1ซามูเอง 2:18 - Northern Pwo Karen Thai Bible

¹⁸ แบเด้าะ ซามูเอง นอ, แม้ เท่อ ลู่ง กแช่ยาเว อ เมะแซ พ้า คระ, อ เว๊ เก พืงแซ ล แฌ้ พี่ ซุ้ ไช๊อเบงคูลท๊า ทไกย้ะ ลูง ไว้ะไก้

1ซามูเอง 2:18 Referans Kwoze

1ซามูเอง 3:1

พืงแซ แคว๊ ซามูเอง แม้ เอะ กแช่ยาเว อ เท่อ, โอ ลู่ง เอลี อ เมะแซ พ้า คระ, ล ว๊าง แย๊ นอ กแช่ยาเว อ ทไคล้ เฌ๊ แซย้ มะ, ทแดเว้ โอ ล เอะ ดึ้ แบ

ทไจทางไฆวะ 28:4

เกม๊า อซื๊งเว๊ แม้ ไช๊ช้าง บี่อี้ง, เมะเว๊ ตไก้ยะกล้ะทะซ้ะแน๊ ไช๊อเบงคูลท๊า คลื้งโมะ, ย่างเด้ง พลี้ง, ดี๊ เกม๊า อซื๊งเว๊ แม้ เอะ น วี่ โจ้ อาโรง อ ไช๊ อ ช้าง ลู่ง อฌี้อแอว้, ดี๊ กเย่ อ พู ล แพ นอ อ ไช๊ อ ช้าง, บี่ซุ้ อ ซื๊งเว๊ ม เก โพล้งลื่งเท่ออคู แม้ เท่อ ลู่ง จ ฌ่าง

1ซามูเอง 2:11

ฌ้อง เองคานา ไท้ ไท้ ลู่ง อ เฌง รามา พ้า, ดี๊ พืงแซ นอ แม้ เอะ กแช่ยาเว อ เท่อ, ลู่ง โพล้งลื่งเท่ออคู เอลี นอ อ เมะแซ พ้า ล้อ

2​ซามูเอง 6:14

ฌ้อง ดาเว เฌ้เทิงลี่ง ลู่ง กแช่ยาเว อ เมะแซ พ้า, เลา เซิง เลา ซ้ะ, ดี๊ ดาเว ซุ้ ไช๊อเบงคูลท๊า ทไกย้ะ ลูงไว้ะไก้ นอ ได้ะ

1ซามูเอง 22:18

ฌ้อง กจุ้แฆว้ ไคล้ ดี๊ โดเอะ ไจ้ะเว๊, “เกม๊า น วีงไท้ซ้ะ แม้ซี๊ง โพล้งลื่งเท่ออคู ลแพ นอ”, โดเอะ โพล้ง เอโดง, วีงไท้ อ ซ้ะ กล้าง ซี๊ง โพล้งลื่งเท่ออคู ลแพ นอ, ล นี้ง แย๊ นอ, อ เว๊ แม้ซี๊ง โพล้ง แคว๊, พี่ อ ซุ้ ไช๊อเบงคูลท๊า พี่ ไต้ เว๊ ดี๊ ตไก้ยะ ลูง ไว้ะไก้ นอ, โฆะ ชี๊ง เย่ แฌ้

1​ทกวิ้ไน 15:27

ดาเว นอ ซุ้ ไช๊ช้าง ลูง ไว้ะไก้ ลู่ง อ แย ฌี้, เลา ดี๊ โพล้ง เลวี เลาพะ พี่ อ ยุ้ ไฮะ, ดี๊ กเย่ โพล้ง ซ้ะอวีงแท๊, ดี๊ เคนานิ้ยา เก ทอคู ซ้ะอวีง แท๊, ดี๊ ดาเว นอ ซุ้ ไช๊อเบงคูลท๊า พี่ เก ทไกย้ะลูง ไว้ะไก้

1ซามูเอง 2:28

ดี๊ จ ลึนี่ อ ซื๊งเว๊ ไจทางไฆวะ, ลู่ง โพล้ง อีซลาเอง อ ชื้อ พ้า เลาพะ นอ อ แกล้, เกม๊า อ เก จ โพล้งลื่งเท่ออคู, ลี้ ทาง ลู่ง จ ทลื่งล่าง, บี่ซุ้ เช้า ทพี่ อ น๊าม๊า, บี่ซุ้ เจ่ ไช๊อเบงคูลท๊า ลู่ง จ เมะแย๊ ดี๊ จ อางกีล้าง เท่อ เลาพะ, พี่ เก ทลื่งทาง เช้า ดี๊ มี, พี่ โพล้ง อีซลาเอง ซีง, เฌ๊ เทว๊ เอะ น แพ่ อชื้ออชะ นอ

เลวี​อ​ไฌ่ 8:7

ฌ้อง ดึ้ซุ้ทาง เอะ เว๊ ไช๊แค่, เราทาง เอะ เว๊ อ ย่างเด้ง พลี้ง, ฌ้อง ดึ้ซุ้ทาง เอะ เว๊ ไช๊แค่ พ้ะโท๊, ดี๊ ดึ้ ซุ้ทาง เอะ เว๊ ไช๊อเบงคูลท๊า แม้นี่ ไช๊อเบงคูลท๊า อ ตไก้ยะ เราทะ ย่างเด้ง, พี่ ท้ะ เว๊ ฌี้ มะ, เรา เอะ เว๊ อ ย่างเด้ง, จ้าทะ ไช๊อเบงคูลท๊า นอ, เกม๊า อ บึ้เบง-อ้ะ ล้อ

1ซามูเอง 14:3

ดี๊ อาฮีทู อ พู เมะเว๊ อาฮียา, อาฮีทู นอ เก อีคาโบะ อ โจ้, อ เว๊ เก ฟีเนฮะ อ พู, ฟีเนฮะ นอ เก เอลี อ พู, เอลี ล แฌ้ อี้ง นอ, เก กแช่ยาเว อ โพล้งลื่งเท่ออคู ลู่ง เว่ง ชิ้โล พ้า, อ เว๊ เก โพล้ง ซุ้ ไช๊อเบงคูลท๊า, ดี๊ พี่ โยนาทาง ลี้ เย้า นอ ซึ้พู ซีง นอ ล ซีงแฌ๊ เว๊ แบ