Aposel 11:10 - Numanggang: Bepaŋ'walaŋ yofolok kobuli tiŋa kap

¹⁰ “Nemek u nai lufomkulitniŋ mintaune kotigoŋ kunum gineŋ hamaneune udaneeŋ loguk.

Aposel 11:10 Referans Kwoze

2 Kolin 12:8

Nemek u binabek yoŋa nai lufomkulitniŋ gigine hinek tiŋa Wapum ninadigut.

Jesu’walaŋ Mede Momooŋ Jondi youkuk 21:17

Niŋa kotigoŋ niŋguk, “Saimon, Jon mihiŋiŋ, du nutok maaŋbe hati-nadilaŋ?” Ninadiune Saimondi maŋgoŋde nai lufomkulitniŋ hinek naninadilak yoŋa welemulap tiŋa yoguk, “Wapum, du nemenemek agaŋ nadidapmalaŋdi nu welenedi hinek du gabukahile tilat u agaŋ nadilaŋ.” Yobune Jesudi yoguk, “Dompaneye yemtoi tuluwaaŋ.”

Jesu’walaŋ Mede Momooŋ Jondi youkuk 13:38

Unduŋ yobune Jesudibo niŋguk, “Du biyakube nutok tiŋa kumumbe yolaŋ? Biyagoŋ hinek ganimbe nadiweŋ. Pupup mu kutilune du nu mu nadinamulaŋ nai lufomkulitniŋ yobeŋ.”

Aposel 11:9

Unduŋ yogut kaŋ kotigoŋ mede indiŋ mintaguk, ‘Bepaŋdi nemek kedem yolak kaŋ du maŋgoŋde moŋ yolaŋ?’

Aposel 11:11

Nai uŋaniŋgoŋ Sisaliyahi me lufomkulitniŋ yeniŋkulune ugiŋ, wooŋ yot nu hakutneŋ wosuwagiŋ.