Travay 20:1 - Nouvo Testaman: Vèsyon Kreyòl Fasil

¹ Lè ajitasyon yo te sispann, Pòl mande pou l wè ak kwayan yo. Apre l fin ankouraje yo, li di yo orevwa epi l pati pou Masedwàn.

1998 Haïtienne

¹ Lè dezòd la sispann, Pòl reyini disip yo, li ba yo kèk pawòl ankourajman, li di yo orevwa, epi l pati pou Masedouàn.

Bib Sen An: Kreyòl Ayisyen

¹ Aprè tapaj la te fin sispann, Paul te voye pou disip yo. Lè l fin ekzòte yo, li te pran konje de yo, e li te sòti pou ale Macédoine.

Travay 20:1 Referans Kwoze

Travay 11:26

Lè l jwenn li, li mennen l vin Antyòch. Banabas ak Sòl pase yon ane ansanm nan legliz la. Yo te toujou reyini ak legliz la epi yo te anseye anpil moun. Se nan Antyòch yo te premye rele disip yo kretyen.

Travay 16:12

Apre sa, n ale nan vil Filip. Vil Filip la te premye vil nan rejyon Masedwàn nan. Se te yon koloni ki te anba pouvwa lavil Wòm. Nou te pase plizyè jou nan vil la.

Travay 16:9

Nan mitan lannuit lan, Pòl fè yon vizyon. Li wè yon mesye, moun peyi Masedwàn kanpe devan li, epi mesye a di l: “Tanpri, vin nan peyi Masedwàn, vin pote nou sekou!”

Travay 19:21

Apre bagay sa a, Pòl fè plan pou l monte Jerizalèm. Li te planifye pou l pase pa Masedwàn ak Lakayi anvan l pati pou ale Jerizalèm. Li te menm di tèt li: “Apre m fin vizite Jerizalèm, fò m vizite lavil Wòm tou.”

Travay 20:10

Lè sa a, Pòl desann, li bese bò kot kadav Etikis la, li pran kadav la nan bra li, epi l di: “Nou pa bezwen fatige kò nou, paske li vivan.”

Travay 20:2

Li te fòtifye kwayan yo ak anpil pawòl ankourajman nan tout rejyon Masedwàn nan, apre sa l ale nan peyi Lagrès.

Travay 20:3

Apre l te fin pase twa mwa nan peyi Lagrès, Pòl te gentan pare pou l pran batiman pou l al nan peyi Siri. Men, lè l vin konnen te gen kèk Jwif ki t ap planifye yon konplo kont li, Pòl chanje plan an, li retounen pase pa Masedwàn.

Travay 20:37

Tout lidè yo te tonbe kriye. Yo bay Pòl akolad, epi yo bo l.

Women 15:19

ak zèv puisans li. Soti Jerizalèm, rive nan rejyon Iliri, mwen preche Levanjil Kris la nèt.

Women 16:16

Salye youn lòt ak yon bèl akolad Tout Legliz Kris yo voye salye nou.

1 Korent 16:20

Tout frè ak sè yo voye salitasyon. Se pou nou salye youn lòt ak bèl akolad.

1 Korent 16:5

Mwen fè plan pou m pase Masedwàn anvan m vini lakay nou.

2 Korent 13:12

Se pou nou bay youn lòt yon bèl akolad. Tout pèp Bondye a ki kote m ye voye salitasyon pou nou.

2 Korent 7:5

Lè nou te rive Masedwàn, nou te san repo. Pwoblèm te sènen nou toupatou. Sou deyò nou te fè fas ak gwo batay. Anndan, te gen anpil krentif nan kè nou.

1 Tesalonisyen 5:26

Salye tout frè ak sè ki laba yo pou nou ak yon bèl akolad tankou moun pa Bondye yo.

1 Timote 1:3

Menm jan m te di w deja lè m t ap pati al Masedwàn nan, se pou ou rete nan Efèz. Gen kèk moun nan vil la k ap anseye doktrin ki pa vre, se pou w egzije yo sispann fè sa.