Jesu’walaŋ Mede Momooŋ Lukdi youkuk 20:1 - Numanggang: Bepaŋ'walaŋ yofolok kobuli tiŋa kap

¹ Heleniŋ Jesu adi Siloŋyot diniŋ hamuhe gineŋ fooŋ Mede Momooŋ yeniyeniŋ ha-tulune Siloŋyot diniŋ talitimeŋ wapum heki, eŋ Yodoko Mede hinale heki agaŋ me wapuhi noli adi indiŋ ninadigiŋ,

Jesu’walaŋ Mede Momooŋ Lukdi youkuk 20:1 Referans Kwoze

Aposel 6:12

Unduŋ yoŋa metam eŋ me wapuhi eŋ Yodoko Mede hinale heki weleyouyout tiyemgiŋ kaŋ Stiwen honeeŋ nagila me wapuhi’walaŋ bophik gineŋ ugiŋ.

Aposel 4:1

Pita dut Jon adi metam Jesudi kumuŋ gineniŋ kaikaaŋ pilakuk undugoŋ kougoŋ metam kumuŋa pilatneeŋ unduŋ hayenilune Siloŋyot diniŋ talitimeŋ heki eŋ mikme Siloŋyot kadoko tagiŋ heki tiŋa Sadusi heki adi buŋa Pita yakat hakumukneŋ busuwaaŋ mede u nadiune tuwot mu tuguk.

Jesu’walaŋ Mede Momooŋ Jondi youkuk 18:20

Kaŋ Jesudibo niŋguk, “Nu nemek kabup nemu yolugut, nu adi Siloŋyotneŋ be bopyotneŋ metam fee bopneyagiŋ kaŋ mede yenilugut.

Jesu’walaŋ Mede Momooŋ Lukdi youkuk 8:1

Muniniŋ hatigene Jesu yokwet indigoŋ yauŋa Bepaŋ’walaŋ Hatihati Kobuli diniŋ Mede Momooŋ yohautayauguk. Kaŋ mihiŋiye 12 noŋgoŋ yaugiŋ,

Matiyu 26:55

Unduŋ yoŋa mebop nagitne bugiŋ heki u indiŋ yeniŋguk, “Hidi nu mikbe tubupilale tilat doktiŋa miknoŋ eŋ tebe bohom beŋa nohonene buŋit? Nu helemahelemaŋ Siloŋyotneŋ metam Mede Momooŋ yenindidime hati tilat, kaŋ nai uŋaniŋ maŋgoŋde mu nohoneiŋ?

Jesu’walaŋ Mede Momooŋ Lukdi youkuk 20:2

“Du nediyeŋdi kwanai i titiŋdok saŋiniŋ gamuŋa ganindapmaune tilaŋ u ninimbune nadinim?”