Zakariyya 9:9 - NABUWWA KEE MALIKWA

⁹ YALLI iyyeemih, «Siyon maraw, afracuk ifrica! Yarusalaam maraw, qililisa! Sin malik sin fanah yamaateh yanik wagita! Sin malik qadaalat leeh; nasri luk yamaateh yan. Takkay immay qunxa num tikka 'yeh dananal gaceh yamaateh yan; oklô-baxih amol gacca 'yeh yamaateh yan.

Zakariyya 9:9 Referans Kwoze

Zakariyya 2:10

YALLI iyyeemih, «Yarusalaam maraw, qililisay ifrica. Anu sin lih gacuh amaateh an.

Yasaqya 43:11

YALLI dibuk yooy; yok kalah Yalli mayan; yok sah wadoot akak geytan Yalli mayan.

Yasaqya 40:9

*Yarsalaamah warsa numow, meqe xaagu teetih waris. Fayya le qale fan gexay, amol bukka akak inxicay, ta xaaguy ayti doogisa, warisay, awadah inxic. Siyoonuh, anay fayya haay, a xaaguy ayti doogisa, teetih waris; awadah 'cuy. Fayya hay, anay fayya haay, teetik 'xicay, mameysitin. Yuudâ-magaaloolih marak, «Sin Goyti yamaateh» inxic.

Yasaqya 62:11

Macaay inteenik, YALLI baadal tan ummatak inkih iyyeemih; «Siyoonuk, ‹Ubuley, koo wadu waa num yamaateh yan› inxica. ‹Isi galto luk yamaate. Isi-ummatay isih wade, gabat luk yamaateh yan› 'yaanam axcuk teetik inxica» iyye.

Yasaqya 43:3

Macaay inteenik, YALLAY sin Dagelta kinniih sin wadahiyya yoo. Israayil doore Dageltay *Kudduusuk yanihiyya yoo. Isin currih tawqeeni'gidih, Masri-mara sin gidyatah ecee. Kuus kee Saba sin aftok ecee.

Yasaqya 12:6

Siyoonul geytima maraw, qililisa; ruffa 'xica. Israayil doore Dageltay *kudduusuk yanihiyya yan. Ni fanat tanim kaa kinni. Nabna leeh, muxxo lem kaa» 'yaanam axcuk too-ayroora Yallih mari Yallih migaq fayliseleeh, saarisele.

Ermiyaas 30:9

Yoo YALLAY ken Dagelta kinnihiyya kee, Dawuduk rade numuy anu malik abu waahiyyah taamat gacelon.

Yasaqya 45:21

Amaay, waytaanam cokmi-buxal haysita. Yistikyen maraw, intoonu waytaanam sitta lih malisa. Sarra takku waytaamat dumaak yabtem yoo. Ahat yabtem yoo YALLA; yok sa Yalli mayana. Anu gital tanim aba Dageltaay; wadeena kinniyooh, yi'nnah tanim matana.

Makaabon 10:4

Soddom dananak amot gexxa lab-xaylok soddom luk yen. Oson kaadu Gilqad rakaakayal soddom magaala luk yenen. Woo magaalooli a saaku fan Yaaqir-magaalooli deqsitta.

Yasaqya 30:6

YALLI bacarih tan baaxoy gabbi-qaxat raqtahiyyal tan alluwwah giddinaamak farmo ruubeeh iyyeemih: Ta makaabonuy farmoh afat gexxehiyya gexen saaku, gibdaabina le baaxoy lubooka kee afat summi le abeesas kee haadda baadeysitte elle tanihiyyak adda gacca 'yeenih gexen. Merraytuh qarik garab danoonal luk gexen. Garab kaadu gaalal luk gexen. Too merraytul heenim, limo mango duyyek ten. Too duyye akah beenim, catoh edde qaagan marih mattacok ten. Takkay immay oson catoh edde qaagen mari, hebeltô-cato keenih abu duuda marak mananna.

Yasaqya 33:22

YALLI ni cokmaabe; madqa isih neh yayyaaqe. Ni malik kaa; nee waddu waytam kaa.

Yasaqya 57:15

Macaay inteenik, daga raaqa *kudduusuk yan Dageltay kulli way waarahiyya iyyaamah: «Elle anim daga raaqah kudduusuk yan araca'mmay, toh lih kaadu yoh rammitaah toobita mara lih anyo. Ken lih akah anim, kibaal kee niya keenit haa'gidi.

Hosiqa 1:7

Yuudâ marah tu gactek, keenih xuwaaweyyo. Yoo YALLAY ken Dagelta kinni ken cateyyo. Ken elle catu waam, carbi abitto hinnaay, seef kee gaysê-baxa hinnaay, faaris kee faaris amot yan mara hinnay, inni qandet ken cateyyo» iyye.

Miika 5:2

YALLI iyyeemih, «Beetlacam Efratey, Yuudâ-rasul tan magaaloolik inkih qunxa magaala kinnito. Takkay immay Israayil ummat xiinisu waa abba ku addak ayyaaqeyyo. Kay samad dumaak ugteeh, dumî-dabaanaak migaq-gexxo le marak ten» iyye.

1 Malikwa 1:38

Tohuk lakal sek Saaduk kee nabi Naatan kee Yoyadáq-Banaaya kee, Dawudut dacayrih tan qaskar, Suleeman Malik Dawud bakilil hayya heenih, isinnih lakat kaak gacca 'yeenih, Gicoon buyyi fan kaa been.

Yasaqya 52:7

Farmô-numuy qaleelak taturra 'yeh wagari xaaguy meqehiyya gabat lehiyya tableenim manxu meqeeh; too num waddiimaanam sinaamah warsaah, Siyon marak iyyaamah, «Sin Dagelti maliki» keenik iyya.

Yacedkel 21:32

Girat sin bayselon. Qabal siinik sin baaxoh addal caxitele. Wadiriik sin kassita mari maraaqa. Tahat yabtam yoo YALLA› » iyye.

Miika 4:8

Siyon-qaley, duma akah sugte'nnal, yi marah reebu akkettooh; Yarusalaam dumaak akah sugte baaxok inaytâ-magaala akkele» iyye.