Jesu’walaŋ Mede Momooŋ Makdi Youkuk 1:4 - Numanggang: Bepaŋ'walaŋ yofolok kobuli tiŋa kap

⁴ Unduŋ youkuk kaŋ biyagoŋ hinek Jondi kwet fiileŋ buŋa Imeyout kwanai tiŋa metam indiŋ yenihautaluguk. “Hidige, kadakaniŋhik sigilulum tiyemiŋa buune Imeyout tihambene Bepaŋdi kadakaniŋhik tumolokuhambek.”

Jesu’walaŋ Mede Momooŋ Makdi Youkuk 1:4 Referans Kwoze

Jesu’walaŋ Mede Momooŋ Jondi youkuk 3:23

Adi unduŋ tulune Jon maaŋ undugoŋ Inon, Selimkade uŋoŋ ime fee doktiŋa metam feedi uune Imeyout kwanai tiyemguk.

Matiyu 3:6

Tiŋa kadakaniŋhik yofiyalu Jodan ime gineŋ Imeyout tiyemguk.

Jesu’walaŋ Mede Momooŋ Lukdi youkuk 1:77

Tiŋa talik dobui tiŋa metamŋiye kadakaniŋhik biyemiŋa yehitubu-lodadok gigit yohautawaaŋ.

Aposel 22:16

ale maŋgoŋde woomdim, pilali Imeyout tubu adi wou gineŋ ninadide kadakaniŋge tumolokukambek.’”

Aposel 10:37

Tiŋa hidi Jon Imeyout Tububihitdi mede yobune mindaŋkade nemek Galili eŋ Judiya maaneŋ mintaguk u maaŋ agaŋ nadiiŋ.

Matiyu 3:11

“Nu adi wele tubutakale tineŋdok ime hogok youhamulat, iŋgoŋ me niŋ mindaŋ bulak adi yadi Uŋgoniŋ Munabuli dut kudupdi youhambaak. Adi loloŋnit, nu nalakapme tilak. Tiŋa nu aindiniŋdi tipilapilaye timindok tuwot moŋ.

Jesu’walaŋ Mede Momooŋ Makdi Youkuk 1:5

Unduŋ yoŋa tubu metam fee Judiya maaneŋ eŋ Jelusalem yokwet wapum maaneŋ itawagiŋ adi Jon medeŋiŋ nadine ugiŋ. Wooŋ kadakaniŋhik yofiyalu Jodan ime gineŋ Imeyout tiyemuluguk.