Zakariyya 8:7 - NABUWWA KEE MALIKWA

⁷ Inni mara seewah been baaxok gacseyyo. Ayrô-culma kee ayrô-mawqak ken baaxo fanah ken gacseyyooh,

Zakariyya 8:7 Referans Kwoze

Malaaki 1:11

Addunyak ayrô-mawqaay ayrô-culma takke baaxol yoo yaynabe mari kibuk yan. Kulli ikkel dooqa aban waqdi, qaydarus qeerisakaay, ceelah yan sadgat abak yoo yaqbuden. Baadal tan ummat yoo taynabe.

Ermiyaas 31:8

Kilbat le kabuk ken baaheyyo; baaxô-maggaraqak ken gaaboyseyyo. Inti-maleela kee iba-maleelaay, xalay edde xayyoowe agabu kee xalaayal lacawat yan agbih agantah amaatelon. Manguk andabbelon.

Yasaqya 49:12

Yi ummatta xer rasuk amaatele. Garab kilbat le kabuk amaateleeh, garab ayrô-culma le kabuk amaatele. Garab kaadu gabbi-qaxak Sinim deqsita aracak amaatele» iyye.

Yasaqya 59:19

Tonnal ayrô-mawqaay ayrô-culmal kulli num kaak meysitele; kay nabnak meysitelon. Haruurugutak ooba weeqih innah amaateleeh, kullim duufut beya caacayih innal amaatele.

Yacedkel 36:33

YALLAY Mulki lehiyya iyyeemih, «Naharak sin taahirrossa heek sarra, isinni magaalah addal gacca 'teenih tiddigille qarwa akah xissittan innah siinih abeyyo.

Zakariyya 10:6

«Yuudâ mara maqar bahsiiseyyo. Israayil ummat umaanek cateyyo. Keenih xuwaawaah; tohih sabbatah ken baaxo ken gacseyyo. Duma keenil baahem edde hawwenna haan maqaane keenih abeyyo. YALLAY ken Dageltah yanihiyya kinniyooh; yoo fanah aban dooqa keenih oggoleyyo.

Nacmiya 1:9

Tonna'mmay tohuh, yol tuduureenik, aba siinik axcem oggolla hayteenih abteenik, inkih yan baadal sin fixixisaamah, yoo elle taqbudoonuh doore arac fan sin gacseyyo› nek inteh ten.

Yacedkel 11:17

«Anu keenik inxic axcem keenih waris. ‹Fixixih sin elle abbixe baaxooxak sin gacseyyo. Israayil baaxo ahaksa siinih aceeyyo.