Zakariyya 9:8 - NABUWWA KEE MALIKWA

⁸ Inni baaxo innih dacriseyyooh; qaskar mattaaqatta akki tet mahaa. Ahaysa inni mara racmatta sinni abbobtih gabat biyaaki mahaa. Yi mari biyaakak abeh gide ubleh an» 'yaanam iyye.

Zakariyya 9:8 Referans Kwoze

Yasaqya 54:14

Cakkik tan maqaane xinto kok akkele; xukko kee cunxok amaan akketto.

Yasaqya 60:18

Umaane sinaamat abaanam gaba kalele; umaane ahaysa rasu kok mabayissa. Yi wadoot reebu koh akkeleeh; kaxxam yoo faylisetto.

Yasaqya 52:1

Siyon maraw, uguta! Isinni qande kee nabna haysita. Yallih maray *taahirik yani kinnitoonuk, meqe sartanat gaca. Ahak wadir diini-maleela kee nadaasa-leela sin gasoh afak maculta.

Ermiyaas 31:12

Siyon qaleh amol farcatah qililisak saare abelon. YALLI keenih yacayu waa niqmat assakootelon. Baaxo keenik darooy, qinabak bicsen kamriiy, *daytuun zeytiiy (saliidiiy), illi kee laak amaggele. Too barkat keenit heeleeh; tohum assakootelon. Leek nagay yefqen bustaanih ceelot gacelon. Tahak wadir cisabbootiyyi keenik gaba kalele.

Qaamus 9:15

Israayiliy yi ummatah tanihiyya dumaak ikoytah keenih ecee baaxo gacissa ken heeh, dabaaqah ken elle daabiseyyo. Tohuk wadir tokkek mayarraanaay elle anelon. Tahat yabtam yoo YALLAY sin Dageltah yani» 'yaanam iyya.

Yacedkel 39:29

Israayil marat inni Roocaaniyya heeyyo. Tahak wadir darre keenit macaba. Tahat yabtam yoo YALLAY Mulki lehiyya» iyye.

Yasaqya 52:12

A saaku gexot akah tasissikeenim manton; akak kuddaanam manton. YALLI isih foocat siinik gacca 'yeh sin beeleeh, kulli kabuk isih sin dacrisele.

Yasaqya 31:5

Kimbiro isi qari galwat akah reebissa'nnal, YALLAY Nabaamak Nabahiyya Yarusalaam-magaala umaanek reebiseleeh, tet wadele» yok iyye.

2 Samuwel 16:12

YALLI yot tekke umaane yubleh, a umaaneh aftok maqaane yol oobisam takkeh» keenik iyye.

Zakariyya 14:11

Yarusalaam magaala tahak wadir mabaataay; ummat tet addal amaanah xiinele.

Zakariyya 12:8

Yooy YALLA kinni Yarusalaamal yan mara too ayro dacriseyyooh; gacca 'yaah, kaxxa boola keenik le num Dawud gide qandek aallele. Dawuduk rade mari yoo kee yi malaykattih innah ken miraacisele.

Ermiyaas 46:13

Baabelon-malik Masrit qeebi aba'gidih yemeete saaku, YALLIH qangara Ermiyaasal obteeh; kaak iyyemii,

Ermiyaas 46:2

Yoosiyaahû-Yahoyaakim Yuudâ-malik edde yekke fereyhaytô sanat, Furaat weeqaytih xaqul Karkamis deqsita aracal, Baabelon-malikiy Nabkadnessar deqsitahiyya, Masri-malikiy migaaqah Nako deqsitahiyya le qaskarat qeebi abeeh, qeebil keenik yeyse. Too saaku YALLI, Masri giddinaamak Ermiyaasak iyyeh sugem ah teeti:

Yasaqya 26:1

Too saaku Yuudâ-rasul qadar abelon. Qadarah iyyoonu waanamaa, «Ni magaala qandeey maqar le; Yalli isih maro teetit heeh yan; tet wada'gidih maro edde hee; is Yallih dacayri geyteh tan.

Yasaqya 4:5

Tohuk lakal YALLI, Siyon qale kee tet xaqul gaaboowe mari elle yani ikkel, laqo qamburre ruubeleeh, bar kaadu qer kee habug iyya ifu ruubele. Yallih nabna inkih tan magaala buuleleeh, umaanek tet waasele.

2 Malikwa 24:1

Yahoyaakim malikih suge saaku, Baabelon-malikih suge Nabkadnessar Yuudâ-rasu warare. Tohuk wadir Yahoyaakim Nabkadnessar-milkih gace. Sidooca sanatak lakal, kay milkih gacaanam cineh.

2 Malikwa 23:29

Ayrok teena Masri malikiy migaaqah Nako deqsitak yenehiyya, Assuuriyah-malikih catoh, qaskar Fuurat-weeqaytu fanah ruube. Yoosiyaahu toh yuble waqdi, Magiddo deqsita aracal ken yayseede'gidih, keenih matre. Sarrak too qeebit edde rabe.

Zakariyya 9:7

Qabal tif hayta cadoh makumuk raaqelon. Caraamak tan maaqo mayakman. Raqqa 'ye mari yi mara akkeleeh, Yuudah yooboke marih gexsot gexelon. Ekron mari, Yabuusah yooboke marak kaxxih, yi mara akkele.

2 Malikwa 19:34

A magaala, anu inni nabnah sabbatah, umaanek raaqiseyyo. Toh akah abu waam, inni naqasu Dawuduh cule qahdih sabbata› 'yaanam iyyah yan» kaak iyye.

Zakariyya 12:4

Too ayro too mari edde yamaatu waa faarisit cunxo ruubeyyo; amot akak yamaatu waa marat moyya ruubeyyo. Yuudâ mara dacriseyyooh; keenit qeebi aba'gidih yamaatu waa marih faaris inti waysiiseyyo.