Ebre 8:7 - Nouvo Testaman: Vèsyon Kreyòl Fasil

⁷ Si tout bagay te anfòm nèt ak premye akò a, dezyèm akò a pa t ap nesesè.

1998 Haïtienne

⁷ Si premye kontra a pat gen defo, pa ta gen nesesite pou yo ta fè yon lòt kontra pou pran plas li.

Bib Sen An: Kreyòl Ayisyen

⁷ Paske si premye akò sa a te san defo, pa t ap gen yon rezon pou yon dezyèm.

Ebre 8:7 Referans Kwoze

Galat 3:21

Alò, èske sa vle di lalwa pa dakò ak pwomès Bondye te fè yo? Pa ditou! Paske, si lalwa Bondye te bay la te kapab bay moun lavi, se lalwa sa a ki t ap fè moun dwat devan Bondye.

Ebre 7:11

Selon lalwa Moyiz la se sèl moun nan fanmi Levi ki gen dwa vin sakrifikatè nan menm liy ak Aawon. Men kòm pa t gen okenn sakrifikatè ki te san fay nan sistèm sa a, te vin gen bezwen pou yon lòt kalite prèt. Konsa, Bondye etabli yon sakrifikatè nan menm liy ak Mèlkisedèk.

Ebre 7:18

Ansyen sistèm nan rive nan bout li, paske l te fèb epi li pa t ka ede nou.

Ebre 8:6

Jezi li menm gen yon travay ki pi enpòtan. Li rann yon nouvo akò posib ant Bondye ak pèp li a. Akò sa pi bon paske li chita sou anpil pwomès ki pi bon.