Zakariyya 3:8 - NABUWWA KEE MALIKWA

⁸ Kaxxa sek kinnitok, ko'lih yaaba yab ankacca hay. Isin kaadu kaa'lih tan seekay ankacisa. Sarra takku wayta maqaaneh asta kinniton. Anu faxa taamah taamitu waa numuy migaaqah Dawud Luddal muggaaqisaanahiyya ruubeyyo.

Zakariyya 3:8 Referans Kwoze

Ermiyaas 23:5

Qagseh iyyeemih, «Dawuduk radeeh cakki gitat gexa malik siinih edde reedisu waa ayroora amaatele. Too malikiy Dawud-Luddal muggaaqisaanahiyya reedu waa saaku, ummat kasat xiinisaah qadaalat le malik akkele. Baaxo qadaalatat xiinisele.

Yasaqya 11:1

Yiisak rade maray malikwâ-nasab le, yirgiqen caxah buxuxih bis aallele. Takkay immay woo yirgiqen caxah buxuxuy saaboh raaqehiyya saadeleh, caxah-ramiidak luddi awqele. Yiisak rade marak qusba malik tonnal awqele.

Zakariyya 6:12

Too waqdi kaak intaamah, ‹Ludda deqsita num saadeleeh, abinnaanim gabal kaak bicele. YALLIH Qibaadah-Qari nammeyhaak xisele.

Ermiyaas 33:15

Too waktil, Dawuduk rade marak cakki gita gexa numuy Dawud-Luddal muggaaqisaanahiyya ruubeyyo. Too num cakkih tanim abaah, qadaalatat taamita malikih heeyyo.

Yasaqya 53:2

Kafin-baaxoy laqaymumtal toobokeh ten caxah gide akah yenem, YALLIH garil. Xagarat kaak yablen nabnay, kaa tablem kaa elle taaxige, kay xagarat matambulla. Too misliino luk mananna. Kaa elle nassakaxxe hayba kay xagarat maballino.

Yasaqya 42:1

YALLI iyyemii, «Aham kaana: Yi naqasuy innih dooreeh, ossokoote. Inni gabat kaa dacrisa. Inni Rooci kaah eceeh an. Baadal inkih tan ummatah, qadaalat usuk baahele; numma-le-meklah meklele.

Yasaqya 20:3

Asdood yibbixen saaku, YALLI iyyemii, «Yasaqyay yi naqasuh yanihiyya sidiica sanatah xagaral saro maliiy ibat kabella maliiy ibah gexe. Taham Masri kee Kuusut takku waytaamih asta.

Yasaqya 4:2

YALLIH Luddi nabna kee qax-maqaane edde baahu waa wakti amaatele. Too wakti Israayil ummattay baaxô-bagul raqtehiyya, woo baaxol taabuku waytam yabloonu waan waqdi, ruffu axceloonuuh; nabna edde geelon.

Yacedkel 12:11

Atu abtem, keenit takku waytaamih ceelallo kinnim keenih waris. Casbi-gurral ken abbaxuk, marin baaxo fan seewah ken beelon.

Yasaqya 53:11

Ganditeh biyaakite'mmay a biyak kaat akah yekkem, foyya hinnam aaxigele. Toh aaxaguk ruffa axcele. Yi naqasuy qadaalat le isi ixxigat mango marah cakki geeleh bahsiisele. Woo mari abeh suge umaane isil akkuqeleeh, beele.

Yasaqya 52:13

YALLI yaabeh annah iyye: Aham kaana; yi naqsi kaa. Yi naqsi edde asu waa taama inkih kay gabal bicele. Ummat garil, sahda garil, kaxxam naba num akkele.

Yasaqya 49:5

Taway YALLI yo'lih yaabe. Aabukeemik dumal elle, inâ-bagut akah anih, YALLI isi naqasu yoo abe. Isi naqasu akah yoo abem, Yaqkuubuk rade kay mara kaa fan gacissa haa'gidi. Israayil xayloy fixixxe, kaa fan gacissa haa'gidi. YALLIH garil nabna liyo; Qande akak liyom yi Goyta.

Yasaqya 8:18

YALLI yoh yecee xaylo luk akkel aniyo. YALLAY Nabaamak Nabaah dardaarinni korsi Siyon-qaleh amol akak tanihiyya yoo kee yi xaylo Israayil ummatta fanah asta nakkuh nee ruube.

Yacedkel 37:24

Yi naqasuh yan Dawud innah yan malik, malik keenik akkele. Inki loynaytih gubat xiineloonuuh, yi amri kee yi xinto intam digga luk duuduselon.

Yacedkel 34:29

Qidinnaan daro elle taabuke baaxo keenih aceeyyooh; ahaysa maqululan. Irô baaxoh mari anqaasah af keenil maraqeeqisa.

Yacedkel 24:24

Too waqdi Yacedkel asta siinih akkele. Usuk abba heem abetton. Axcem inkih takku wayta saaku, YALLAY Mulki lehiyya kinniyom yok aaxigetton› 'yaanam siinik iyya» keenik exce.

Yasaqya 49:3

Annah axcuk yo'lih yaabe; «Yim kinnito; yi naqasu. Ku migaq Israayil kinni; akah tantom, koo akah doorem, liyoh an qaxa-maqaane kol elle tambulle'gidi» 'yaanam axcuk yo'lih yaabe.

Yacedkel 12:6

Gexxa waqdi, sinam koo akah table innah, duyye sunkul hayyaay; baaxo akah able wayta innah, foocal gaba hayya haay, diteh addat gex. Tamah abta waqdi, tamah, Israayil maray koo yabalu waahiyyah garci-kaloot akkele» yok iyye.