Jesu’walaŋ Mede Momooŋ Lukdi youkuk 4:21 - Numanggang: Bepaŋ'walaŋ yofolok kobuli tiŋa kap

²¹ Unduŋ tubune yeniŋguk, “Mede i kunale nadiŋit kamiŋ agaŋ folooŋ mintalak.”

Jesu’walaŋ Mede Momooŋ Lukdi youkuk 4:21 Referans Kwoze

Aposel 3:18

U agaŋ koom Bepaŋdi polofet yenimbune Kilisto folofigita nadiwaakdok yotabugiŋ doktiŋa hidi unduŋ tigiŋ, kaŋ mede wondi undugoŋ mintaguk.

Matiyu 13:14

Kaŋ Aisaiyadi mede indiŋ yoguk u folooŋ mintalak: ‘Magihikdi nadinadi hogok u nadineeŋ, eŋ welehikdi hinek nadidakale adi mu tineeŋ. Dauhikdi diwediwe u diweneeŋ, iŋgoŋ kadakale adi tuwot mu tineeŋ.

Jesu’walaŋ Mede Momooŋ Jondi youkuk 5:39

Hidi Youkudip Mede gineŋ hatihati fafaŋeniŋ kamehebigiŋ u kahileneem yoŋa hati kunatnadiiŋ, u nu iŋakoŋ.

Jesu’walaŋ Mede Momooŋ Lukdi youkuk 4:20

Jesu adi mede unduŋ kunali pepa gwihiŋa tipilapilaye-me yakuk u miŋa fo ikuk. Kaŋ metam hogohogok uŋoŋ ikiŋ adi Jesu dautelet timiŋgiŋ.

Jesu’walaŋ Mede Momooŋ Lukdi youkuk 4:22

Unduŋ yobune metam uŋoŋ ikiŋ adi medeŋiŋ nadiŋa boho tiŋa mede momooŋ yolak niŋgiŋ. Tiŋa indiŋ yogiŋ, “Me yadi Josep mihiŋiŋ. Detiŋa mede unduŋ yolak?”