Jesu’walaŋ Mede Momooŋ Jondi youkuk 1:6 - Numanggang: Bepaŋ'walaŋ yofolok kobuli tiŋa kap

^6-7 Unduŋ mintaune Bepaŋ adi metamdi medeŋiŋ nadiŋa nadisukiliti tubumintadok yoŋa tipilapilaye-meŋiŋ niŋ wou Jon kameune buŋa metam hauta wondiniŋ gigit yenihautaguk.

Jesu’walaŋ Mede Momooŋ Jondi youkuk 1:6 Referans Kwoze

Jesu’walaŋ Mede Momooŋ Jondi youkuk 3:28

Nu koom indiŋ haniŋgut, hidi u agaŋ nadiiŋ. ‘Nu adi Kilisto moŋ, nu adi gigitŋiŋ yohautadok hogok.’

Jesu’walaŋ Mede Momooŋ Jondi youkuk 1:33

Nu na hogok me u tuwot mu nadidakalemimbe tugut iŋgoŋ me naniŋkut tuguk adi indiŋ naniŋguk, me niŋ Imeyout timimbaaŋ kaŋ Uŋgoniŋ Munabulidi adi foloŋ foune kawaaŋ adi kuyeŋ metam Munabulidi youyembaak.

Aposel 13:24

Adi kwanaiŋiŋ mu tububihitune Jondi metam kadakaniŋhik sigilulum tiyemiŋa Imeyout tineŋ yeniluguk.

Jesu’walaŋ Mede Momooŋ Lukdi youkuk 1:76

“Mihine, du adi Wapum baakdok talik dobui timimbaaŋ doktiŋa du adi Bepaŋ Loloŋnit Hinek’walaŋ polofet ganiŋdok.

Matiyu 11:10

Aditegoŋ Yokudip Mededi indiŋ yolak, ‘Nu kwanai-mene kamewene timeŋ wooŋ talik dobui tigambaak.’”

Jesu’walaŋ Mede Momooŋ Lukdi youkuk 1:13

Unduŋ tubune niŋguk, “Sakaliya, du munta mu tibeŋ, Bepaŋ adi yonadige agaŋ nadiguk, ala tamge Elisabet adi mihi niŋ tubumintagambaak. Kaŋ wou Jon youlaaŋ.

Matiyu 21:25

Jon Imeyout kwanai tuguk u neeŋdi nindapmaguk. Bepaŋdi be, be kwetfoloŋ medi nindapmagiŋ?” Unduŋ yeninadiune adi mede toboniŋ dediŋ tubu-udanenim yoŋa nehi uŋgoŋ kiyonadi tigiŋ: “Indi Bepaŋ yonim adi indiŋ ninimbek, ‘Kaŋ hidi maŋgoŋde medeŋiŋ mu nadisukilitigiŋ?’