โซบา, ดี๊ โพล้ง ฟีลีเตีย, อ เว๊ เมะ แกยฆ้าง อ ซ้ะ พี่ แพ้ เล้ นอ, อ เว๊ แม้น้า เว๊ นอ ล้อ

1ซามูเอง 10:7

ท่อง ทแม้ไน ลแพ อี้ง กึทาง ดี๊ แน้ เย้า นอ, ม๊า น แม้ ทเม้งฌี้ๆ, ท๊อง ทอช๊าอโท่ โอ นอ, เมะเว๊ กแช่แยว้ โอ ดี๊ แน้

1ซามูเอง 19:3

ดี๊ จ ม ลี้ทาง ชี๊เทิง โอ ลู่ง จ แพ่ อ ฌ๊างไท้ะ, ลู่ง ญ้าง พ้า ทเคแกล้ พี่ น โอ-อ้ะ นอ, ดี๊ จ ม ไคล้ ดี๊ จ แพ่ แบฆ้ะ ดี๊ แน้, จ เมะ ซีงแฌ๊ เท่อ เม้ง ฌี้ๆ, นอ, จ ม โล้ เอะ แน้ ม๊า น ซีงแฌ๊”

1ซามูเอง 20:12

โยนาทาง โล้ เอะ ดาเว ไจ้ะเว๊, “เกม๊า กแช่ยาเว, โพล้ง อีซลาเอง อ กแช่แยว้ เก พีงญาง, พี่ จ แคว่ ที๊ง จ แพ่ ลู่ง โฌ้ โฆะ อช๊าอโท่, เมาะ แค๊ ล ว๊าง แย๊ อี้ง ฌี้, ลู่ง กี๊ ตโฌ้ โฆะ ฌี้, แคว่เซ้อ, ทเมะ โอ เม้งๆ, พี่ ฌี้ ลู่ง ดาเว อ ฌ่าง นอ, จ ม เจ่ทาง โพล้ง ลี้ โล้ แบ แน้, เกม๊า น ซีงแฌ๊ ล้างที๊ง-อ้ะ ล้อ?

1ซามูเอง 20:14

จ เมะ โอม๊า ได้ะ นอ, เกม๊า น เนโพลทาง กแช่ยาเว อ ทเอทกวี้ง, ลู่ง อเฌิ่งอค๊า เอะ แย้, แบเด้าะ จ เมะ ซี๊ง นอ

1​กจุ้แฆว้ 1:37

กแช่ยาเว โอ ดี๊ จ เซงคู กจุ้แฆว้ บี่จะเล้ นอ, เกม๊าเต้ โอ ดี๊ ซาโลโม บี่นอ ปะ ล้อ, ดี๊ เกม๊า ซาโลโม อ ล่าง ชี๊น้าง ดูเละ โท๊เละ, จ เซงคู กจุ้แฆว้ ดาเว เว๊ แด นอ ได้ะ”