Jesu’walaŋ Mede Momooŋ Makdi Youkuk 3:9 - Numanggang: Bepaŋ'walaŋ yofolok kobuli tiŋa kap

^9-10 Kaŋ mehinek fee yehitubu-kedebaguk kaŋ noli yagithinit adi buŋa wehemila kedebadok yoŋa kwanaimiŋ tigiŋ. Unduŋ tiŋa bu tubukapepene tineneŋ yoŋa mihiŋiye yenimbune muwage tiulidokomiŋgiŋ.

Jesu’walaŋ Mede Momooŋ Makdi Youkuk 3:9 Referans Kwoze

Jesu’walaŋ Mede Momooŋ Jondi youkuk 6:15

Metamdi unduŋ yoŋa honeeŋ mapmehik kambiyatdok yoŋa tigiŋ. Kaŋ Jesudi u yabukiyondaaŋ momoŋ kweboboe foloŋ ne hogok loguk.

Jesu’walaŋ Mede Momooŋ Makdi Youkuk 5:30

Unduŋ tuguk kaŋ Jesu adi saŋiniŋŋiŋ fofoye-tobune uŋgoŋ udaneeŋ yali yeniŋguk, “Nu tinahukutne neeŋdi wehemilak.”

Matiyu 15:39

Unduŋ tiŋa metam yeniŋkulune uune Jesu adi mihiŋiye dut muwage gineŋ looŋ wooŋ Magadan kwetneŋ ugiŋ.

Jesu’walaŋ Mede Momooŋ Makdi Youkuk 4:1

Jesu kotigoŋ imeŋgwaŋ gagayeŋ wooŋ Mede Momooŋ yeniyeniŋ tuguk, kaŋ metam feedi wooŋ bopnegiŋ kaŋ muwage foloŋ looŋ ila

Jesu’walaŋ Mede Momooŋ Makdi Youkuk 4:36

kaŋ metam bop wapum u biyabuŋa muwage Jesudi looŋ yali Mede Momooŋ yeniŋgukneŋ uŋgoŋ looŋ noŋgoŋ ugiŋ. Jesu ne agaŋ koom looŋ ikuk doktiŋa mihiŋiye hogok looŋ ilune noŋgoŋ ugiŋ. Muwage noli maaŋ noŋgoŋ ugiŋ

Jesu’walaŋ Mede Momooŋ Makdi Youkuk 5:2

Wosuwaaŋ tatakula foune me niŋ yabapnit meyotneŋ itoulugukdi kawe buguk.

Jesu’walaŋ Mede Momooŋ Makdi Youkuk 6:32

Unduŋ yeniŋa muwage niŋ foloŋ looŋ imeŋgwaŋ fokolok looŋ kwet fiileŋ ne hogok hatibe uguk,

Jesu’walaŋ Mede Momooŋ Lukdi youkuk 5:1

Heleniŋ Jesu adi Genesalet imeŋgwaŋ magineŋ yatune metam feedi Bepaŋ’walaŋ mede nadinim yoŋa Jesu yakukneŋ bugiŋ.

Jesu’walaŋ Mede Momooŋ Lukdi youkuk 5:3

Jesu adi muwage niŋ foloŋ loguk. Muwage u Saimon’walaŋ ala looŋ ilaŋa nimbune kabe-muniniŋ siloneune imeŋgwaŋ gineŋ uguk. Kaŋ Jesu adi uŋgoŋ ila Mede Momooŋ yeniyeniŋ tuguk.