Zakariyya 8:23 - NABUWWA KEE MALIKWA

²³ Too saaku Yahuuduh aabuke wee marak tabna num, Yahuuduh yooboke marak numuk teenal amma 'yeenih, ‹Yalli sin lih yani 'yaanam noobbeeh; tohuk gexxaamah sin lih gacnam fanxa› siinik axcelon» iyye.

Zakariyya 8:23 Referans Kwoze

Yasaqya 60:3

Doolatwa inkih, ku ifuy maaci ifih innah urahiyyah goranah amaatele; malikwa kaadu ku ifuh goranah amaatele.

Yasaqya 55:5

Wagitey! Israayil doore Dageltay kudduusuk yanihiyya migaq kee nabna kum abeemih sabbatah, koo aaxaguk suge wee marah koo fan edde yamaateeni'gidih amri ruubettooh; too mari koo fan arduk amaatele. Tamah abtu waytam, yoo YALLAY ku Dagelta kinnihiyya» iyye.

Yasaqya 45:14

YALLI iyyamaa: Yi ummatey, Masri kee Kuus mari le duyye sinim abeyyo. Saabah maray lafa xeerihiyya siinil amaateleeh, sin mara akkele. Silsilatat axawah anuk, sin kataateloonuuh, assakaxxiyyah amo qunuunussa heenih, ‹Yalli sin qaxat yanim nableh naniih, kaak sah yalli mayana› 'yaanam axcelon» iyyah yan.

Yasaqya 66:18

«Anu sinam baguh tacsubem kee ken taama digga haa. Taway, baaxol enna 'ta ummatta inkih gaaboysu waa ayro xayih. Oson gaaboowan saaku, yi nabna takke gide ablelon.

Yasaqya 4:1

Woh takku wayta ayro malcina barra inki numuk gaba xabba hayteh, «Maaqo kee sartanak ninni duudennooh, kot fanxam mannuk, baqala loonuh neh iyyaana'gidiiy qaybik cattinna'gidih nee abit» kaak axcelon.

Yasaqya 3:6

Inki gulubuk rade mari isinni addak numuk teenah secca 'yeenih, «Sartanah xagaral haa saro litoh tanik, a abuuruk yan aracak abba nek tik» edde iyyan wakti amaatele.

1 Aydaad 12:18

«Yaaxigen Soddomuk» qaskar abba yakku waa numuy Qamaasay deqsitahiyya too marak numuk teenak ten. Too waqdi Yallih *Roocaaniyya kaal obteeh, isi milkih kaa hayte. Too num too waqdi anay fayya haak yaabeeh, «Yiisâ-baxa Dawudow, nanu ku mara kinninoh, ko'lih nan. Yalla kinni ku Dagelti ku qaxat yaniih; amaan kee wagari ko'lih yanay. Qeebil koo cata mari nasri geyay» iyye. Too waqdi Dawud ken arcibiseeh isi qaskarak abbobtih ken hee.

2 Malikwa 2:6

Tohuk lakal Eliyyas Eliisaqak iyyemii, «YALLI, ‹Ordon weeqaytu fan gex› yok iyyek, atu away akkel elle sug» kaak iyye. Eliisaqah tu gactek iyyemii, «YALLAY waarahiyyah migaq kee ku manol xiibita'mmay, kok maraaqa» iyye. Tonna-leemik sitta lih bisoh gexen.

Miika 5:5

Baaxoh amaan bahtem kaa. «Assuuriyah mari ni rasu yabbaxuh, qaskar edde tan megdebittek koroonu waan waqdi, ni miracway celeemah tanihiyya keenit ruubenno.

Yoosuwa 8:35

Muusal oobe amrik qangara cabe'kal, wokkel suggu 'ye marak urru kee agbi agantah num raaqe'kal akah yaabben innah yikriye. Allî-baaxoh maray ken addat suge kaadu edde yoobbe.

Yasaqya 45:24

‹Cakkik tan maqaane kee cayla YALLAL geytimta› 'yaanam axceloonuh; YALLA fan amma axcelon. Yallal saduh yan mara kaxxa qaybi abbixele.

Yasaqya 60:14

Kot xukkutak yen marih xaylo amaatele; koo yassakaxxeeni'gidih gommoh koh radelon. Duma koo bursutak yen mari ku ibih gubat radeh, ‹YALLIH magaalay! Siyon magaalay! Israayil doore Dageltay *Kudduusuk yanihiyyah magaalay› 'yaanam axcuk koo diyaarelon.

Xafanya 3:19

Xukko siinit abe mara, edde digaala uddur xayih; maxeeriiy, ahaysa xayih. Kos iyya maray boola le edde wadu waa uddur xayih; maxeeriiy, ahaysa xayih. Fixixiseh suge mara le baaxo fanah gacseyyo. Sinam keenit abta qaybik, nagay ken saytunuseyyooh kaxxa mara ken abeyyo. Qaybi yibbixe baaxooxal, migaq akak yaabben maray faylisaana ken abeyyo. Tohum edde abu waa wakti, maxeeriiy, ahaysa xayih.

2 Aydaad 15:9

YALLAY kay Dagelta kinnihiyya kay xaqut yanim yublen waqdi, Efrayim kee Manasse kee Simqaanal suggu 'ye mari usuk malikih elle yan baaxo yemeeteeniih, dabqah tokkel gacen. Sarra, Aasa too mara kee Yuuda kee Benyaamah yooboke marah seeco abe.

Aster 8:17

Kulli rakaakay kee kulli magaalah addal suggu 'ye Yahuud-mari, baahen-waraakitil-tanim keenih yikriyen waqdi, farcatah kaxxa xigla aben. Ummatta mangih Yahuuduk meysitteemih sabbatah, akah aabuke ween Yahuud yekken.