Jesu’walaŋ Mede Momooŋ Jondi youkuk 10:6 - Numanggang: Bepaŋ'walaŋ yofolok kobuli tiŋa kap

⁶ Jesu adi yoyout mede unduŋ yenimbune mu nadidakalegiŋ.

Jesu’walaŋ Mede Momooŋ Jondi youkuk 10:6 Referans Kwoze

Judahi’walaŋ Kap 82:5

“Hidi adi nadinadihinit mokit, tiŋa hidi adi kaulehi hinek. Hidi hide mambip gineŋ hati yawiiŋ, doktiŋa metam kwetkwet adi titiŋ didimeniŋ mu takaliŋa bikabune fodapmalak.”

Jesu’walaŋ Mede Momooŋ Jondi youkuk 16:25

“Mede haniŋtabulugut u yoyout gineŋ hogok kameeŋ hanilugut, ala nai niŋ dulalak uŋaniŋ adi mede undihi kotigoŋ mu hanimbaat. Nai uŋaniŋ adi Batne’walaŋ mebi u miŋgilaŋgoŋ yodakalewaat.

Matiyu 13:51

Unduŋ yodapmaaŋ yeninadiguk, “Hidi u hanilat hogohogok u abe nadidakaleiŋ?” Unduŋ yeninadiune yogiŋ, “Eeŋ, agaŋ nadidakaleyam.”

Judahi’walaŋ Kap 106:7

Isip uŋoŋ mamani-papaniye adi du kwanai wapuhi tuguŋ u mu nadidakalegiŋ. Du nai fee hinek yehitubu-lodaguŋ, doktiŋa du adi yabukahile hinek tilaŋ u agaŋ nadigiŋ. Iŋgoŋ oŋ, wendok agaŋ kaule tigiŋ, tiŋa Imeŋgwaŋ Giminiŋneŋ uŋoŋ wosuwaaŋ Bepaŋ Saŋiniŋ Molom, du foko tigamgiŋ.

1 Jon 5:20

Tiŋa indiŋ maaŋ agaŋ nadiyam. Bepaŋ Mihiŋiŋ adi agaŋ buguk, kaŋ indi Bepaŋ folooŋ hinek u nadinimdok nadinadi nimguk. Indi Bepaŋ folooŋ hinek eŋ Mihiŋiŋ Jesu Kilistodut wooŋ galiyam. Jesu Kilisto adi Bepaŋ hinek, tiŋa adi yadi Hatihati dapmandapmaŋnit mokit diniŋ mebi.

1 Kolin 2:14

Me Uŋgoniŋ Munabulihinit mokitdi Bepaŋ’walaŋ Uŋgoniŋ Munabuli diniŋ mede u tuwot mu nadineŋ. Adi u dediŋ tiŋa nadineŋ? Moŋ hinek. Adi u nadiune mede kauleŋ tibek. Woŋ adi me Uŋgoniŋ Munabulihinitdi hogok nadidok tilak.

Jesu’walaŋ Mede Momooŋ Jondi youkuk 8:43

Hidi dediŋ tiŋa hatibune medenedi welehik maaneŋ mu folak? Nu mede yolatneŋ magihik momooŋgoŋ mu kameeŋ nadiiŋ doktiŋa uŋakoŋ ya yoiŋ.

Jesu’walaŋ Mede Momooŋ Jondi youkuk 8:27

Adi mede u Beudok yenimbune mu nadidakalegiŋ.

Jesu’walaŋ Mede Momooŋ Jondi youkuk 7:36

Adi indiŋ yolak, ‘Indi lohineem iŋgoŋ tuwot mu tubumintaneem be adi waakneŋ indi tuwot mu uneem.’ U mebi dediŋdok yolak?”

Jesu’walaŋ Mede Momooŋ Jondi youkuk 6:60

Metam keleyau tagiŋ adi’walahi feedi mede i nadiŋa indiŋ yogiŋ, “Mede i nadine malabumuŋ hinek tilak doktiŋa nediyeŋ nadiwek.”

Jesu’walaŋ Mede Momooŋ Jondi youkuk 6:52

Judahi adi mede u nadiŋa kisaŋ hinek kwihitaaŋ yogiŋ, “Me i ne’walaŋ gomŋiŋ deti nimbune nanim yo yolak?”

Matiyu 13:34

Jesu adi metam mede didimeŋgoŋ be miŋgilaŋgoŋ hogok mu yeniluguk. Adi yoyout mede foloŋ kameeŋ yeniluguk.

Jesu’walaŋ Mede Momooŋ Makdi Youkuk 4:34

Adi mede didimeŋgoŋ be miŋgilaŋgoŋ nemu yeniluguk. Adi yoyout mede foloŋ hogok kameeŋ yeniluguk doktiŋa mihiŋiye adi nehogok hatugukneŋ wooŋ kaune mebi yenindakaleluguk.

Jesu’walaŋ Mede Momooŋ Jondi youkuk 16:29

Unduŋ yobune mihiŋiyedibo indiŋ niŋgiŋ, “Kei! Kobuk mede ninilaŋ yoŋ adi yoyout gineŋ mu kamekaaŋ miŋgilaŋgoŋ hinek ninindakalelaŋ.

2 Pita 2:22

Metam undihidok adi mede indiŋ yoŋit wendi folooŋ tilak. “Kamo adi madiboiŋa kotigoŋ nalak. Kaŋ makaye adi ime gomdapmaaŋ yakaleeŋ dagik gomulak.”