Zakariyya 4:2 - NABUWWA KEE MALIKWA

² «Away tableemih tu maay lito?» yok iyye. «Dahabak bicsen caxxay faanus bagul akak haanahiyya ableh an» kaak exce. «Woo faanus elle haan caxxih amol malcina faanus yan. Kulli faanus malcina dubaalat edde haan arac le. Amol akak zeyti (saliid) edde yan sacni yan.

Zakariyya 4:2 Referans Kwoze

Zakariyya 5:2

Too waqdi malaykatti «Maca tablee?» yok iyye. «Xambabbaqen warkat qaraanal caacay beyah ableeh, too warkat xexxaarah sagla mitri yakkeh yan. Affara mitri kee garab baguh yakkeh yan» kaak exce.

Ermiyaas 52:19

Wohuk kalah, qaskar abbah yen num, dahab kee lakqok bicissa heen duyyey sugga 'tek, qunxa sacnitte kee, xikcin elle haan kabaaba kee, rifan lee addal akak haan sacnitte kee buutitteey, faanuswa elle daffeysan cooxuuy, qaydarus elle baahan qunxa sacnitte kee, faaroh kamri elle xayyoysan mingilwa inkih bee.

2 Aydaad 13:11

Kulli saaku kee carra carra YALLIH qibaadah qaydarus qeerisnaah kay sadgatah inkih tan cado akak carrisna saq nasguude. Seeka YALLIH sadgatah miiz amol haak yenen taahirroysen-gaqambo uxih hayta. Magribik wadir dahabak bicsen caxxay daabiseenihiyyah bagul tan faanusway kaadu dahabak bicseenihiyya ursan. Nanu YALLAY ni Dagelta kinni nee akah amrisem abnah immay isin kaa cine mara tekken.

2 Aydaad 4:7

Kitab elle inxicca 'ye innal, tabna caxxay faanuswa amol akak haanahiyya dahabak bicsen. Too cooxuy dahabak bicseenihiyya Yallih Qibaadah-Qarik giffa 'ya golih addal heen. A tabanak konooy tattabak teenal heeniih, aki konooy kaadu gersi tattabal heen.

1 Aydaad 28:15

Tohum, dahabak bicsen faanuswa kee, faanuswa elle haan mansafitteey, lakqok bicsen faanuswa kee, faanuswa elle haan mansafitteey,

Ermiyaas 24:3

Sarrak YALLI wacyih yo'lih yaabe. Yok iyyemii, ‹Away tableemit yaabey› yok iyye. Anu too waqdi excemii, ‹Taway ablem *sublâ-xaylo immay, kafaqak teenat tanim meqeh taniih; akittot tanim toomeh tanih yakmeenim leh matan› exce.

Qaamus 7:8

Too waqdi YALLI yok iyyemii, ‹Qaamusow, maca table?› yok iyye. ‹Gidaar xisan waqdi makot tanim kee ane waytam elle yaaxigen miizaan able› exce. Too waqdi YALLI yok iyyemii, ‹Hay tonnal, anu ta mansafat Israayil mari makot yan mara kinnim aybulleeyyo. Tahaysa ken digaaleyyo ikkal, wadir akak maxca.