Mak 9:32 - Nouvo Testaman: Vèsyon Kreyòl Fasil

³² Men disip yo pa t konprann sa l te vle di, men tou yo te pè mande l sa pawòl la vle di.

1998 Haïtienne

³² Men, disip yo pat konprann sans pawòl sa a: epi yo te pè poze l kèsyon.

Bib Sen An: Kreyòl Ayisyen

³² Men yo pa t konprann pawòl sila a, e yo te pè mande L.

Mak 9:32 Referans Kwoze

Lik 18:34

Disip yo pa t konprann anyen ditou, paske sans pawòl la te kache. Yo pa t wè klè ditou nan sa Jezi t ap di yo a.

Lik 9:45

Men disip yo pa t konprann anyen nan sa l te di yo a. Sans pawòl la te kache pou yo pa t konprann li. Men disip yo te pè poze Jezi kesyon sou sa l te di a.

Lik 2:50

Men yo pa t konprann anyen nan sa li te di yo a.

Jan 16:19

Jezi te konprann yo te vle poze l kesyon, li di yo: “Èske se chache n ap chache konprann sa sa vle di yon ti tan ankò, nou p ap wè m ankò, epi nan yon lòt ti tan ankò n ap wè m?

Jan 12:16

Nan moman sa a, disip yo pa t konprann sa k t ap pase a. Men lè Jezi te fin retounen al jwenn papa l, yo reyalize bagay sa yo te ekri sou li, epi se sa menm yo te fè pou li.

Mak 9:10

Disip yo pa t pale pawòl la, men yo t ap diskite ant yo sou sa Jezi te vle di lè li te pale de “leve soti vivan nan lanmò a.”

Jan 4:27

Menm lè a, disip yo vin rive. Yo te sezi wè Jezi t ap pale ak yon fanm. Men, pèsonn pa t oze mande li: “Ki sa ou ap chache?” ni “Pou kisa ou ap pale avè l?”

Lik 24:45

Apre sa, Jezi ede disip yo konprann sa ki ekri sou li nan Bib la.

Mak 16:14

Nan pita, li parèt devan onz apot yo pandan yo t ap manje. Li repwoche yo poutèt yo te refize kwè. Tèt yo te di epi yo refize kwè moun ki te di yo Jezi te resisite.

Mak 8:33

Men, Jezi fè yon vire, li gade disip li yo epi li repouse Pyè konsa: “Rale kò w sou mwen, Satan! Lide nan tèt ou pa gen anyen pou wè ak volonte Bondye, yo plis sou sa lèzòm ta vle.”

Mak 7:18

Li di yo: “Menm nou menm tou, nou pa konprann? Nou pa konprann tout sa ki antre nan you moun ki kapab sal moun sa a?