Jesu’walaŋ Mede Momooŋ Lukdi youkuk 24:41 - Numanggang: Bepaŋ'walaŋ yofolok kobuli tiŋa kap

⁴¹ U yabuŋa wele kukut tiŋa boho gimiŋgimiŋ tigiŋ iŋgoŋ oŋ, mu nadisukilitigiŋ. Untiŋa nadififile tubune adibo yeniŋguk, “Hidi nanaŋe neeŋbe boiŋa hakiiŋ?”

Jesu’walaŋ Mede Momooŋ Lukdi youkuk 24:41 Referans Kwoze

Jesu’walaŋ Mede Momooŋ Jondi youkuk 21:5

Kaŋ Jesudi yeniŋguk, “Mekuyahi, hidi pisi neeŋbe beŋit?” Yeninadiguk kaŋ niŋgiŋ, “Moŋ hinek. Kubugoŋ-kabe nemu kamun.”

Jesu’walaŋ Mede Momooŋ Jondi youkuk 16:22

Doktiŋa nai indidegoŋ hidi wele figitahinit hatineeŋ ala kotigoŋ udaneeŋ baatneŋ uŋaniŋ hidi nadifo wapum hinek tineeŋ, kaŋ hidi’walaŋ welenadifohik u nebek niŋdi holomtibaakdok tuwot moŋ.

Jesu’walaŋ Mede Momooŋ Makdi Youkuk 16:11

“Jesu agaŋ kaikaaŋ pilalak kaŋ agaŋ kaŋ bulat.” Unduŋ yeniŋguk kaŋ mihiŋiye adi medeŋiŋ u mu nadisukilitigiŋ.

Jesu’walaŋ Mede Momooŋ Makdi Youkuk 16:13

Unduŋ tubune wabiŋa udaneeŋ buŋa mihiŋiye noli yeniŋgumuk, iŋgoŋ adi medehik u nadiune yalaŋ tuguk.

Jesu’walaŋ Mede Momooŋ Makdi Youkuk 16:14

Mindaŋ hinek mihiŋiye wanakaŋ nanaŋe hanalu mintayemguk. Tiŋa kumuŋ gineniŋ kaikaaŋ pilali metam mintayembune kaŋ buŋa yeniŋgiŋ iŋgoŋ welehik tehekilitiŋa medehik mu nadisukilitigiŋ wendoktiŋa mede fafaŋeŋgoŋ yenintoguk.

Jesu’walaŋ Mede Momooŋ Lukdi youkuk 24:11

Iŋgoŋ aposel heki adi sububa mede binek yoŋa medehik u mu nadisukilitigiŋ.

Jesu’walaŋ Mede Momooŋ Lukdi youkuk 24:40

Unduŋ yoŋa kayoŋ kohoŋ yembune yabugiŋ.

Jesu’walaŋ Mede Momooŋ Lukdi youkuk 24:42

Unduŋ yeninadiguk kaŋ pisi heheŋnit diki niŋ tiŋa miŋgiŋ.

Aposel 12:14

Buŋa Pita medeŋiŋ kiyoŋ nadiŋa nadifo tiŋa talik mu dilitomuŋa kotigoŋ udaneeŋ kiyane wooŋ metam yeniŋguk, “Pita agaŋ buŋa fakaŋ yatak.”

Jesu’walaŋ Mede Momooŋ Makdi Youkuk 8:7

Unduŋ tiŋa pisi kuyahi lufom-kabe u moŋgola Bepaŋ niutumbaaŋ mihiŋiye yembune u maaŋ moŋgola metam dane-yembune nagiŋ.