Jesu’walaŋ Mede Momooŋ Makdi Youkuk 3:2 - Numanggang: Bepaŋ'walaŋ yofolok kobuli tiŋa kap

² Kaŋ me noli adi Jesudi me u Sabat foloŋ nobu tubukedebau kaŋ mede gineŋ kameŋdok yoŋa yamaŋgoŋ ila kakuwakiŋ.

Jesu’walaŋ Mede Momooŋ Makdi Youkuk 3:2 Referans Kwoze

Judahi’walaŋ Kap 37:32

Me hogoli adi kabup hebi-hali me didimeniŋ u dediŋ tiŋa ulukumumbit yoŋa hakakuwat tilak.

Jesu’walaŋ Mede Momooŋ Lukdi youkuk 14:1

Sabat niŋ foloŋ Jesu adi Falisi heki’walaŋ talitimeŋ niŋ dut nanaŋe nade ulune Falisi heki adi me yagitnit nenobu tubukedebawek yoŋa kakuwali ti ugiŋ.

Jesu’walaŋ Mede Momooŋ Lukdi youkuk 6:7

Kaŋ Falisi tiŋa Yodoko Mede hinale heki adi Jesudi Sabat foloŋ nebek nenobu tubukedebaune kaŋ mede gineŋ kameŋdok yoŋa yamaŋgoŋ ila kakuwakiŋ.

Jesu’walaŋ Mede Momooŋ Lukdi youkuk 20:20

Wabiŋa kakuwali dediŋ tiŋa honeeŋ gapman heki’walaŋ kohohik foloŋ kamenim yoŋa talii lohigiŋ. Tiŋa me noli yeniŋkulune me momohi namandap tiŋa keleeŋ wanaŋ yaugiŋ.

Jesu’walaŋ Mede Momooŋ Jondi youkuk 9:16

Ninadiune yeniŋguk, “Adi dagik moŋgola daune foloŋ hafiyeŋak kaŋ namandatne youtela daudiwediwe tilat.” Unduŋ yeniŋguk kaŋ Falisi nolidi yogiŋ, “Me u Yodoko Mede lahula Sabat foloŋ kwanai tilak doktiŋa adi Bepaŋ’walaaniŋ moŋ.” Kaŋ nolidi indiŋ yogiŋ, “Me kadakaniŋ titiŋdi kwanai undiniŋ u tuwot mu tibek.” Unduŋ yoŋa nehi uŋgoŋ siwe tigiŋ.

Matiyu 12:10

kaŋ me niŋ kohoŋ kumuŋ tuguk adi uŋgoŋ ikuk. Kaŋ mehekidi Jesu mede gineŋ deti kamenim yoŋa indiŋ niŋkamandagiŋ, “Yodoko Medenikdi dediŋ yolak. Sabat foloŋ meeniŋ kedem be yehitubu-kedebadok, be dediŋ?”

Jesu’walaŋ Mede Momooŋ Makdi Youkuk 3:3

Kaŋ Jesudi me kohoŋ kumiŋ u niŋguk, “Pilali iŋgoŋ labeŋ.”

Jesu’walaŋ Mede Momooŋ Jondi youkuk 8:6

Unduŋ ninadiune Jesudi dediŋ ya yobubuyeune mede gineŋ kameŋdok yoŋa niŋkamanda tigiŋ, iŋgoŋ Jesu adi duwokeneeŋ kohoŋdi kudi kwet gineŋ ha-youkuk.